ಬಾಲಕಿಯ ಮೇಲೆ ಎರಗಿದ ಬೀದಿ ನಾಯಿಗಳು: ಬಾಲಕಿ ಸ್ಥಿತಿ ಗಂಭೀರ
ಆಟವಾಡುತ್ತಿದ್ದ ಬಾಲಕಿಯ ಮೇಲೆ 10 ಬೀದಿನಾಯಿಗಳು ಎರಗಿದ್ದು, ಆಕೆಯನ್ನು ಕಚ್ಚಿ ಗಾಯಗೊಳಿಸಿರುವ ಘಟನೆ...
Published On :
ಬೆಂಗಳೂರು: ಆಟವಾಡುತ್ತಿದ್ದ ಬಾಲಕಿಯ ಮೇಲೆ 10 ಬೀದಿನಾಯಿಗಳು ಎರಗಿದ್ದು, ಆಕೆಯನ್ನು ಕಚ್ಚಿ ಗಾಯಗೊಳಿಸಿರುವ ಘಟನೆ ಉಳ್ಲಾಲ ರಸ್ತೆಯಲ್ಲಿರುವ ಅಂಜನಾನಗರದಲ್ಲಿ ಶುಕ್ರವಾರ ನಡೆದಿದೆ.
6 ವರ್ಷದ ರಮ್ಯಾ ಮೇಲೆ ಹತ್ತು ಬೀದಿ ನಾಯಿಗಳು ಎರಗಿವೆ. ಗಾಯಗೊಂಡ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಸ್ಥಿತಿ ಗಂಭೀರವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ನಾಯಿಗಳ ದಾಳಿಗೆ ಬಾಲಕಿಯ ಬಲಕಿವಿ ಹರಿದುಹೋಗಿದೆ. ತೊಡೆ ಮಾಂಸಖಂಡ ಕಿತ್ತುಬಂದಿದ್ದು, ದೇಹದ ಹಲವೆಡೆ ಪರಚಿದ ಗಾಯಗಳಾಗಿವೆ. ಆಕೆಯನ್ನು ಕೆಂಪೇಗೌಡ ವೈದ್ಯಕೀಯ ವಿಜ್ಞಾನ ಸಂಸ್ಥೆ(ಕಿಮ್ಸ್)ಗೆ ದಾಖಲಿಸಲಾಗಿದೆ.
ನನ್ನ ಮಕ್ಕಳಿಬ್ಬರು ಮನೆ ಸಮೀಪದಲ್ಲಿ ಆಟವಾಡುತ್ತಿದ್ದರು. ಈ ವೇಳೆ 10 ಬೀದಿನಾಯಿಗಳು ಅಲ್ಲೆ ಇದ್ದ ನಾಲ್ಕು ಕುರಿಮರಿ ಮತ್ತು ಒಂದು ಕರುವಿನ ಮೇಲೆ ಎರಗಿ ಕಚ್ಚಿ ಸಾಯಿಸಿವೆ. ಇದನ್ನು ನೋಡಿ ಹೆದರಿ ನನ್ನ ಮಕ್ಕಳಿಬ್ಬರು ಓಡಿ ಬಂದಿದ್ದಾರೆ. ದೊಡ್ಡ ಮಗಳಿಗೆ 8 ವರ್ಷಗಳಾಗಿದ್ದು ಆಕೆ ನಾಯಿಯಿಂದ ತಪ್ಪಿಸಿಕೊಂಡಿದ್ದಾಳೆ. ರಮ್ಯಾಳ ಮೇಲೆ ಎರಗಿದ ನಾಯಿಗಳು ಆಕೆಗೂ ಕಚ್ಚಿವೆ ಎಂದು ಬಾಲಕಿಯ ತಂದೆ ರಾಮೇಗೌಡ ತಿಳಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.