ಅಕ್ರಮ ಮತದಾನ : ಜೆಡಿಎಸ್ ಶಾಸಕ ಹೆಚ್. ಕೆ. ಕುಮಾರಸ್ವಾಮಿಗೆ ಹೈಕೋರ್ಟ್ ನೋಟಿಸ್

ಬೆಂಗಳೂರು : ವಿಧಾನಸಭಾ ಚುನಾವಣೆಯಲ್ಲಿ ಅಕ್ರಮ ಮತದಾನ ಆರೋಪಕ್ಕೆ ಸಂಬಂಧಿಸಿದಂತೆ  ವಿಚಾರಣೆಗೆ ಹಾಜರಾಗುವಂತೆ ಹೈಕೋರ್ಟ್  ಸಕಲಶಪುರ  ಜೆಡಿಎಸ್ ಶಾಸಕ ಹೆಚ್. ಕೆ. ಕುಮಾರಸ್ವಾಮಿಗೆ ನೋಟಿಸ್ ಜಾರಿಗೊಳಿಸಿದೆ.

ಅಕ್ರಮ ಮತದಾನದಿಂದ ಹೆಚ್. ಕೆ. ಕುಮಾರಸ್ವಾಮಿ ಗೆದ್ದಿದ್ದಾರೆ ಎಂದು ಆರೋಪಿಸಿ ಅವರ ವಿರುದ್ಧ ಸ್ಪರ್ಧಿಸಿದ್ದ ಪರಾಜಿತ  ಬಿಜೆಪಿ ಅಭ್ಯರ್ಥಿ ಸೋಮಶೇಖರ್  ಜಯರಾಜ್  ಅವರ ಬೆಂಬಲಿಗರು ಹೈಕೋರ್ಟ್ ನಲ್ಲಿ ದೂರು  ಸಲ್ಲಿಸಿದ್ದಾರೆ.

ಈ ದೂರಿನ ವಿಚಾರಣೆ ನಡೆಸಿದ  ನ್ಯಾಯಾಧೀಶೆ ಎಸ್. ಸುಜಾತ,  ಆಗಸ್ಟ್ 31 ರಂದು ನಡೆಯಲಿರುವ ವಿಚಾರಣೆ ವೇಳೆಯಲ್ಲಿ ಹಾಜರಾಗುವಂತೆ ಹೆಚ್. ಕೆ. ಕುಮಾರಸ್ವಾಮಿ ಅವರಿಗೆ ನೋಟಿಸ್ ಜಾರಿ ಮಾಡಿದ್ದಾರೆ.

ಮತ ಎಣಿಕೆ  ಪ್ರಕ್ರಿಯೆಯಲ್ಲಿ  ಅಕ್ರಮವಾಗಿದ್ದರಿಂದ ಹೆಚ್ .ಕೆ. ಕುಮಾರಸ್ವಾಮಿ ಗೆಲುವು ಸಾಧಿಸಿದ್ದಾರೆ ಎಂದು ಸೋಮಶೇಖರ್ ಜಯರಾಜ್ ಅವರ ಬೆಂಬಲಿಗ ಎ ವಿ ನರೇಶ್ ದೂರಿನಲ್ಲಿ ಆರೋಪಿಸಿದ್ದು , ಎಲ್ಲಾ 283 ಮತಗಟ್ಟೆಗಳಲ್ಲೂ ಮರುಎಣಿಕೆಗೆ ನಿರ್ದೇಶಿಸಬೇಕು ಹಾಗೂ ಕುಮಾರಸ್ವಾಮಿ ಅವರ ಸದಸ್ಯತ್ವವನ್ನು ರದ್ದುಪಡಿಸಬೇಕೆಂದು ಅವರು  ನ್ಯಾಯಾಲಯದಲ್ಲಿ ಮನವಿ ಮಾಡಿಕೊಂಡಿದ್ದಾರೆ.