ರಾಜ್ಯದ 10,000ಕ್ಕೂ ಅಧಿಕ ಶಾಲೆಗಳು ಇ-ಶಾಲೆಗಳಾಗಿ ಪರಿವರ್ತನೆ
ರಾಜ್ಯದ ಸರ್ಕಾರಿ ಶಾಲೆಗಳಲ್ಲಿ ಅಧ್ಯಯನ ಮಾಡುತ್ತಿರುವ ಮಕ್ಕಳಿಗೆ ಇ-ಅಧ್ಯಯನ...
Published On :
ಬೆಂಗಳೂರು: ರಾಜ್ಯದ ಸರ್ಕಾರಿ ಶಾಲೆಗಳಲ್ಲಿ ಅಧ್ಯಯನ ಮಾಡುತ್ತಿರುವ ಮಕ್ಕಳಿಗೆ ಇ-ಅಧ್ಯಯನ(ಇ-ಶಾಲಾ) ಪ್ರಯೋಜನವಾಗುತ್ತಿದ್ದು, ಇದನ್ನು ಇನ್ನೂ 10,000 ಶಾಲೆಗಳಿಗೆ ವಿಸ್ತರಿಸುವ ಗುರಿಯನ್ನು ಶಿಕ್ಷಣ ಇಲಾಖೆ ಹಮ್ಮಿಕೊಂಡಿದೆ.
ನಗರದಲ್ಲಿ ನಿನ್ನೆ ಸೆಲ್ಕೊ ಫೌಂಡೇಶನ್ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಯೊಬ್ಬ ತನ್ನ ಅನಿಸಿಕೆ ತಿಳಿಸಿ, ಪಠ್ಯಪುಸ್ತಕದ ಬದಲಿಗೆ ಟಿವಿ ಮೂಲಕ ಕಲಿಯುವುದು ವಿನೋದವೆನಿಸುತ್ತದೆ ಎನ್ನುತ್ತಾನೆ.
ನಾಗರಬಾವಿಯ ಸರ್ಕಾರಿ ಶಾಲೆಯ ಇನ್ನೊಬ್ಬ ವಿದ್ಯಾರ್ಥಿನಿ ರೂಪಾ, ಗಣಿತ ನನಗೆ ಯಾವಾಗಲೂ ಕಷ್ಟವೆನಿಸುತ್ತಿತ್ತು. ತರಗತಿಯಲ್ಲಿ ಟಿವಿಯ ಮೂಲಕ ಗಣಿತವನ್ನು ಹೇಳಿಕೊಡಲು ಆರಂಭಿಸಿದ ಮೇಲೆ ನನಗೆ ವಿಡಿಯೊ ಮತ್ತು ಆನಿಮೇಶನ್ ಮೂಲಕ ಗಣಿತ ಹೆಚ್ಚು ಅರ್ಥವಾಗುತ್ತದೆ ಮತ್ತು ಇಷ್ಟವಾಗುತ್ತದೆ ಎನ್ನುತ್ತಾಳೆ.
ಈ ತರಗತಿಯಲ್ಲಿ ಸೌರ ವಿದ್ಯುತ್ ಮೂಲಕ ಉಪಕರಣಗಳಿಗೆ ಸಂಪರ್ಕಿಸಲಾಗಿದೆ. ಮೆಂಡಾ ಫೌಂಡೇಷನ್, ಸೆಲ್ಕೊ ಫೌಂಡೇಶನ್ ಮತ್ತು ಲೌಕ್ಯಾಸಲ್ ಟ್ರಸ್ಟ್ ಸಹಯೋಗದ ಅಭಿಯಾನ ಇ-ಶಾಲಾವಾಗಿದ್ದು, ಸರ್ಕಾರಿ ಶಾಲೆಗಳಿಗೆ ಎಲ್ ಇಡಿ ಪರದೆ ಮತ್ತು ಪಠ್ಯಗಳನ್ನು ಸರ್ಕಾರದ ಅಗತ್ಯಗಳಿಗೆ ತಕ್ಕಂತೆ ಅಭಿವೃದ್ಧಿಪಡಿಸಲಾಗಿದೆ. ಇನ್ನೂ 10,000 ಶಾಲೆಗಳಿಗೆ ಅಭಿಯಾನವನ್ನು ವಿಸ್ತರಿಸಲು ಸರ್ಕಾರ ನಿರ್ಧರಿಸಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.