ವಿಶೇಷ ಸೌಲಭ್ಯಗಳಿಲ್ಲದಿದ್ದರೂ, ವಿಜಯ ಪತಾಕೆ ಹಾರಿಸಿದ ಕರ್ನಾಟಕ ಎನ್ ಸಿಸಿ ಕ್ಯಾಡೆಟ್ ಗಳು

ಬೆಂಗಳೂರು: ರಾಷ್ಟ್ರೀಯ ಕ್ಯಾಡೆಟ್ ಕಾರ್ಪ್ಸ್(ಎನ್ ಸಿಸಿ) ಕರ್ನಾಟಕ ಮತ್ತು ಗೋವಾ ನಿರ್ದೇಶನಾಲಯ ಈ ವರ್ಷ ಗಣರಾಜ್ಯೋತ್ಸವದ ಪ್ರಧಾನ ಮಂತ್ರಿಯವರ ರ್ಯಾಲಿಯ ಬ್ಯಾನರ್ ನಲ್ಲಿ ಮೂರನೇ ಸ್ಥಾನ ಪಡೆದುಕೊಂಡಿದೆ. ಕ್ಯಾಡೆಟ್ ಗಳನ್ನು ನಿನ್ನೆ ಸನ್ಮಾನಿಸಲಾಯಿತು.

1979ರ ನಂತರ ಕರ್ನಾಟಕ ಮತ್ತು ಗೋವಾ ಕ್ಯಾಡೆಟ್ 11 ಬಾರಿ ಮೊದಲ ಸ್ಥಾನ ಮತ್ತು 12 ಬಾರಿ ರನ್ನರ್ ಅಪ್ ಪ್ರಶಸ್ತಿ ಗಳಿಸಿಕೊಂಡಿದೆ.ಈ ವರ್ಷ ದೆಹಲಿಯಲ್ಲಿ ಗಣರಾಜ್ಯೋತ್ಸವ ಪರೇಡ್ ನಲ್ಲಿ ಕರ್ನಾಟಕದ 97 ಕ್ಯಾಡೆಟ್ ಗಳನ್ನು ಹೊಂದಿರುವ 106 ಕ್ಯಾಡೆಟ್ ಕಾಂಟಿಂಜೆಂಟ್ ಮತ್ತು ಗೋವಾದ 9 ಕ್ಯಾಡೆಟ್ ಗಳು ಮೂರನೇ ಸ್ಥಾನ ಪಡೆದುಕೊಂಡಿವೆ.

ಆದರೆ ಕರ್ನಾಟಕದಲ್ಲಿ ಕ್ಯಾಡೆಟ್ ಗಳ ತರಬೇತಿ ಕೇಂದ್ರದಲ್ಲಿ ಸೌಲಭ್ಯಗಳ ಕೊರತೆ ಅಪಾರವಾಗಿದೆ.ಫೈರಿಂಗ್ ರೇಂಜ್, ಒಬ್ಸ್ಟೆಕಲ್ ಕೋರ್ಸ್, ಡ್ರಿಲ್ ಸ್ಕ್ವೇರ್, ಫ್ಲೈಯಿಂಗ್ ಅಂಡ್ ಫೈರಿಂಗ್, ಆಡಿಟೊರಿಯಂ, ಕಚೇರಿ ಮತ್ತು ಕ್ಯಾಡೆಟ್ ಗಳು ಹಾಗೂ ಸಿಬ್ಬಂದಿ ಸೌಕರ್ಯವಿರುವ ರಾಷ್ಟ್ರೀಯ ಕ್ಯಾಡೆಟ್ ಕೋರ್ ಅಕಾಡೆಮಿಯನ್ನು ರಾಯಚೂರಿನಲ್ಲಿ ಸ್ಥಾಪಿಸುವಂತೆ ನಾವು ರಾಜ್ಯ ಸರ್ಕಾರವನ್ನು ಒತ್ತಾಯಿಸಿದ್ದೇವೆ ಎನ್ನುತ್ತಾರೆ ಕರ್ನಾಟಕ ಮತ್ತು ಗೋವಾ ಎನ್ ಸಿಸಿ ನಿರ್ದೇಶನಾಲಯದ ನಿರ್ದೇಶಕ ಕೆಬಿ ಜೈರಾಜ್.

ಕರ್ನಾಟಕ ಮತ್ತು ಗೋವಾ ಎನ್ ಸಿಸಿ ಕ್ಯಾಡೆಟ್ ಗಳು ದೆಹಲಿಯಲ್ಲಿ ಕಳೆದ ತಿಂಗಳು 28ರಂದು ನಡೆದ ಪ್ರಧಾನ ಮಂತ್ರಿಯವರ ಎನ್ ಸಿಸಿ ಗಣರಾಜ್ಯೋತ್ಸವ ದಿನ ಶಿಬಿರದಲ್ಲಿ ಭಾಗವಹಿಸಿದ್ದರು.