ಗೌರಿ ಹಂತಕನ ಪತ್ತೆಗಾಗಿ ಎಸ್ ಐಟಿಯಿಂದ ವಿಜಯಪುರದ 2,000 ಯುವಕರ ವಿಚಾರಣೆ
ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಪ್ರಕರಣದ ಆರೋಪಿಯನ್ನು ಪತ್ತೆ ಹಚ್ಚಲು ವಿಶೇಷ ತನಿಖಾ ತಂಡ (ಎಸ್ ಐಟಿ) ವಿಜಯಪುರ ಜಿಲ್ಲೆಯೊಂದರಲ್ಲೇ ಸುಮಾರು 2,000 ಯುವಕರನ್ನು ಪ್ರಶ್ನಿಸಿದೆ.
Published On :
ವಿಜಯಪುರ: ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಪ್ರಕರಣದ ಆರೋಪಿಯನ್ನು ಪತ್ತೆ ಹಚ್ಚಲು ವಿಶೇಷ ತನಿಖಾ ತಂಡ (ಎಸ್ ಐಟಿ) ವಿಜಯಪುರ ಜಿಲ್ಲೆಯೊಂದರಲ್ಲೇ ಸುಮಾರು 2,000 ಯುವಕರನ್ನು ಪ್ರಶ್ನಿಸಿದೆ.
ಈ ಪ್ರದೇಶದ ಹಿಂದೂ ಪರ ಸಂಘಟನೆಗಳ ಕೆಲಸ ಕಾರ್ಯಗಳು ಹಾಗೂ ದೇಶೀ ಪಿಸ್ತೂಲು ಬಳಕೆ ಕುರಿತಂತೆ ಎಸ್ ಐಟಿ ತಂಡ ಸಾಕಷ್ಟು ವಿಚಾರಣೆ ನಡೆಸಿತ್ತು.. ಹತ್ಯೆ ಪ್ರಕರಣದಲ್ಲಿ ಮೊದಲಿಗೆ ಬಂಧಿಸಲಾದ ಮನೋಹರ್ ಇದೇ ಜಿಲ್ಲೆಯವನಾಗಿದ್ದು ಈತನ ಬಂಧನಕ್ಕೆ ಮುನ್ನ ಎಸ್ ಐಟಿ ಈ ಆರೋಪಿಯ ಪತ್ತೆಗಾಗಿ 500 ಕ್ಕಿಂತಲೂ ಹೆಚ್ಚು ಯುವಕರನ್ನು ಪ್ರಶ್ನಿಸಿತ್ತು.
ಮನೋಹರ್ ಈದಾವೆ ಬಂಧನ ಈ ಪ್ರಕರಣದ ಪ್ರಮುಖ ತಿರುವಾಗಿತ್ತು. ಈತನ ಮನೆಯಲ್ಲಿ ಡೈರಿ ಹಾಗೂ 22ಕ್ಕೂ ಹೆಚ್ಚು ಸಂಖ್ಯೆಯ ಮೊಬೈಲ್ ಫೋನ್ ಗಳನ್ನು ವಶಕ್ಕೆ ಪಡೆಯಲಾಗಿತ್ತು. ಹಾಗೆಯೇ ಈತನ ಬಂಧನದಿಂದಲೇ ಪ್ರಮುಖ ಆರೋಪಿಯಾದ ಸಿಂಧಗಿಯ ಪರಶುರಾಮ್ ವಾಗ್ಮೋರೆ ಸುಳಿವು ಸಿಕ್ಕಿತ್ತು.
ವಾಗ್ಮೋರೆ ಬಂಧನಕ್ಕೆ ಮುನ್ನ ಎಸ್ ಐಟಿ ತಂಡ ಸಿಂಧಗಿ ಹಾಗೂ ವಿಜಯಪುರದ ಸುಮಾರು 1,500 ಕ್ಕಿಂತಲೂ ಹೆಚ್ಚು ಯುವಕರನ್ನು ವಿಚಾರಣೆಗೆ ಒಳಪಡಿಸಿತ್ತು.ಇನ್ನು ಪ್ರಕರಣದ ಇತರೆ ಆರೋಪಿಗಳ ಪತ್ತೆಗಾಗಿ ಕಲಬುರ್ಗಿ, ಧಾರವಾಡ, ವಿಜಯಪುರ ಹಾಗೂ ಬೆಳಗಾವಿ ಜಿಲ್ಲೆಗಳಲ್ಲಿ ಎಸ್ ಐಟಿ ತಂಡ ಸತತ ಕಾರ್ಯಾಚರಣೆಯಲ್ಲಿ ತೊಡಗಿದೆ ಎಂದು ಪೋಲೀಸರು ಮಾಹಿತಿ ನೀಡಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.