ಕೋವಿಡ್-19: ರಾಜ್ಯದಲ್ಲಿಂದು 1185 ಹೊಸ ಪ್ರಕರಣಗಳು ಪತ್ತೆ, 1594 ಸೋಂಕಿತರು ಗುಣಮುಖ, 11 ಸಾವು

ಬೆಂಗಳೂರು: ರಾಜ್ಯದಲ್ಲಿಂದು ನಿನ್ನೆಗಿಂತ ಸ್ವಲ್ಪ ಹೆಚ್ಚಿನ ಸಂಖ್ಯೆಯಲ್ಲಿ ಕೊರೋನಾವೈರಸ್ ಪ್ರಕರಣಗಳು ಪತ್ತೆಯಾಗಿವೆ. 1185 ಹೊಸ ಪ್ರಕರಣಗಳು ದೃಢಪಟ್ಟಿದ್ದು, 1594 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಈ ಮೂಲಕ ಆಸ್ಪತ್ರೆಯಿಂದ ಬಿಡುಗಡೆಯಾದವರ ಸಂಖ್ಯೆ 875796ಕ್ಕೆ ಏರಿಕೆ ಆಗಿದೆ. ಸದ್ಯ 15645 ಸಕ್ರಿಯ ಪ್ರಕರಣಗಳಿವೆ.

11 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದು, ಒಟ್ಟಾರೇ ಪ್ರಕರಣಗಳ ಸಂಖ್ಯೆ 903425 ಆಗಿದೆ. ಸೋಂಕಿನ ಶೇಕಡಾವಾರು ಪ್ರಮಾಣ ಶೇ. 1.32 ರಷ್ಟಿದ್ದರೆ, ಮೃತರ ಶೇಕಡಾವಾರು ಪ್ರಮಾಣ ಶೇ. 0.92 ರಷ್ಟಿದೆ.

ಬಾಗಲಕೋಟೆಯಲ್ಲಿ 6,  ಬಳ್ಳಾರಿ 17, ಬೆಳಗಾವಿ 25, ಬೆಂಗಳೂರು ಗ್ರಾಂ 17,  ಬೆಂಗಳೂರು ನಗರ 673, ಬೀದರ್ 11, ಚಾಮರಾಜನಗರ 8, ಚಿಕ್ಕಬಳ್ಳಾಪುರ 56, ಚಿಕ್ಕಮಗಳೂರು 18, ಚಿತ್ರದುರ್ಗ10,  ದಕ್ಷಿಣ ಕನ್ನಡ 38, ದಾವಣಗೆರೆ 7, ಧಾರವಾಡ 7, ಗದಗ 8, ಹಾಸನ 27, ಹಾವೇರಿ 9,  ಕಲಬುರಗಿ 20, ಕೊಡಗು 7, ಕೋಲಾರ 26, ಕೊಪ್ಪಳ 20, ಮಂಡ್ಯ 19, ಮೈಸೂರು 35, ರಾಯಚೂರು 15, ರಾಮನಗರ 11, ಶಿವಮೊಗ್ಗ 11, ತುಮಕೂರು 44, ಉಡುಪಿ 6, ಉತ್ತರ ಕನ್ನಡ 16, ವಿಜಯಪುರ 17, ಯಾದಗಿರಿ 1 ಪ್ರಕರಣಗಳು ಕಂಡುಬಂದಿವೆ.