17ರಿಂದ ಬೆಂಗಳೂರು ಗಣೇಶೋತ್ಸವ ಸಂಭ್ರಮ

ಬೆಂಗಳೂರು: ವಿದ್ಯಾರಣ್ಯ ಯುವಕ ಸಂಘ 53ನೇ ವರ್ಷದ 'ಬೆಂಗಳೂರು ಗಣೇಶ ಉತ್ಸವ'ವನ್ನು ಸೆ. 17-27ರವರೆಗೆ ಬಸವನಗುಡಿಯ ಎಪಿಎಸ್ ಕಾಲೇಜು ಮೈದಾನದಲ್ಲಿ ಏರ್ಪಡಿಸಿದೆ. 11 ದಿನಗಳ ಕಾಲ ನಿರಂತರವಾಗಿ ಕಲೆ, ಸಂಸ್ಕೃತಿ ಹಾಗೂ ಆಹಾರ ಮೇಳ ಆಯೋಜಿಸಲಾಗಿದೆ.

ಗಾಯಕರಾದ ಪಿ. ಸುಶೀಲಾ, ವಾಣಿ ಜಯರಾಂ, ವಿಜಯ್ ಪ್ರಕಾಶ್ ಮೊದಲ ಬಾರಿಗೆ ಉತ್ಸವದಲ್ಲಿ ಸಂಗೀತ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಈ ಗಾಯಕರ ಜೊತೆಗೆ ರಾಜೇಶ್ ಕೃಷ್ಣನ್, ಎಂ.ಡಿ. ಪಲ್ಲವಿ ಸಂಗೀತ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ.

ಕೊನೆಯ ದಿನ ಶ್ರೇಯಾ ಘೋಶಾಲ್, ಪಂ. ವಿಶ್ವಮೋಹನ್ ಭಟ್, ಕುನಾಲ್ ಗಾಂಜಾವಾಲಾ, ಅರ್ಜುನ್ ಜನ್ಯ, ರಘು ದೀಕ್ಷಿತ್, ಮಯೂರಿ ಉಪಾಧ್ಯ ಸೇರಿದಂತೆ ಹಲವು ಜನಪ್ರಿಯ ಗಾಯಕರು ಹಾಗೂ ವಾದ್ಯ ಕಲಾವಿದರು ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಗಾಯಕರಾದ ವಿಜಯ್ ಪ್ರಕಾಶ್, ಎಂ.ಡಿ. ಪಲ್ಲವಿ, ಅರ್ಜುನ್ ಜನ್ಯ ಹಾಜರಿದ್ದರು.