ಬೆಂಗಳೂರಿನ ಸಾರ್ವಜನಿಕ ಸ್ಥಳಗಳಲ್ಲಿ ಸಿಸಿಟಿವಿ ಅಳವಡಿಕೆ ಕಡ್ಡಾಯ ಕ್ರಮ ಶೀಘ್ರದಲ್ಲಿ ಜಾರಿ: ರಾಮಲಿಂಗಾ ರೆಡ್ಡಿ

ಬೆಂಗಳೂರು: ನಗರ ಮುಖ್ಯ ಆಡಳಿತ, ವ್ಯವಹಾರ ಪ್ರದೇಶ ಮತ್ತು ಇತರ ಸಾರ್ವಜನಿಕ ಸ್ಥಳಗಳಲ್ಲಿ ಶೀಘ್ರದಲ್ಲೇ ಮುಚ್ಚಿದ ಸರ್ಕ್ಯೂಟ್ ಟೆಲಿವಿಷನ್ ಕ್ಯಾಮರಾಗಳ (ಸಿಸಿಟಿವಿ) ಕಣ್ಗಾವಲು ವ್ಯವಸ್ಥೆಗಳನ್ನು ಕಡ್ಡಾಯವಾಗಿ ಸ್ಥಾಪಿಸಬೇಕಾಗುತ್ತದೆ, ನಗರದಲ್ಲಿ ಅಪರಾಧಗಳ ತಡೆಗೆ ನಗರಾಡಳಿತ ಈ ಕ್ರಮಕ್ಕೆ ಮುಂದಾಗಿದೆ. 

ದೆಹಲಿಯಾದ್ಯಂತ 1.4 ಲಕ್ಷ ಸಿ.ಸಿ.ಟಿ.ವಿ ಕ್ಯಾಮೆರಾಗಳನ್ನು ಸ್ಥಾಪಿಸುವುದಾಗಿ ಘೋಷಿಸಿದ್ದ ದೆಹಲಿ ಸರ್ಕಾರದ ಮಾದರಿಯಲ್ಲಿ ಕರ್ನಾಟಕದಲ್ಲಿ ಸಹ ಸಾರ್ವಜನಿಕ ಸ್ಥಳಗಳಲ್ಲಿ ಸಿಸಿಟಿವಿ ಕಣ್ಗಾವಲು ವ್ಯವಸ್ಥೆಯನ್ನು ಕಡ್ಡಾಯವಾಗಿ ಜಾರಿಗೆ ತರಲಾಗುತ್ತಿದೆ. ಕರ್ನಾಟಕ ಸಾರ್ವಜನಿಕ ಸುರಕ್ಷತೆ (ಕ್ರಮಗಳು) ಜಾರಿ  ಕಾಯ್ದೆಯನ್ನು ಈ ನಿಟ್ಟಿನಲ್ಲಿ ಕಟ್ಟುನಿಟ್ಟಾಗಿ ಜಾರಿಗೊಳಿಸಲು ಸರ್ಕಾರ ತೀರ್ಮಾನಿಸಿದೆ. ಇದರ ಅನುಸಾರ ವಾಣಿಜ್ಯ ಸಂಸ್ಥೆಗಳು, ಅಂಗಡಿಗಳು, ಬಸ್ ನಿಲ್ದಾಣಗಳು, ರೈಲ್ವೆ ನಿಲ್ದಾಣಗಳು, ಧಾರ್ಮಿಕ ಸಂಕೀರ್ಣಗಳು, ಶೈಕ್ಷಣಿಕ ಸಂಸ್ಥೆಗಳು ಮತ್ತು ಇತರ ತಾಣಗಲಲ್ಲಿ ಸಿಸಿಟಿವಿ ಅಳವಡಿಕೆ ಕಡ್ಡಾಯವಾಗಲಿದೆ.

ಕಾಯ್ದೆ ಅನುಸಾರ ಕಳ್ಳತನ ಸೇರಿದಂತೆ, ಅಪರಾಧಗಳನ್ನು ಪತ್ತೆಹಚ್ಚಲು ಮತ್ತು ವ್ಯಕ್ತಿಗಳ ದಾಖಲೆಯನ್ನು ಪಡೆಯಲು ಕಣ್ಗಾವಲು ವ್ಯವಸ್ಥೆ ಅಳವಡಿಕೆ ಅಗತ್ಯವಿದೆ, 1.3 ಕೋಟಿ ಜನಸಂಖ್ಯೆಯನ್ನು ಹೊಂದಿರುವ ನಗರದಲ್ಲಿ ಪ್ರಸ್ತುತ 5.4 ಲಕ್ಷ ಕ್ಯಾಮರಾಗಳು ಅಳವಡಿಕೆಯಾಗಿದೆ, ಇವುಗಳಲ್ಲಿ 2,000 ಕ್ಯಾಮರಾಗಳು ಸರ್ಕಾರಿ ಸ್ವಾಮ್ಯದ ಕಟ್ಟಡಗಳಲ್ಲಿ ಸ್ಥಾಪನೆಯಾಗಿದೆ. 

