ಎಗ್ ಕುರ್ಮಾ- Egg kurma Recipe in Kannada

ಬೇಕಾಗುವ ಪದಾರ್ಥಗಳು...

• ಮೊಟ್ಟೆ-6

• ಈರುಳ್ಳಿ- 1

• ಟೊಮೆಟೊ- 1

• ಹಸಿ ಮೆಣಸಿನಕಾಯಿ-1-2

• ಶುಂಠಿ ಬೆಳ್ಳುಳ್ಳಿ ಪೇಸ್ಟ್-ಅರ್ಧ ಚಮಚ

• ಅರಿಶಿಣ ಪುಡಿ- 1/4 ಚಮಚ

• ಅಚ್ಚ ಖಾರದ ಪುಡಿ- 1 ಚಮಚ

• ದನಿಯಾ ಪುಡಿ- ಅರ್ಧ ಚಮಚ

• ಕಾಳು ಮೆಣಸಿನ ಪುಡಿ- ಅರ್ಧ ಚಮಚ

• ಗರಂ ಮಸಾಲ- 1 ಚಮಚ

• ಎಣ್ಣೆ- 2 ಚಮಚ

• ಉಪ್ಪು- ರುಚಿಗೆ ತಕ್ಕಷ್ಟು

• ಕೊತ್ತಂಬರಿ ಸೊಪ್ಪು- ಸ್ಬಲ್ಪ

• ತೆಂಗಿನ ಕಾಯಿ- ತುರಿದದ್ದು (ಅರ್ಧ ತೆಂಗಿನಕಾಯಿ)

• ಗೋಡಂಬಿ- 8

• ಹಸಿಮೆಣಸಿನಕಾಯಿ- 1

• ಜೀರಿಗೆ- 1/4 ಚಮಚ

• ಸೋಂಪು- 1/4 ಚಮಚ

• ಪಲಾವ್ ಎಲೆ- 1

• ನಕ್ಷತ್ರ ಮೊಗ್ಗುೃ- 1

• ಲವಂಗ- 2

• ಚಕ್ಕ- ಅರ್ಧ ಇಂಚಿನಷ್ಟು

• ಏಲಕ್ಕಿ- 1

• ಜೀರಿಗೆ 1/4 ಚಮಚ

ಮಾಡುವ ವಿಧಾನ...

• 6 ಮೊಟ್ಟೆಯನ್ನು ಬೇಯಿಸಿ ಸಿಪ್ಪೆ ಸುಲಿದು ಇಡಿ.

• ತೆಂಗಿನಕಾಯಿ, ಗೋಡಂಬಿ, ಹಸಿಮೆಣಸಿನಕಾಯಿ, ಜೀರಿಗೆ, ಸೋಂಪು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಇದೀಗ ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಎಣ್ಣೆ ಬಿಸಿಯಾದಾಗ ಪಲಾವ್ ಎಲೆ, ನಕ್ಷತ್ರ ಮೊಗ್ಗು, ಲವಂಗ, ಜೀರಿಗೆ, ಏಲಕ್ಕಿ, ಚಕ್ಕೆ 1 ನಿಮಿಷ ಸೌಟ್‌ನಿಂದ ಆಡಿಸಿ. ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್‌ ಹಾಕಿ ಮಿಕ್ಸ್‌ ಮಾಡಿ.

• ಈಗ ಈರುಳ್ಳಿ, ಹಸಿಮೆಣಸಿನ ಹಾಕಿ, ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ. ನಂತರ ಟೊಮೆಟೊ ಸೇರಿಸಿ, ಖಾರದ ಪುರಿ, ಕಾಳು ಮೆಣಸಿನ ಪುಡಿ, ದನಿಯಾ ಪುಡಿ, ಗರಂ ಮಸಾಲ ಹಾಕಿ ಮಿಕ್ಸ್ ಮಾಡಿ, ಟೊಮೆಟೊ ಮೆತ್ತಗಾಗುವವರೆಗೆ ಬೇಯಿಸಿ.

• ಈಗ ರುಬ್ಬಿದ ತೆಂಗಿನಕಾಯಿ ಮಸಾಲೆ ಹಾಕಿ, ಬೇಕಿದ್ದರೆ ಸ್ವಲ್ಪ ನೀರು ಹಾಕಿ, ನಂತರ ಅರಿಶಿಣ ಪುಡಿ ಹಾಗೂ ರುಚಿಗೆ ತಕ್ಕ ಉಪ್ಪು ಸೇರಿಸಿ ಕುದಿಸಿ.

• ಮಿಶ್ರಣ ಕುದಿ ಬಂದಾಗ ಗ್ಯಾಸ್ ಉರಿ ಕಡಿಮೆ ಮಾಡಿ, ಬೇಯಿಸಿದ ಮೊಟ್ಟೆಗಳನ್ನು ಮಸಾಲೆ ಹಿಡಿಯಲು ಮೇಲ್ಮೈನಲ್ಲಿ ಚಾಕುವಿನಿಂದ ಕಟ್ ಮಾಡಿ ಮಸಾಲೆಗೆ ಹಾಕಿ ಒಮ್ಮೆ ಮೆಲ್ಲನೆ ಮಿಕ್ಸ್‌ ಮಾಡಿ. ಬಳಿಕ 10 ನಿಮಿಷ ಬೇಯಿಸಿದರೆ ರುಚಿಕರವಾದ ಎಗ್‌ ಕುರ್ಮಾ ಸವಿಯಲು ಸಿದ್ಧ.