ಬೆಳಗಾವಿ: ಇಬ್ಬರು ಮಕ್ಕಳೊಂದಿಗೆ ಆತ್ಮಹತ್ಯೆಗೆ ಯತ್ನಿಸಿದ ಮಹಿಳೆಯನ್ನು ರಕ್ಷಿಸಿದ ಯುವಕರು

ಬೆಳಗಾವಿ: ಇಬ್ಬರು ಮಕ್ಕಳೊಂದಿಗೆ ರೈಲಿಗೆ ಸಿಲುಕಿ  ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ 28 ವರ್ಷದ ಮಹಿಳೆಯನ್ನು ಯುವ ಸಾಮಾಜಿಕ ಕಾರ್ಯಕರ್ತರ ತಂಡವೊಂದು ರಕ್ಷಿಸಿರುವ  ಘಟನೆ ನಡೆದಿದೆ.

ಸುಷ್ಮಾ( ಹೆಸರು ಬದಲಾಯಿಸಲಾಗಿದೆ) ಶಹಾಪುರದ ತಾನಾಜಿ ಗಲ್ಲಿ ನಿವಾಸಿಯಾದ ಈ ಮಹಿಳೆ ಸಂಬಂಧಿಕರಿಂದ ಆಗುತ್ತಿದ್ದ ಕಿರುಕುಳದಿಂದ ತಪ್ಪಿಸಿಕೊಳ್ಳುವ ಸಲುವಾಗಿ  ಮೂರು ಹಾಗೂ ಒಂದು ವರ್ಷದ ಪುಟ್ಟ ಮಕ್ಕಳೊಂದಿಗೆ ರೈಲಿಗೆ ಸಿಲುಕಿ ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿದ್ದಾರೆ.

ತಾನಾಜಿ ಗಲ್ಲಿ ರೈಲ್ವೆ ಹಳಿಗಳತ್ತ ಸಾಗುತ್ತಿದ್ದ ಮಹಿಳೆಯನ್ನು ಗಮನಿಸಿದ ಯುವಕರು, ಆಕೆ ಆತ್ಮಹತ್ಯೆ ಮಾಡಿಕೊಳ್ಳಲು ಬರುತ್ತಿರುವುದಾಗಿ ಶಂಕಿಸಿದ್ದಾರೆ. ನಂತರ ಅಲ್ಲಿಗೆ ಧಾವಿಸಿ ಮಹಿಳೆ ಹಾಗೂ ಆಕೆಯ ಮಕ್ಕಳನ್ನು ರಕ್ಷಿಸಿದ್ದಾರೆ.

ಸುಷ್ಮಾ ಪತಿ ಶಹಾಪುರದಲ್ಲಿ ಅಭರಣ ಮಳಿಗೆ ಇಟ್ಟುಕೊಂಡಿದ್ದು, ಅವರು ಪಟ್ಟಣದಿಂದ ಹೊರಗೆ ಹೋಗಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಪೊಲೀಸರಿಗೆ ಸುದ್ದಿ ಮುಟ್ಟಿಸಲಾಯಿತಾದರೂ ಯಾವುದೇ  ಪ್ರಕರಣ ದಾಖಲಿಸಿಕೊಂಡಿಲ್ಲ.