ದಂಡ ಪಾವತಿಸಿದ ನಂತರ ಶಶಿಕಲಾ ಸಂಬಂಧಿ ಸುಧಾಕರನ್ ಬಿಡುಗಡೆ: ಕೋರ್ಟ್ ಆದೇಶ

ಬೆಂಗಳೂರು:  ಅಕ್ರಮ ಆಸ್ತಿ ಸಂಪಾದನೆ ಪ್ರಕರಣದಲ್ಲಿ ಜೈಲುವಾಸದಲ್ಲಿರುವ ಎಐಡಿಎಂಕೆ ಉಚ್ಚಾಟಿತ ನಾಯಕಿ ವಿ.ಕೆ ಶಶಿಕಲಾ ಅವರ ಸೋದರ ಸಂಬಂಧಿ  ವಿಎನ್ ಸುಧಾಕರನ್ ಅವರ ಜೈಲುವಾಸ ಅವಧಿ ಪೂರ್ಣಗೊಂಡಿದ್ದು ಯಾವುದೇ ಸಮಯದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಸುಧಕಾರನ್ ಕಾರಾಗೃಹವಾಸ ಪೂರ್ಣವಾಗಿದ್ದು, ದಂಡದ ಮೊತ್ತ ಪಾವತಿ ಮಾಡಿದ ನಂತರ ಆತ ಜೈಲಿನಿಂದ ಬಿಡುಗಡೆಯಾಗಲಿದ್ದಾರೆ. ಸುಧಾಕರನ್ ಪರವ ವಕೀಲರು ಅವಧಿಗೂ ಮುನ್ನ ಬಿಡುಗಡೆಗಾಗಿ ಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿದ್ದರು.

ಸುಧಾಕರನ್ ಅವರಿಗೆ ಜೈಲುವಾಸದ ಸಮಯದಲ್ಲಿ ಪೆರೋಲ್ ನೀಡಿರಲಿಲ್ಲ, ಅಲ್ಲದೆ, 1997 ರಲ್ಲಿ ಸುಧಾಕರನ್ ಏಳು ದಿನಗಳು, 2001 ರಲ್ಲಿ 92 ದಿನಗಳು ಮತ್ತು ಬೆಂಗಳೂರು ಕೇಂದ್ರ ಕಾರಾಗೃಹದಲ್ಲಿ 24 ದಿನಗಳು ಇದ್ದ ಬಗ್ಗೆ ವಕೀಲರು ನ್ಯಾಯಾಲಯಕ್ಕೆ ದಾಖಲೆಗಳನ್ನು ಸಲ್ಲಿಸಿದರು.

ಫೆಬ್ರವರಿ 15, 2017 ರಿಂದ ಜೈಲು ಶಿಕ್ಷೆ ಅನುಭವಿಸುವುದರ ಜೊತೆಗೆ, ಅವರ ಅವಧಿ ನಾಲ್ಕು ತಿಂಗಳಿಗಿಂತ ಹೆಚ್ಚಾಗಿದೆ ಎಂದು ಅವರು ನ್ಯಾಯಾಲಯಕ್ಕೆ ಮಾಹಿತಿ ನೀಡಿದರು.  ನ್ಯಾಯಾಲಯವು ಗುರುವಾರ, ನ್ಯಾಯಾಲಯವು ವಿಧಿಸಿದ 10 ಕೋಟಿ ರು. ಹಣವನ್ನು ದಂಡವಾಗಿ ಪಾವತಿಸಿದ ನಂತರ ಅವರನ್ನು ಬಿಡುಗಡೆಮಾಡಲು ಕೋರ್ಟ್ ಸೂಚಿಸಿದೆ,

ಮುಂದಿನ ವಾರ ಸುಧಾಕರನ್ ಅವರ ಸಲಹೆಗಾರರು ನ್ಯಾಯಾಲಯಕ್ಕೆ ಕರಡು ಪ್ರತಿ ಸಲ್ಲಿಸಲು ವ್ಯವಸ್ಥೆ ಮಾಡಿದ್ದಾರೆ ಮತ್ತು ಅವರ ಶೀಘ್ರ ಬಿಡುಗಡೆಗೆ ಅನುಕೂಲವಾಗಿದೆ ಎಂದು ತಿಳಿದುಬಂದಿದೆ. ಶಶಿಕಲಾ ಮತ್ತು ಇಳವರಸಿ  ವಕೀಲರು ನವೆಂಬರ್‌ನಲ್ಲಿ ದಂಡ ಪಾವತಿಸಿದ್ದು , ಅವರನ್ನು ಜನವರಿ ತಿಂಗಳಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ.