ಸಾಧನೆ ಹಿಂದಿನ ಸ್ತ್ರೀ ಶಕ್ತಿ

ಧಾರವಾಡ: ವಿದ್ಯಾವರ್ಧಕ ಸಂಘ ಹಾಗೂ ಮಹಿಳಾ ಮಂಟಪದ ವತಿಯಿಂದ ಮಹಿಳಾ ದಿನಾಚರಣೆ ಅಂಗವಾಗಿ ಇಂದುಮತಿ ಪಾಟೀಲ ಪುಟ್ಟಪ್ಪ ಅಭಿನಂದನ ಮಾಲೆ-1 ಇಲ್ಲಿನ ವಿದ್ಯಾವರ್ಧಕ ಸಂಘದಲ್ಲಿ ಮಾ. 16ರಂದು ಸಂಜೆ 5.30ಕ್ಕೆ ನಡೆಯಲಿದೆ. ಡಾ೤ ಲೀಲಾವತಿ ಪ್ರಸಾದ ಉದ್ಘಾಟಿಸಲಿದ್ದಾರೆ. ಡಾ೤ ಶಾಂತಾ ಇಮ್ರಾಪುರ ಅಭಿನಂದಿಸಲಿದ್ದಾರೆ. ಪ್ರೊ೤ ಮಾಲತಿ ಪಟ್ಟಣಶೆಟ್ಟಿ ಅಧ್ಯಕ್ಷತೆ ವಹಿಸಲಿದ್ದಾರೆ. ಡಾ೤ ಪಾಟೀಲ ಪುಟ್ಟಪ್ಪ, ಶಂಕರ ಹಲಗತ್ತಿ, ವಿಶ್ವೇಶ್ವರಿ ಹಿರೇಮಠ ಭಾಗವಹಿಸಲಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.
ಚುಟುಕ ಆಹ್ವಾನ
ಧಾರವಾಡ: ಚುಟುಕ ಸಾಹಿತ್ಯ ಪರಿಷತ್ ಏಪ್ರಿಲ್‌ನಲ್ಲಿ ನಡೆಸಲು ಉದ್ದೇಶಿಸಿದ ಚುಟುಕು ಕವಿಗೋಷ್ಠಿಗೆ ಚುಟುಕು ಕವಿಗಳು ಮಾ. 31ರೊಳಗಾಗಿ ಐದು ಸ್ವರಚಿತ ಚುಟುಕಗಳನ್ನು ಕಳುಹಿಸಲು ತಿಳಿಸಿದೆ. ಚುಟುಕು ಸಾಹಿತ್ಯ ಪರಿಷತನ ಸಂಘಟನಾತ್ಮಕ ಚಟುವಟಿಕೆಯಲ್ಲಿ ಭಾಗವಹಿಸುವ ಚುಟುಕು ಕವಿಗಳು ಮೊ೤ 91643-20113 ಸಂಪರ್ಕಿಸಬಹುದು ಎಂದು ಚುಟುಕು ಸಾಹಿತ್ಯ ಪರಿಷತ್ ಶಹರ ಘಟಕದ ಅಧ್ಯಕ್ಷ ಶಿವಾನಂದ ನಾಗನೂರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪ್ರಬಂಧ ಸ್ಪರ್ಧೆ: ವಿನೋದಾ ಪ್ರಥಮ
ಧಾರವಾಡ: ಟಾಟಾ ಸಂಸ್ಥೆಯವರು ನಡೆಸಿದ ರಾಷ್ಟ್ರಮಟ್ಟದ ಪ್ರಬಂಧ ಸ್ಪರ್ಧೆಯಲ್ಲಿ ಇಲ್ಲಿನ ಆರ್.ಎನ್. ಶೆಟ್ಟಿ ಕ್ರೀಡಾಂಗಣದ ಸರ್ಕಾರಿ ಪ್ರೌಢಶಾಲೆಯ ವಿದ್ಯಾರ್ಥಿನಿ ವಿನೋದಾ ತಳವಾರ ಪ್ರಥಮ ಸ್ಥಾನ ಪಡೆದಿದ್ದಾರೆ. ಏ. 2ರಂದು ದೆಹಲಿಯಲ್ಲಿ ನಡೆಯುವ ಸಮಾರಂಭದಲ್ಲಿ ಬಹುಮಾನ ವಿತರಿಸಲಾಗುವುದು. ವಿದ್ಯಾರ್ಥಿನಿ ಸಾಧನೆಗೆ ಡಿಡಿಪಿಐ ಡಾ೤ ಬಿ.ಕೆ.ಎಸ್. ವರ್ಧನ, ಕ್ಷೇತ್ರ ಶಿಕ್ಷಣಾಧಿಕಾರಿ ಗಿರೀಶ ಪದಕಿ, ವಿ.ಎಸ್. ಕುಲಕರ್ಣಿ, ಎಂ.ಜಿ. ಹಿರೇಮಠ, ವೈ.ಆರ್. ರಾಯನಗೌಡ್ರ ಅಭಿನಂದಿಸಿದ್ದಾರೆ.