ರಾಜ್ಯದಲ್ಲಿ ಇಂದು 7385 ಹೊಸ ಕೋವಿಡ್ ಪ್ರಕರಣ ಪತ್ತೆ: 6231 ಸೋಂಕಿತರು ಆಸ್ಪತ್ರೆಯಿಂದ ಬಿಡುಗಡೆ

ಬೆಂಗಳೂರು: ರಾಜ್ಯದಲ್ಲಿ ಇಂದು 7385 ಹೊಸ ಕೋವಿಡ್ ಪ್ರಕರಣಗಳು ಪತ್ತೆಯಾಗಿದ್ದು, 6231 ಸೋಂಕಿತರು ವಿವಿಧ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ.

102 ಮಂದಿ ಸಾವಿನೊಂದಿಗೆ ಮೃತಪಟ್ಟವರ ಒಟ್ಟು ಸಂಖ್ಯೆ 4429 ಆಗಿದೆ. 82 ಸಾವಿರದ 149 ಸಕ್ರಿಯ ಪ್ರಕರಣಗಳಿದ್ದು,
 ಒಟ್ಟು ಸೋಂಕಿತರ ಸಂಖ್ಯೆ 2 ಲಕ್ಷದ 56 ಸಾವಿರದ 975ಕ್ಕೆ ಏರಿಕೆಯಾಗಿದೆ.

ಇಂದು ಒಂದೇ ದಿನ 59 ಸಾವಿರದ 603 ಪರೀಕ್ಷೆಗಳನ್ನು ಮಾಡಲಾಗಿದೆ. ಈ ಪೈಕಿ 25989 ರಾಪಿಡ್ ಅಂಟಿಜಿನ್
ಪತ್ತೆ ಪರೀಕ್ಷೆಯಾಗಿದ್ದು, 33614 ಆರ್ ಟಿ ಪಿಸಿಆರ್ ಮತ್ತು ಇತರ ಮಾದರಿಯ ಪರೀಕ್ಷೆಗಳಾಗಿವೆ.

ಬೆಂಗಳೂರು ನಗರದಲ್ಲಿ 2912, ಬೆಳಗಾವಿ 358, ಉಡುಪಿ 351, ಬಳ್ಳಾರಿ 483, ಮೈಸೂರು 253, ದಾವಣಗೆರೆ 245, ಕಲಬುರಗಿ 210, ಬಾಗಲಕೋಟೆ 159, ಧಾರವಾಡ 159, ಚಿಕ್ಕಮಗಳೂರು 124, ಚಾಮರಾಜನಗರ 120 ಪ್ರಕರಣಗಳು ಪತ್ತೆಯಾಗಿವೆ.