ಕಾರ್ನ್ ಚೀಸ್ | Cheese corn recipe in Kannada

ಮಕ್ಕಳಿಂದ ದೊಡ್ಡವರವರೆಗೆ ಎಲ್ಲರಿಗೂ ಇಷ್ಟವಾಗುವ ಸುಲಭ ಮತ್ತು ರುಚಿಕರ ಸ್ನ್ಯಾಕ್ ಅಂದ್ರೆ ಚೀಸ್ ಕಾರ್ನ್, ಸ್ವೀಟ್ ಕಾರ್ನ್, ಚೀಸ್ ಮತ್ತು ಮಸಾಲೆಗಳ ಸಂಯೋಜನೆಯಿಂದ ತಯಾರಾಗುವ ಈ ಡಿಶ್, ಸಂಜೆ ತಿಂಡಿಗೆ ಅಥವಾ ಪಾರ್ಟಿ ಸ್ಟಾರ್ಟರ್‌ಗೆ ಪರ್ಫೆಕ್ಟ್ ಆಯ್ಕೆ.

ಬೇಕಾಗುವ ಪದಾರ್ಥಗಳು...

• ಸ್ವೀಟ್ ಕಾರ್ನ್ – 1 ಬಟ್ಟಲು

• ಚೀಸ್ ತುರಿದದ್ದು – 1/2 ಬಟ್ಟಲು

• ಕಾರ್ನ್ ಫ್ಲೋರ್- 1 ಚಮಚ

• ಒರೆಗ್ಯಾನೋ - 1/2 ಚಮಚ

• ಚಿಲ್ಲಿ ಫ್ಲೇಕ್ಸ್- 1/2 ಚಮಚ

• ಬೆಣ್ಣೆ – 1 ಚಮಚ

• ಹಾಲು – 1/4 ಬಟ್ಟಲು

• ಮೆಣಸಿನ ಪುಡಿ – 1/2 ಚಮಚ

• ಕರಿಮೆಣಸಿನ ಪುಡಿ – 1/4 ಟೀ ಚಮಚ

• ಉಪ್ಪು – ರುಚಿಗೆ ತಕ್ಕಷ್ಟು

• ಕೊತ್ತಂಬರಿ ಸೊಪ್ಪು – ಸ್ವಲ್ಪ

ಮಾಡುವ ವಿಧಾನ...

• ಮೊದಲು ಸ್ವೀಟ್ ಕಾರ್ನ್ ಅನ್ನು ಚೆನ್ನಾಗಿ ಬೇಯಿಸಿಕೊಳ್ಳಿ.

• ಒಂದು ಪ್ಯಾನ್‌ನಲ್ಲಿ ಬೆಣ್ಣೆ ಹಾಕಿ ಕರಗಲು ಬಿಡಿ. ಬಳಿಕ ಕಾರ್ನ್ ಫ್ಲೋರ್ ಹಾಕಿ, ಅರ್ಧ ನಿಮಿಷ ಕೈಯಾಡಿಸಿ.

• ನಂತರ ಹಾಲು ಸೇರಿಸಿ ಚೆನ್ನಾಗಿ ಕಲಸಿ. ಮಿಶ್ರಣ ಗಟ್ಟಿಯಾಗುತ್ತಿದ್ದಂತೆಯೇ ಉಪ್ಪು, ಕಾಳು ಮೆಣಸಿನ ಪುಡಿ, ಒರೆಗ್ಯಾನೋ, ಚಿಲ್ಲಿ ಫ್ಲೇಕ್ಸ್ ಹಾಕಿ ಮಿಶ್ರಣ ಮಾಡಿ.

• ಅದಕ್ಕೆ ಬೇಯಿಸಿದ ಕಾರ್ನ್ ಹಾಕಿ ಸ್ವಲ್ಪ ಹೊತ್ತು ಹುರಿಯಿರಿ. ಈಗ ತುರಿದ ಚೀಸ್ ಸೇರಿಸಿ ನಿಧಾನವಾಗಿ ಕಲಸಿ.

• ಚೀಸ್ ಕರಗಿ ಕಾರ್ನ್ ಜೊತೆ ಚೆನ್ನಾಗಿ ಬೆರೆಯುವವರೆಗೆ ಬೇಯಿಸಿ. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪು ಹಾಕಿ ಅಲಂಕರಿಸಿದರೆ ರುಚಿಕರವಾದ ಚೀಸಿ ಕಾರ್ನ್ ಸವಿಯಲು ಸಿದ್ಧ.

ಟಿಪ್ಸ್:

ಇನ್ನಷ್ಟು ಕ್ರೀಮಿ ರುಚಿಗೆ ಸ್ವಲ್ಪ ಫ್ರೆಶ್ ಕ್ರೀಮ್ ಕೂಡ ಸೇರಿಸಬಹುದು.