ಪುತ್ರವಿಯೋಗದ ಶೋಕದಲ್ಲಿರುವೆ, ನಾಳೆ ಹುಟ್ಟಹಬ್ಬದ ಆಚರಣೆ ಬೇಡ: ಸಿದ್ದರಾಮಯ್ಯ

ಬೆಂಗಳೂರು: ಪುತ್ರ ರಾಕೇಶ್ ಸಾವಿನಿಂದಾಗಿ ಶೋಕ ಸಾಗರದಲ್ಲಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ನವರು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಬೇಡಿ ಎಂದು ಅಭಿಮಾನಿಗಳಿಗೆ ಹಾಗೂ ಪಕ್ಷದ ಮುಖಂಡರಿಗೆ ಸಂದೇಶವನ್ನು ರವಾನಿಸಿದ್ದಾರೆ.

ಆಗಸ್ಟ್ 12ಕ್ಕೆ ಸಿದ್ದರಾಮಯ್ಯನವರಿಗೆ ಹುಟ್ಟುಹಬ್ಬವಿದ್ದು, 68ನೇ ವಸಂತಕ್ಕೆ ಕಾಲಿಡುತ್ತಿರುವ ಸಿದ್ದರಾಮಯ್ಯನವರು ತಮ್ಮ ಹಿರಿಯ ಪುತ್ರ ರಾಕೇಶ್ ಅಕಾಲಿಕ ಮರಣದಿಂದಾಗಿ ಪುತ್ರ ಶೋಕದಲ್ಲಿದ್ದು, ನಾನು ಇನ್ನು ಸಂಪೂರ್ಣವಾಗಿ ಹೊರಬಂದಿಲ್ಲ ಹೀಗಾಗಿ ನನಗೆ ಹುಟ್ಟುಹಬ್ಬದ ಸಡಗರ ಸಂಭ್ರಮ ಬೇಡವೆಂದಿದ್ದಾರೆ.

ಮಗನ ಸಾವಿನ ನೋವಿನಿಂದಾಗಿ ನಿಮ್ಮಿಂದ ಶುಭ ಹಾರೈಕೆ ಪಡೆಯಲು ನನ್ನು ಮನಸ್ಸು ಒಪ್ಪುತ್ತಿಲ್ಲ. ಹಾರ, ತುರಾಯಿ ಸ್ವೀಕರಿಸೋದು ಕೂಡ ಸರಿಯಲ್ಲ. ಹೀಗಾಗಿ ನಾಳೆ ಹಾರ ತುರಾಯಿ ತರುವುದಾಗಲಿ ಹುಟ್ಟುಹಬ್ಬ ಆಚರಣೆ ಮಾಡುವುದಾಗಿ ಬೇಡ ಎಂದು ಸಿದ್ದರಾಮಯ್ಯ ಮನವಿ ಮಾಡಿದ್ದಾರೆ.