ಏಕಪಾದ ಶೀರ್ಷಾಸನ

ಹೀಗೆ ಮಾಡಿ: ಸಾಲಂಬ ಶೀರ್ಷಾಸನ ಸ್ಥಿತಿಗೆ ಬಂದು, ಬಲಗಾಲು ತಲೆಯ ಮುಂದಕ್ಕೆ ಬರುವಂತೆ ಬಗ್ಗಿಸಬೇಕು. ಆದರೆ, ಬಲಗಾಲನ್ನು ಕೆಳಗೆ ತರುವಾಗ ಎಡಗಾಲು ಸಾಲಂಬ ಶೀರ್ಷಾಸನ ಸ್ಥಿತಿಯಲ್ಲಿರುವಂತೆಯೇ ಇರಬೇಕು. ನಂತರ ಎರಡೂ ಕಾಲುಗಳ ಮಂಡಿಗಳನ್ನು ಮತ್ತು ಹೆಬ್ಬೆರಳುಗಳನ್ನು ಒಂದೇ ರೇಖೆಯಲ್ಲಿರುವಂತೆ ಮಾಡಿ. ಸ್ಪಲ್ಪವೂ ಆಚೆ ಈಚೆ ಹೊರಳಬಾರದು. ಈ ಸ್ಥಿತಿಯಲ್ಲಿ ಆಳವಾಗಿ ಉಸಿರಾಡುತ್ತ 10ರಿಂದ 20 ಸೆಕೆಂಡುಗಳ ಕಾಲ ಇರಬೇಕು. ನಂತರ ಬಲಗಾಲನ್ನು ಮೇಲಕ್ಕೆ ಎತ್ತಿ ಸ್ವಲ್ಪ ಕಾಲ ಶೀರ್ಷಾಸನ ಸ್ಥಿತಿಯಲ್ಲಿರಿ. ನಂತರ ಎಡಗಾಲನ್ನು ನಿಧಾನವಾಗಿ ಕೆಳಕ್ಕೆ ಇಳಿಸಿ, ಆಳವಾಗಿ ಉಸಿರಾಡುತ್ತ 10ರಿಂದ 20 ಸೆಕೆಂಡುಗಳ ಕಾಲ ಇರಬೇಕು.
ಸೂಚನೆ: ಕಾಲುಗಳನ್ನು ಮೇಲೆ ಅಥವಾ ಕೆಳಗೆ ಇಳಿಸುವಾಗ ಮಂಡಿಗಳು ಬಾಗದಂತೆ ನೋಡಿಕೊಳ್ಳಿ.
ಪ್ರಯೋಜನ: ಕುತ್ತಿಗೆ ಹಾಗೂ ಕಿಬ್ಬೊಟ್ಟೆ ನರ, ಸ್ನಾಯುಗಳು ಬಲಗೊಳ್ಳಲು ಈ ಆಸನ ನೆರವಾಗುತ್ತದೆ.