ಮುತ್ತು ಕೊಟ್ಟರೂ ಹರಡುತ್ತಂತೆ ಮಾರಕ ಝಿಕಾ ವೈರಾಣು..!

ರಿಯೋ ಡಿ ಜನೈರೊ: ದಕ್ಷಿಣ ಅಮೆರಿಕದಲ್ಲಿ ವ್ಯಾಪಕವಾಗಿ ಹರಡಿರುವ ಮಾರಕ ಝಿತಾ ವೈರಾಣು ರೋಗ ಮುತ್ತುಕೊಟ್ಟರೂ ಹರಡತ್ತದೆ ಎಂದು ಇತ್ತೀಚಿಗಿನ ಸಂಶೋಧನೆಯೊಂದು ಹೇಳಿದೆ.

ಈ ಹಿಂದೆ ಲೈಂಗಿಕ ಕ್ರಿಯೆ ಮೂಲಕ ಝಿಕಾ ಹರಡುತ್ತದೆ ಎಂದು ವೈದ್ಯರು ತಿಳಿಸಿದ್ದರು.ಇದೀಗ ಮತ್ತೊಂದು ವೈದ್ಯಕೀಯ ವರದಿಯ ಪ್ರಕಾರ, ಮನುಷ್ಯರ ಜೊಲ್ಲುರಸ, ಮೂತ್ರದಲ್ಲೂ ಝಿಕಾ  ವೈರಾಣುಗಳಿರುವುದು ಪತ್ತೆಯಾಗಿದೆ. ಸೋಂಕಿಗೆ ಒಳಗಾಗಿರುವವರು ಮುತ್ತು ಕೊಡುವುದರಿಂದಲೂ ರೋಗ ಹರಡುವ ಸಾಧ್ಯತೆ ಇದೆ ಎಂದು ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.

ಈ ಬಗ್ಗೆ ಇನ್ನಷ್ಟು ಸಂಶೋಧನೆ ನಡೆಯುವ ಅಗತ್ಯವಿದೆ ಎಂದು ಬ್ರೆಜಿಲ್‌ನ ಸಂಶೋಧಕರು ತಿಳಿಸಿದ್ದಾರೆ. ಝಿಕಾ ವೈರಸ್‌ಗಳು ಸೊಳ್ಳೆಗಳಿಂದ ಮಾತ್ರ ಹರಡುತ್ತವೆ ಎಂದು ಮೊದಲು  ನಂಬಲಾಗಿತ್ತು. ನಂತರ, ಲೈಂಗಿಕ ಸಂಪರ್ಕದಿಂದಲೂ ಹರಡುವುದು ಕಂಡುಬಂದಿತ್ತು.

ಭಾರತ್ ಬಯೋಟೆಕ್ ಗೆ ಸಮನ್ಸ್ ಜಾರಿ
ಝಿಕಾ ವೈರಸ್‌ಗೆ ಔಷಧ ಕಂಡುಹಿಡಿದಿರುವುದಾಗಿ ತಿಳಿಸಿದ ಹೈದರಾಬಾದ್‌ನ ಭಾರತ್ ಬಯೋಟೆಕ್ ಸಂಸ್ಥೆಗೆ ಸ್ಪಷ್ಟನೆ ಕೋರಿ ಸಮನ್ಸ್ ಜಾರಿಗೊಳಿಸಿದ್ದು, ಔಷಧದ ವಿಶ್ವಾಸರ್ಹತೆ ಕುರಿತು  ಸರ್ಕಾರ ನಿರ್ಧಾರಕೈಗೊಂಡ ಬಳಿಕ ಮಾರುಕಟ್ಟೆಗೆ ಬಿಡುಗಡೆಗೊಳಿಸಬೇಕು ಎಂದು ಸೂಚಿಸಲಾಗಿದೆ.