೧೪ ವರ್ಷಗಳಲ್ಲೇ ಬೆಂಗಳೂರಿನಲ್ಲಿ ದಾಖಲೆ ಏಪ್ರಿಲ್ ಮಳೆ

ಬೆಂಗಳೂರು: ಏಪ್ರಿಲ್ ತಿಂಗಳಲ್ಲಿ ಬೆಂಗಳೂರಿನಲ್ಲಿ ೨೭೩ ಮಿಲಿ ಮೀಟರ್ ಮಳೆ ಸುರಿದಿದೆ. ೧೪ ವರ್ಷಗಳಲ್ಲಿ ಈ ತಿಂಗಳಲ್ಲಿ ಸುರಿದ ಅತಿ ಹೆಚ್ಚಿನ ಮಳೆಯ ಪ್ರಮಾಣ ಇದು. ಈ ಹಿಂದೆ ಅತಿ ಹೆಚ್ಚು ಅಂತದೆ ೨೦೦೧ರಲ್ಲಿ ೩೨೯ ಮಿಮೀ ಮಳೆ ಸುರಿದಿತ್ತು. "ಈ ವರ್ಷದ ೨೭೩ ಮಿಮೀ ಮಳೆ ಏಪ್ರಿಲ್ ನ ಹವಾಮಾನ ಮುನ್ಸೂಚನೆಗೆ ವಿರುದ್ಧವಾಗಿದೆ. ಸಾಮಾನ್ಯವಾಗಿ ಈ ತಿಂಗಳಲ್ಲಿ ೪೦ ಮಿಮೀ ಮಳೆಯನ್ನು ನಿರೀಕ್ಷಿಸಲಾಗುತ್ತದೆ. ಸದ್ಯದಲ್ಲೇ ಬರುವ ಮಾನ್ಸೂನ್ ಲಲ್ಲಿ ನಗರದಲ್ಲಿ ಸಾಮಾನ್ಯ ಮಟ್ಟದ ಮಳೆಯಾದಲಿದೆ" ಎಂದು ಭಾರತೀವ ಹವಾಮಾನ ಇಲಾಖೆಯ ಉಸ್ತುವಾರಿ ನಿರ್ದೇಶಕ ಸುಂದರ್ ಮೆಟ್ರಿ ತಿಳಿಸಿದ್ದಾರೆ.

ಈ ತಿಂಗಳಿನಾದ್ಯಂತ ಇದ್ದ ಅತಿ ಹೆಚ್ಚಿನ ಉಷ್ಣಾಂಶ ಅತಿ ಹೆಚ್ಚಿನ ಮಳೆಗೆ ಕಾರಣ ಎಂದಿದ್ದಾರೆ ಅವರು. "ಅತಿ ಹೆಚ್ಚಿನ ಉಷ್ಣಾಂಶದಿಂದ ನೆಲ ಕಾಯ್ದು ವಾತಾವರಣದಲ್ಲಿ ಹೆಚ್ಚಿನ ತೇವಾಂಶ ಉಂಟಾಗುತ್ತದೆ. ಇದು ಮಳೆಗೆ ಕಾರಣವಾಗುತ್ತದೆ" ಎಂದು ಅವರು ತಿಳಿಸಿದ್ದಾರೆ.

ಗುರುವಾರ ಧಾರಾಕಾರವಾಗಿ ಸುರಿದ ಮಳೆಯಿಂದ ನಗರದಾದ್ಯಂತ ಬಿದ್ದ ಅಸಂಖ್ಯಾತ ಮರಗಳು ಮತ್ತು ಕಂಬಗಳ ಕುರಿತು ಪ್ರತಿಕ್ರಿಯಿಸಿದ ಮೆಟ್ರಿ ಹಾನಿಯಾಗಿರುವುದು ಗಾಳಿಯಿಂದ, ಮಳೆಯಿಂದಲ್ಲ ಎಂದಿದ್ದಾರೆ. "ಗುರುವಾರ ಸಂಜೆ ೪ ಘಂಟೆಗೆ ಸುಮಾರು ಅರ್ಧ ನಿಮಿಷದವರೆಗೆ ನಗರದಲ್ಲಿ ಘಂಟೆಗೆ ೭೦ ಕಿಮೀ ವೇಗವಾಗಿ ಚಲಿಸುತ್ತಿದ್ದ ಗಾಳಿ ದಾಖಲಾಗಿದೆ. ಇದು ಭಯಾನಕ ವೇಗ ಹಾಗೂ ಹೆಚ್ಚಿನ ಹಾನಿ ಉಂಟುಮಾಡಬಲ್ಲುದು" ಎಂದು ಅವರು ತಿಳಿಸಿದ್ದಾರೆ.