"ಸಿ.ಸಿ.ಟಿ.ವಿಗಳು ಇದ್ದರೆ, ಅಪರಾಧಿಗಳು ಅಪರಾಧವೆಸಗಲು ಭಯಪಡುತ್ತಾರೆ ಮತ್ತು ಇದು ಅಪರಾಧ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ.ಈ ಕ್ಯಾಮರಾಗಳು ದಿನದ ಇಪ್ಪತ್ತನಾಲ್ಕು ಗಂಟೆಯೂ ಕಾರ್ಯಾಚರಿಸುತ್ತದೆ. ಈ ನಿರ್ಣಯ ಜಾರಿಗೆ ನಾವು ಮೂರು ತಿಂಗಳ ಸಮಯವನ್ನು ನೀಡುತ್ತಿದ್ದೇವೆ. ಅಷ್ಟರಲ್ಲಿ ಯಾರು ಸೂಚನೆಗಳನ್ನು ಪಾಲಿಸುವುದಿಲ್ಲವೋ ಅವರಿಗೆ ದಂಡ ವಿಧಿಸಲಾಗುವುದು" ಎಂದು ಗೃಹ ಸಚಿವ ರಾಮಲಿಂಗಾ ರೆಡ್ಡಿ ಎಕ್ಸ್ ಪ್ರೆಸ್ ಗೆ ತಿಳಿಸಿದರು

ಸಿಸಿಟಿವಿ ಕ್ಯಾಮರಾದಲ್ಲಿ ದಾಖಲಾದ ವೀಡಿಯೋಗಳ ತುಣುಕನ್ನು ಸಂಗ್ರಹಿಸುವುದಲ್ಲದೆ ಪ್ರತ್ರಿ ಮೂರು ತಿಂಗಳಿಗೊಮ್ಮೆ ಸ್ಥಳೀಯ ಪೋಲೀಸ್ ಠಾಣೆಗೆ ಸ್ಥಿತಿಗತಿ ವರದಿ ಸಲ್ಲಿಸಬೇಕು. ಯಾವುದೇ ಸಂಸ್ಥೆಯು ಈ ನಿಯಮಗಳನ್ನು ಅನುಸರಿಸದಿದ್ದರೆ ಮೊದಲ ಬಾರಿ `2,000 ಮತ್ತು ಎರಡನೇ ಬಾರಿಗೆ ` 4,000 ರೂ.ದಂಡವನ್ನು ಪಾವತಿಸಲಾಗುತ್ತದೆ.  ಮೂರು ತಿಂಗಳೊಳಗೆ ಸಿ.ಸಿ.ಟಿ.ವಿಗಳನ್ನು ಅಳವಡಿಸಲು ವಿಫಲರಾದವರು ಮೊದಲ ಬಾರಿಗೆ `5,000 ದಂಡವನ್ನು ತೆರಬೇಕಾಗುತ್ತದೆ,ಇನ್ನೂ ಪೋಲೀಸ್ ಮಾರ್ಗದರ್ಶಿ ಸೂತ್ರಗಳನ್ನು ಅಳವಡಿಸಿಕೊಳ್ಳದೆ ಹೋದಲ್ಲಿ ಅವರಿಗೆ ಹತ್ತು ಸಾವಿರ ರೂ. ದಂಡ ಹಾಕಲಾಗುತ್ತದೆ.

"ನಾವು 20 ಕೋಟಿ ರೂ.ಗಳನ್ನು ಸಂಪೂರ್ಣ ಯೋಜನೆಗಾಗಿ ನಿಗದಿಪಡಿಸಿದ್ದೇವೆ ಮತ್ತು ಪ್ರತಿ ವಾರ್ಡ್ ಗೆ ಈ ಯೋಜನೆಗೆ 10 ಲಕ್ಷ ರೂ. ನೀದಲಾಗುತ್ತದೆ ಈ ಕ್ಯಾಮೆರಾಗಳನ್ನು ಸ್ಥಾಪಿಸಲು ಸ್ಥಳಗಳನ್ನು ಗೊತ್ತುಪಡಿಸುವ ಕಾರ್ಯದಲ್ಲಿ ಪೋಲೀಸರೊಡನೆ ನಾವೂ ಸೇರಿರುತ್ತೇವೆ." ಎಂದು ಬಿಬಿಎಂಪಿ ಕಮಿಷನರ್ ಎನ್. ಮಂಜುನಾಥ್ ಹೇಳಿದ್ದಾರೆ.