ಅಕ್ರಮ ಆಸ್ತಿ, ದಾಳಿ: ಮಾಹಿತಿಗೆ ಸೂಚನೆ

ಬೆಂಗಳೂರು: ಲೋಕಾಯುಕ್ತ ಸಂಸ್ಥೆಯ ಪೊಲೀಸ್ ಘಟಕದ ಕಾರ್ಯ ನಿರ್ವಹಣೆ ಬಗ್ಗೆ ಹೈಕೋರ್ಟ್ ಛೀಮಾರಿ ಹಾಕಿದ್ದ ಹಿನ್ನೆಲೆಯಲ್ಲಿ ಕಳೆದ ಕೆಲ ವರ್ಷಗಳಲ್ಲಿ ಅಕ್ರಮ ಆಸ್ತಿ ಸಂಪಾದನೆ ಹಾಗೂ ದಾಳಿ ಪ್ರಕರಣಗಳ ಬಗ್ಗೆ ಮಾಹಿತಿ ನೀಡುವಂತೆ ಎಲ್ಲಾ ಜಿಲ್ಲಾ ಎಸ್ಪಿಗಳಿಗೆ ಲೋಕಾಯುಕ್ತ ಎಡಿಜಿಪಿ ಸೂಚನೆ ನೀಡಿದ್ದಾರೆ. ಎಷ್ಟು ಅಧಿಕಾರಿಗಳ ನಿವಾಸಗಳ ಮೇಲೆ ದಾಳಿ ನಡೆಸಲಾಗಿದೆ. ಪ್ರಕರಣದ ತನಿಖೆ ಯಾವ ಹಂತದಲ್ಲಿದೆ. ಎಷ್ಟು ಪ್ರಕರಣಗಳಲ್ಲಿ ತನಿಖೆ ನಡೆಸಲಾಗಿದೆ. ಆರೋಪ ಪಟ್ಟಿ ಸಲ್ಲಿಕೆ, ನ್ಯಾಲಯದಲ್ಲಿ ವಿಚಾರಣೆ, ಹೀಗೆ ಪ್ರಕರಣಗಳ ಬಗ್ಗೆ ಸಮಗ್ರ ಮಾಹಿತಿ ನೀಡುವಂತೆ ಎಲ್ಲಾ ಎಸ್ಪಿಗಳಿಗೂ ಎಡಿಜಿಪಿ ಮೀನಾಶಂಕರ್ ಸೂಚನೆ ನೀಡಿದ್ದಾರೆಂದು ತಿಳಿದು ಬಂದಿದೆ. ಅಷ್ಟೇ ಅಲ್ಲದೇ ಅಧಿಕಾರಿಗಳ ವಿರುದ್ಧ ದೂರು ನೀಡಿದವರು ಯಾರು? ಅವರ ಹಿನ್ನೆಲೆ ಏನು? ಪ್ರಾಥಮಿಕ ತನಿಖೆ ವೇಳೆ ದೂರುದಾರರು ಆರೋಪಿಸಿದ್ದ ಅಕ್ರಮ  ಬಂದ ಆಸ್ತಿ ಪ್ರಮಾಣ ಎಷ್ಟು? ಹೀಗೆ ಹಲವು ಮಾಹಿತಿಗಳನ್ನು ಒದಗಿಸುವಂತೆ ಎಡಿಜಿಪಿಕೋರಿದ್ದಾರೆ ಎಂದು ತಿಳಿದು ಬಂದಿದೆ.  ಏಕೆ ಮಾಹಿತಿ? ಅಕ್ರಮ ಆಸ್ತಿ ಗಳಿಕೆ  ಆರೋಪದಲ್ಲಿ ದೂರುದಾರರು ನೀಡಿರುವ ಮಾಹಿತಿಯೇ ಒಂದು ಆಗಿರುತ್ತದೆ. ಆದರೆ, ದಾಳಿ ಬಳಿಕ ಲೋಕಾಯುಕ್ತ ಅಧಿಕಾರಿಗಳುನತೋರಿಸುವ ಮಾಹಿತಿಯೇ ಬೇರೆಯೇ  ಗಿರುತ್ತದೆ. ದಾಳಿ ಬಳಿಕ ಅಕ್ರಮ ಆಸ್ತಿ ಪ್ರಮಾಣ ಶೇಕಡವಾರು ಗಣನೀಯವಾಗಿ ಇಳಿಕೆಯಾಗಿರುತ್ತದೆ. ಅಲ್ಲದೇ, ಹಲವು ಪ್ರಕರಣಗಳ ತನಿಖೆಯನ್ನು ಕಾಲಮಿತಿಯಲ್ಲಿ ಪೂರ್ಣಗೊಳಿಸದೆ ಕಾಲ ತಳ್ಳುವುದು. ನ್ಯಾಯಾಲಯಕ್ಕೆ ಶೀಘ್ರ ಆರೋಪಪಟ್ಟಿ ಸಲ್ಲಿಸದೆ ಇರುವುದು. ಪ್ರಕರಣಗಳನ್ನು ಮುಚ್ಚಿಹಾಕಲು ಲಂಚ ಪಡೆಯುವ ಮೂಲಕ ಅಕ್ರಮ ಆಸ್ತಿ ಪ್ರಮಾಣವನ್ನು ಅಧಿಕಾರಿಗಳೇ ಕಡಿಮೆ ಮಾಡಿರುವ ಆರೋಪಗಳು ಲೋಕಾಯುಕ್ತ ಪೊಲೀಸ್ ಘಟಕದ ಮೇಲೆ ಇವೆ. ಇನ್ನು ಲಂಚ ಪಡೆಯುತ್ತಿರುವ ಸರ್ಕಾರಿ ಅ„ಕಾರಿಗಳನ್ನು ಟ್ರ್ಯಾಪ್ ಪ್ರಕರಣಗಳ ಬಗ್ಗೆಯೂ ಮಾಹಿತಿ ಕೋರಲಾಗಿದೆ. ವಿವಿಧ ಇಲಾಖೆಗಳ ಅಧಿಕಾರಿಗಳಿಗೆ ಲಂಚ ಆರೋಪ ಹೊರಿಸಿ ಟ್ರ್ಯಾಪ್ ಮಾಡಿಸುವ ಬೆದರಿಕೆ ಒಡ್ಡಿ ಸುಲಿಗೆ ಮಾಡಿರುವ ಆರೋಪಗಳು ಇವೆ. ಹೀಗಾಗಿ, ಒಟ್ಟಾರೆಯಾಗಿ ಕಳೆದ ಕೆಲವರ್ಷಗಳಲ್ಲಿ ಲೋಕಾಯುಕ್ತ ಪೊಲೀಸ್  ಘಟಕದಿಂದ ನಡೆದಿರುವ ಟ್ರ್ಯಾಪ್ ಹಾಗೂ ಅಕ್ರಮ ಆಸ್ತಿ ಪ್ರಕರಣಗಳ ಲೋಕಾಯುಕ್ತ ಎಡಿಜಿಪಿ  ಪ್ರೇಮ್ ಶಂಕರ್ ಮೀನಾ ಅವರು ಬಗ್ಗೆ ಸಮಗ್ರ ಮಾಹಿತಿ ಕೋರಲಾಗಿದೆ ಎಂದು ತಿಳಿದು ಬಂದಿದೆ. ಲೋಕಾಯುಕ್ತ ಸಂಸ್ಥೆ ಕ್ಯಾನ್ಸರ್ ರೋಗ ದಿಂದ ಬಳಲುತ್ತಿದೆ. ದೂರು ದಾಖಲಾದರೆ ತನಿಖೆ ಪೂರ್ಣಗೊಳಿಸಲು ವಿಳಂಬ ಮಾಡುವ ಮೂಲಕ ಸಂಸ್ಥೆಯಲ್ಲಿನ ಹುಳುಕನ್ನು ಸಾರಿ ಹೇಳುತ್ತಿದೆ. ಇದರಿಂದ ಸಂಸ್ಥೆಯ ಮೇಲಿದ್ದ ಗೌರವ ಕಡಿಮೆ ಆಗುತ್ತಿದೆ ಎಂದು ಲೋಕಾಯುಕ್ತ  ಸಂಸ್ಥೆಗೆ ಹೈಕೋರ್ಟ್ ಚಾಟಿ  ಬೀಸಿತ್ತು.