ಜೈಲಿನಲ್ಲಿ ಮಾಜಿ ಪ್ರಧಾನಿ: 52ನೇ ವಯಸ್ಸಿನಲ್ಲಿ ಎರಡನೇ ಮದುವೆಯಾದ ಇಮ್ರಾನ್ ಖಾನ್ ಮಾಜಿ ಪತ್ನಿ!

ಪಾಕಿಸ್ತಾನದ ಮಾಜಿ ಕ್ರಿಕೆಟ್ ನಾಯಕ ಮತ್ತು ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಮಾಜಿ ಪತ್ನಿ ಜೆಮಿಮಾ ಗೋಲ್ಡ್‌ಸ್ಮಿತ್‌ (52) ತಮ್ಮ ಜೀವನದಲ್ಲಿ ಹೊಸ ಅಧ್ಯಾಯವನ್ನು ಪ್ರಾರಂಭಿಸಿದ್ದಾರೆ. ಪ್ರಸಿದ್ಧ ಬ್ರಿಟಿಷ್ ಚಲನಚಿತ್ರ ನಿರ್ಮಾಪಕಿ ಮತ್ತು ಬರಹಗಾರ್ತಿ ಜೆಮಿಮಾ, ಐರಿಶ್-ಆಸ್ಟ್ರೇಲಿಯನ್ ಮಲ್ಟಿ-ಮಿಲಿಯನೇರ್ ಫೈನಾನ್ಶಿಯರ್ ಕ್ಯಾಮರೂನ್ ಒ'ರೈಲಿ ಅವರನ್ನು ಎರಡನೇ ಬಾರಿಗೆ ವಿವಾಹವಾದರು.

ಜೆಮಿಮಾ ಮತ್ತು ಕ್ಯಾಮರೂನ್ ಒ'ರೈಲಿ ಕೆಲವು ಚಲನಚಿತ್ರಗಳು ಮತ್ತು ಸಾಕ್ಷ್ಯಚಿತ್ರ ನಿರ್ಮಾಣದ ವೇಳೆ ಪರಿಚಯವಾಗಿತ್ತು. ಕ್ಯಾಮರೂನ್ ಕೆಲವು ಸಾಕ್ಷ್ಯಚಿತ್ರಗಳ ಕಾರ್ಯನಿರ್ವಾಹಕ ನಿರ್ಮಾಪಕಿಯಾಗಿದ್ದರಿಂದ, ಇಬ್ಬರೂ ಸ್ನೇಹವನ್ನು ಬೆಳೆಸಿಕೊಂಡರು. ಅದು ಕ್ರಮೇಣ ಪ್ರೀತಿಯಾಗಿ ಮಾರ್ಪಟ್ಟಿತು. ಕ್ಯಾಮರೂನ್ ಮತ್ತು ಜೆಮಿಮಾ ಈ ಸಂಬಂಧವನ್ನು ಸುಮಾರು ಒಂದು ವರ್ಷದವರೆಗೆ ರಹಸ್ಯವಾಗಿಟ್ಟಿದ್ದರು.

