ನೂತನ ಸಚಿವರಿಂದ ಕಚೇರಿಗಳಲ್ಲಿ ಹೋಮಹವನ: ಶುಭ ಮೂಹೂರ್ತದಲ್ಲಿ ಕೊಠಡಿ ಪ್ರವೇಶ
ಹಲವು ದಿನಗಳಿಂದ ನಡೆಯುತ್ತಿದ್ದ ಸಂಪುಟ ರಚನೆ ಕಸರತ್ತು ಮುಗಿದಿದ್ದು, ನೂತನ ಸಚಿವರ ಕೊಠಡಿ ಸ್ವಚ್ಛತಾ ಕಾರ್ಯ ಮುಗಿದಿದೆ....
Published On :
ಬೆಂಗಳೂರು: ಹಲವು ದಿನಗಳಿಂದ ನಡೆಯುತ್ತಿದ್ದ ಸಂಪುಟ ರಚನೆ ಕಸರತ್ತು ಮುಗಿದಿದ್ದು, ನೂತನ ಸಚಿವರ ಕೊಠಡಿ ಸ್ವಚ್ಛತಾ ಕಾರ್ಯ ಮುಗಿದಿದೆ.
ಇನ್ನೂ ಕೆಲವು ಸಚಿವರು ಮತ್ತವರ ಸಿಬ್ಬಂದಿ ಪ್ರವೇಶಿಸದ ಕೊಠಡಿಗಳನ್ನು ಕಾರ್ಮಿಕರು ಸ್ವಚ್ಚಗೊಳಿಸುತ್ತಿದ್ದಾರೆ. ಮತ್ತಲವು ಸಚಿವರ ಕೊಠಡಿಗಳಲ್ಲಿ ಕಿಕ್ಕಿರಿದು ಅಭಿಮಾನಿಗಳು ಮತ್ತು ಕಾರ್ಯಕರ್ತರು ಸೇರಿದ್ದಾರೆ. ಹೂವಿನ ಹಾರ, ಬೊಕೆಟ್ಸ್ ತುಂಬಿ ತುಳುಕುತ್ತಿವೆ. ಸಚಿವರಾದ ನಂತರ ಅವರಿಗೆ ಅಭಿನಂದನೆ ಸಲ್ಲಿಸಲು ದೂರದ ಊರಿನಿಂದ ಅಭಿಮಾನಿಗಳು ಆಗಮಿಸಿ ಅಭಿನಂದಿಸಿದ್ದಾರೆ.
ಖಾತೆ ಹಂಚಿಕೆ ನಂತರ ಕೆಲವು ಸಚಿವರು ಸೋಮವಾರದಿಂದ ಕೆಲಸ ಮಾಡಲು ಆರಂಭಿಸಿದ್ದಾರೆ, ಬಹುತೇಕ ಎಲ್ಲಾ ಸಚಿವರು ಸೋಮವಾರ ಅಧಿಕಾರ ಸ್ವೀಕರಿಸಿ ಹಲವು ಸಭೆ ನಡೆಸಿದ್ದಾರೆ.
ಆರ್ ವಿ ದೇಶಪಾಂಡೆ, ಡಿ.ಕೆ ಶಿವಕುಮಾರ್ ಮುಂತಾದವರು, ಅಧಿಕಾರಿಗಳ ಜೊತೆ ಸಭೆ ನಡೆಸಿ ಮುಂದಿನ ನಡೆ ಅನುಸರಿಸುತ್ತಿದ್ದಾರೆ.
ಕಾರ್ಮಿಕ ಸಚಿವ ವೆಂಕಟರಮಣಪ್ಪ, ಪ್ರವಾಸೋದ್ಯಮ ಸಚಿವ ಸಾ.ರಾ ಮಹೇಶ್ ಸೇರಿದಂತೆ ಕೆಲ ಸಚಿವರು ಮಧ್ಯಾಹ್ನ ಕಚೇರಿಗೆ ಆಗಮಿಸಿದರು, ಈ ವೇಳೆ ಕಚೇರಿಯ ಬಾಲಿ ಮುಂದೆ ತೆಂಗಿನಕಾಯಿ ಒಡೆಯಲಾಯಿತು. ಅರ್ಚಕರು ಕಚೇರಿಯೊಳಗೆ ಪೂಜೆ ಮಾಡಿ ಪ್ರಸಾದ ಹಂಚಿದರು. ಪೂಜೆ ನಂತರ ಬೂದು ಗುಂಬಳಕಾಯಿ ಒಡೆದು ಶುಭ ಮುಹೂರ್ತದಲ್ಲಿ ಕಚೇರಿ ಪ್ರವೇಶಿಸಿದನ್ನು ಮರೆಯಲಿಲ್ಲ, ಕೆ.ಜೆ ಜಾರ್ಜ್ ಸೇರಿದಂತೆ ಇನ್ನೂ ಹಲವು ಸಚಿವರು ಇನ್ನೂ ಕಚೇರಿ ಕಡೆ ತಲೆ ಹಾಕಲಿಲ್ಲ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.