ಅ.3, 4ರಂದು ಬೆಂಗಳೂರಿನಲ್ಲಿ ಹಳ್ಳಿಹಬ್ಬ: ಉದ್ದನೆ ಮೀಸೆ, ಜಡೆಯೊಂದಿಗೆ ಬನ್ನಿ ಬಹುಮಾನ ಗೆಲ್ಲಿ!

ಬೆಂಗಳೂರು:  ಹೌದು, ನಿಮಗೆ ಉದ್ದ ಮೀಸೆ ಅಥವಾ ನಿಮ್ಮ ಮನೆಯ ಹೆಣ್ಣುಮಕ್ಕಳಿಗೆ ಉದ್ದನೆಯ ಜಡೆಯಿದ್ದರೇ ಇದೋ ಇಲ್ಲಿದೇ ನಿಮಗೆ 15 ಸಾವಿರ ರೂಪಾಯಿ ಬಹುಮಾನ ಗೆಲ್ಲುವ ಸುವರ್ಣಾವಕಾಶ. ಕಳೆದ ಮೂರು ದಶಕಗಳಿಂದ ಸಾಮಾಜಿಕ ಸೇವಾ ಕ್ಷೇತ್ರದಲ್ಲಿ ದುಡಿಯುತ್ತಿರುವ ಎನ್.ಜಿ.ಓ ವಿದ್ಯಾರಣ್ಯ ಸಂಸ್ಥೆ ಬರುವ ಶನಿವಾರ ಮತ್ತು ಭಾನುವಾರ ಉದ್ಯಾನನಗರಿಯ ಜನರಿಗೆ ಗ್ರಾಮೀಣ ಸೊಗಡನ್ನು ಪರಿಚಯಿಸುವ ಹಳ್ಳಿಹಬ್ಬ-2015ನ್ನು ಆಯೋಜಿಸಿದೆ.

ಈ ಹಳ್ಳಿಹಬ್ಬದಲ್ಲಿ ಇಂತಹ ವಿಶಿಷ್ಟ ಮತ್ತು ವಿಭಿನ್ನ ಸ್ಪರ್ಧೆಯೊಂದನ್ನು ಏರ್ಪಡಿಸುವ ಮೂಲಕ ರಾಜಧಾನಿಯ ಮಂದಿಗೆ ಮೀಸೆ ಮತ್ತು ಜಡೆಯ ಮಹತ್ವವನ್ನು ತಿಳಿಸಹೊರಟಿದೆ.

ಅಕ್ಟೋಬರ್ 3 ಮತ್ತು 4ರಂದು ಫ್ರೀಡಂಪಾರ್ಕ್ ನಲ್ಲಿ ನಡೆಯಲಿರುವ 'ಹಳ್ಳಿಹಬ್ಬ-2015' ನ್ನು ಬೆಂಗಳೂರು ಉಸ್ತುವಾರಿ ಸಚಿವ ರಾಮಲಿಂಗಾರೆಡ್ಡಿ ಉದ್ಘಾಟಿಸಲಿದ್ದಾರೆ. ಮೇಯರ್ ಶ್ರೀ ಮಂಜುನಾಥ್ ರೆಡ್ಡಿ, ಚಲನಚಿತ್ರ ತಾರೆಯರಾದ ಪ್ರೇಮ್, ವಿಜಯ್ ರಾಘವೇಂದ್ರ, ಮುರಳಿ ಮತ್ತು ತಾರಾ ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಅತಿ ಉದ್ದನೆಯ ಜಡೆ ಹೊಂದಿದ ಮೊದಲ ಮೂರು ಮಹಿಳೆಯರಿಗೆ ಕ್ರಮವಾಗಿ 15ಸಾವಿರ, 10ಸಾವಿರ ಮತ್ತು 5ಸಾವಿರ ರುಪಾಯಿಗಳ ಆಕರ್ಷಕ ಬಹುಮಾನವನ್ನು ನೀಡಿದರೆ, ಪುರುಷರ ವಿಭಾಗದಲ್ಲಿ ಅತಿ ಉದ್ದನೆಯ ಮೀಸೆ ಹೊಂದಿದ ಮೊದಲ ಮೂರು ಪುರುಷರಿಗೆ ಕ್ರಮವಾಗಿ 15ಸಾವಿರ, 10ಸಾವಿರ ಮತ್ತು 5ಸಾವಿರ ರುಪಾಯಿಗಳ ಆಕರ್ಷಕ ಬಹುಮಾನವನ್ನು ನೀಡಲಾಗುವುದು ಎಂದು ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಎಂ.ಸಿ.ರಮೇಶ್ ತಿಳಿಸಿದ್ದಾರೆ.

ಸೈಕಲ್ ಟಯರ್ ಓಡಿಸುವುದು, ಕೈ ಕುಸ್ತಿ ಆಡುವುದು, ಬುಗುರಿ, ಲಗೋರಿ, ಗೋಲಿ ಆಟಗಳಿಗೂ ಆಕರ್ಷಕ ಬಹುಮಾನವಿದೆ. ಸದಾ ನಾನಾ  ಜಂಜಡಗಳಲ್ಲಿ ಬದುಕುತ್ತಿರುವ ಉದ್ಯಾನನಗರಿಯ ಜನರು ಎರಡು ದಿನಗಳ ಈ ದೇಶಿಮಯ ಸಂಸ್ಕøತಿಯಲ್ಲಿ ಮಿಂದು, ಗ್ರಾಮೀಣ ಭಾಗದ ಆಟ-ಊಟ-ನೋಟದಲ್ಲಿ ಪಾಲ್ಗೊಳ್ಳಲಿ ಎನ್ನುವ ಸದುದ್ದೇಶ ನಮ್ಮದು ಎನ್ನುತ್ತಾರೆ ರಮೇಶ್. ನೀವೂ ಬನ್ನಿ, ನಿಮ್ಮ ಮಕ್ಕಳನ್ನು ಮತ್ತು ಅಕ್ಕ-ಪಕ್ಕದವರನ್ನು ಕರೆತನ್ನಿ.
ಹೆಚ್ಚಿನಮಾಹಿತಿಗಾಗಿ:9035014040/9343207349