62 ವರ್ಷದ ಕ್ಯಾಮರೂನ್ ಒ'ರೈಲಿ, ದಿವಂಗತ ಮಾಧ್ಯಮ ದೊರೆ ಮತ್ತು ಅಂತರರಾಷ್ಟ್ರೀಯ ರಗ್ಬಿ ಆಟಗಾರ್ತಿ ಸರ್ ಆಂಥೋನಿ ಒ'ರೈಲಿ ಅವರ ಮಗ. ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದಲ್ಲಿ ಶಿಕ್ಷಣ ಪಡೆದ ಕ್ಯಾಮರೂನ್, ತನ್ನ ಆರಂಭಿಕ ವರ್ಷಗಳಲ್ಲಿ ತನ್ನ ತಂದೆಯ ಮಾಧ್ಯಮ ಕಂಪನಿಗಳಲ್ಲಿ ಪ್ರಮುಖ ಹುದ್ದೆಗಳನ್ನು ಅಲಂಕರಿಸಿದ್ದರು. ನಂತರ ಅವರು 2003ರಲ್ಲಿ ಬಯೋಲ್ಡ್ ಕ್ಯಾಪಿಟಲ್ ಎಂಬ ಖಾಸಗಿ ಇಕ್ವಿಟಿ ಸಂಸ್ಥೆಯನ್ನು ಸ್ಥಾಪಿಸಿದರು. ಸ್ವಿಸ್ ಮೀಟರಿಂಗ್ ಕಂಪನಿ ಲ್ಯಾಂಡಿಸ್+ಗೇರ್ ಅನ್ನು ಖರೀದಿಸಿ ಅದರ ಸಿಇಒ ಆಗಿ ಸೇವೆ ಸಲ್ಲಿಸುವ ಮೂಲಕ ಅವರು ಬಿಲಿಯನೇರ್ ಆದರು. 2011ರಲ್ಲಿ ಟೋಷಿಬಾಗೆ ಸುಮಾರು 2.3 ಬಿಲಿಯನ್‌ ಡಾಲರ್ ಗೆ ಮಾರಾಟ ಮಾಡಿದರು. ಕ್ಯಾಮರೂನ್ ಹಿಂದಿನ ಮದುವೆಯಿಂದ ನಾಲ್ಕು ಮಕ್ಕಳನ್ನು ಹೊಂದಿದ್ದಾರೆ.

ಲಂಡನ್‌ನಲ್ಲಿ ನಡೆದ ವಿವಾಹ ಸಮಾರಂಭದಲ್ಲಿ ಎರಡೂ ಕಡೆಯ ಹತ್ತಿರದ ಕುಟುಂಬ ಸದಸ್ಯರು ಮಾತ್ರ ಭಾಗವಹಿಸಿದ್ದರು. ಜೆಮಿಮಾ ಅವರ ಸಹೋದರ ಬೆನ್ ಗೋಲ್ಡ್‌ಸ್ಮಿತ್ ಮದುವೆಯನ್ನು ದೃಢಪಡಿಸಿದರು. ಆದರೆ ಅವರ ಪತ್ನಿ ಜೆಮಿಮಾ ಜೋನ್ಸ್ ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಸಂತೋಷವನ್ನು ಹಂಚಿಕೊಂಡಿದ್ದು 'ತುಂಬಾ ಸಂತೋಷದ ದಿನ' ಎಂದು ಪೋಸ್ಟ್ ಮಾಡಿದರು.

ಜೆಮಿಮಾ ಗೋಲ್ಡ್‌ಸ್ಮಿತ್ 1995 ರಲ್ಲಿ 21ನೇ ವಯಸ್ಸಿನಲ್ಲಿ ಇಮ್ರಾನ್ ಖಾನ್ ನನ್ನು ವಿವಾಹವಾದರು. ಅವರ 9 ವರ್ಷಗಳ ದಾಂಪತ್ಯವು 2005ರಲ್ಲಿ ಅಂತ್ಯಗೊಂಡಿತ್ತು. ಅವರಿಗೆ ಸುಲೈಮಾನ್ ಮತ್ತು ಖಾಸಿಮ್ ಎಂಬ ಇಬ್ಬರು ಗಂಡು ಮಕ್ಕಳಿದ್ದಾರೆ. ಇಮ್ರಾನ್‌ನಿಂದ ಬೇರ್ಪಟ್ಟ ನಂತರ ಹಗ್ ಗ್ರಾಂಟ್ ಮತ್ತು ರಸೆಲ್ ಬ್ರಾಂಡ್‌ನಂತಹ ಪ್ರಸಿದ್ಧ ವ್ಯಕ್ತಿಗಳ ಎದುರು ಜೆಮಿಮಾ ಅವರ ಹೆಸರು ಕೇಳಿಬಂದಿತ್ತು.