2017-18 ಅವಧಿಯಲ್ಲಿ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಪ್ರಯಾಣಿಕರ ಸಂಖ್ಯೆಯಲ್ಲಿ ಶೇ. 17.6ರಷ್ಟು ವೃದ್ಧಿ

ಬೆಂಗಳೂರು : ಮಾರ್ಚ್ ತಿಂಗಳ ಅಂತ್ಯಕ್ಕೆ  ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ 26. 91 ಮಿಲಿಯನ್ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ಪ್ರಸಕ್ತ ವರ್ಷದಲ್ಲಿ ಈ ವಿಮಾನ ನಿಲ್ದಾಣದಿಂದ ಸಾಗಿದ ಪ್ರಯಾಣಿಕರ ಸಂಖ್ಯೆಯಲ್ಲಿ ಶೇ. 17. 6 ರಷ್ಟು ವೃದ್ಧಿಯಾಗಿದೆ ಎಂದು ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಲಿಮಿಟೆಡ್ ತಿಳಿಸಿದೆ.

ಆರ್ಥಿಕ ವರ್ಷದ ವಾರ್ಷಿಕ ಅಂಕಿಅಂಶಗಳನ್ನು ಘೋಷಿಸಿದ ಬಿಐಎಎಲ್, 12 ತಿಂಗಳ ಅವಧಿಯಲ್ಲಿ ಬೆಂಗಳೂರು ವಿಮಾನ ನಿಲ್ದಾಣ ಹಲವಾರು ದಾಖಲೆಗಳಿಗೆ ಸಾಕ್ಷಿಯಾಗಿದೆ. 2018 ಫೆಬ್ರವರಿ 19 ರ ವೇಳೆಗೆ ದಾಖಲೆಯ 91, 339 ಪ್ರಯಾಣಿಕರು ಈ ವಿಮಾನ ನಿಲ್ದಾಣದ ಮೂಲಕ ಬೇರೆಡೆಗೆ ಪ್ರಯಾಣಿಸಿದ್ದಾರೆ.

ಮಾ.17 2018 ರ ವೇಳೆಗೆ  ದಿನವೊಂದಕ್ಕೆ 664 ಎಟಿಎಂಗಳನ್ನು ಬಳಸಲಾಗಿದೆ. 150 ಮಿಲಿಯನ್ ಪ್ರಯಾಣಿಕರು ವಿಮಾನ ನಿಲ್ದಾಣ ಮೂಲಕ ಸಾಗಿದ್ದಾರೆ. ಈ ವರ್ಷದಲ್ಲಿ ಮಾರ್ಚ್ ದಟ್ಟಣೆಯ ವರ್ಷವಾಗಿದ್ದು, 2, 549, 523 ಪ್ರಯಾಣಿಕರನ್ನು ವಿಮಾನ ನಿಲ್ದಾಣ ನಿರ್ವಹಣೆ ಮಾಡಿದೆ . ದೇಶಿಯ ಪ್ರಯಾಣಿಕರ ಸಂಖ್ಯೆಯಲ್ಲಿ ಶೇ. 19.8 ಹಾಗೂ ಅಂತಾರಾಷ್ಟ್ರೀಯ ಪ್ರಯಾಣಿಕರಲ್ಲಿ ಶೇ. 6 ರಷ್ಟು ವೃದ್ದಿಯಾಗಿರುವುದಾಗಿ ಬಿಐಎಎಲ್ ಹೇಳಿದೆ.


2018-19 ರ ಆರ್ಥಿಕ ವರ್ಷದಲ್ಲಿ ಅತ್ಯಾಧುನಿಕ ರೀತಿಯಲ್ಲಿ ಮೂಲಸೌಕರ್ಯ ಒದಗಿಸಲಾಗಿದ್ದು, ಪ್ರಯಾಣಿಕರ ಸಂಖ್ಯೆಯಲ್ಲಿ ಮತ್ತಷ್ಟು ವೃದ್ದಿಯಾಗುವ ಸಾಧ್ಯತೆ ಇದೆ ಎಂದು ಬಿಐಎಲ್  ಸಿಇಒ ಹರಿ ಮಾರರ್ ತಿಳಿಸಿದ್ದಾರೆ.

ಎರಡನೇ ರನ್ ವೇ ಈ ವರ್ಷದ ಮಧ್ಯಭಾಗದಿಂದ ಆರಂಭಗೊಳ್ಳಲಿದ್ದು, 2019ರಿಂದ ರನ್ ವೇ ಕಾರ್ಯಾರಂಭ ಮಾಡಲಿದೆ. 2021 ರೊಳಗೆ ಎರಡನೇ ಟರ್ಮಿನಲ್  ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

ಎರಡು ಹಂತದ ಟರ್ಮಿನಲ್   ಕೆಲಸ ಪೂರ್ಣಗೊಂಡರೆ 65 ಮಿಲಿಯನ್ ಪ್ರಯಾಣಿಕರ ಸಾಮರ್ಥ್ಯವನ್ನು ಕಾಯ್ದುಕೊಳ್ಳಬಹುದು ಎಂದು ಅವರು ಹೇಳಿದ್ದಾರೆ