PSL 2026: ಹೈದರಾಬಾದ್ ಕಿಂಗ್ಸ್‌ಮೆನ್ ಮಣಿಸಿ ಫೈನಲ್‌ನಲ್ಲಿ ಪ್ರಶಸ್ತಿ ಗೆದ್ದ ಬಾಬರ್ ಅಜಮ್ ನೇತೃತ್ವದ ಪೇಶಾವರ್ ಝಲ್ಮಿ!
ಈ ಆವೃತ್ತಿಯ ಉದ್ದಕ್ಕೂ ಕೇವಲ ಒಂದೇ ಒಂದು ಪಂದ್ಯದಲ್ಲಿ ಮಾತ್ರ ಸೋಲು ಕಂಡಿದ್ದ ಪೇಶಾವರ್ ಝಲ್ಮಿ ತಂಡವು ಟೂರ್ನಿಯಾದ್ಯಂತ ಅತ್ಯುತ್ತಮ ಪ್ರದರ್ಶನ ನೀಡಿತು.
ಪಿಎಸ್ಎಲ್ 2026ನೇ ಆವೃತ್ತಿಯಲ್ಲಿ ಪೇಶಾವರ್ ಝಲ್ಮಿ ತಂಡವು ತಮ್ಮ ಸುದೀರ್ಘ ಕಾಯುವಿಕೆಯನ್ನು ಕೊನೆಗೊಳಿಸಿದ್ದು, ಕೊನೆಗೂ ಟ್ರೋಫಿ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. PSL 2026ರ ಫೈನಲ್‌ನಲ್ಲಿ, ಚೊಚ್ಚಲ ತಂಡವಾದ ಹೈದರಾಬಾದ್ ಕಿಂಗ್ಸ್‌ಮೆನ್ ಅನ್ನು 5 ವಿಕೆಟ್‌ಗಳಿಂದ ಸೋಲಿಸುವ ಮೂಲಕ ಜಯಗಳಿಸಿ ಕಿರೀಟವನ್ನು ಮುಡಿಗೇರಿಸಿಕೊಂಡಿದೆ. 130 ರನ್‌ಗಳ ಬೆನ್ನಟ್ಟುವಿಕೆಯಲ್ಲಿ, ಬಾಬರ್ ಅಜಮ್ ನೇತೃತ್ವದ ತಂಡವು ಅಂತಿಮವಾಗಿ 2017ರ ನಂತರ ಚಾಂಪಿಯನ್‌ಶಿಪ್ ಗೆಲ್ಲುವಲ್ಲಿ ಯಶಸ್ವಿಯಾಯಿತು.
ಈ ಆವೃತ್ತಿಯ ಉದ್ದಕ್ಕೂ ಕೇವಲ ಒಂದೇ ಒಂದು ಪಂದ್ಯದಲ್ಲಿ ಮಾತ್ರ ಸೋಲು ಕಂಡಿದ್ದ ಪೇಶಾವರ್ ಝಲ್ಮಿ ತಂಡವು ಟೂರ್ನಿಯಾದ್ಯಂತ ಅತ್ಯುತ್ತಮ ಪ್ರದರ್ಶನ ನೀಡಿತು. ಬಾಬರ್, ಮೊಹಮ್ಮದ್ ಹ್ಯಾರಿಸ್ ಮತ್ತು ಫಾರ್ಮ್‌ನಲ್ಲಿರುವ ಕುಶಾಲ್ ಮೆಂಡಿಸ್ ಅವರ ಆರಂಭಿಕ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡ ನಂತರ ಆರನ್ ಹಾರ್ಡಿ (39 ರನ್‌ಗಳಲ್ಲಿ 56) ಮತ್ತು ಅಬ್ದುಲ್ ಸಮದ್ (34 ರನ್‌ಗಳಲ್ಲಿ 48) ಅವರ ವಿಶೇಷ ಇನಿಂಗ್ಸ್ ತಂಡದ ಗೆಲುವಿಗೆ ಕಾರಣವಾಯಿತು.
ಹಾರ್ಡಿ (4/27), ನಹಿದ್ ರಾಣಾ (2/22) ಮತ್ತು ಸುಫಿಯಾನ್ ಮುಕೀಮ್ (1/23) ಹೈ ಸ್ಕೋರಿಂಗ್‌ಗೆ ಬ್ರೇಕ್ ಹಾಕಿದರು. ಹೈದರಾಬಾದ್ ಕಿಂಗ್ಸ್‌ಮೆನ್ ತಂಡವು ಉತ್ತಮ ಆರಂಭ ಪಡೆದಿತ್ತಾದರೂ (71/2), ಅಲ್ಲಿಂದ ಮುಂದೆ, ಕೇವಲ ಎರಡು ರನ್‌ಗಳಿಗೆ 4 ವಿಕೆಟ್‌ಗಳು ಬಿದ್ದವು. ಸೈಮ್ ಅಯೂಬ್ (50 ಎಸೆತಗಳಲ್ಲಿ 54) ಜೊತೆ ಇನಿಂಗ್ಸ್ ಆರಂಭಿಸಿದ ಎಲ್ಲ ವಿಕೆಟ್‌ಗಳು ಶೀಘ್ರದಲ್ಲೇ ಪತನವಾಗುತ್ತಿದ್ದವು. ಮುಕೀಮ್ ಅವರ 7ನೇ ಓವರ್‌ನಲ್ಲಿ ಮತ್ತೆರಡು ವಿಕೆಟ್‌ಗಳು ಬಿದ್ದವು. ಆಗ ಮೊಮೆಂಟಮ್ ಸಂಪೂರ್ಣ ಎದುರಾಳಿ ತಂಡದ ಕಡೆಗೆ ತಿರುಗಿತು.
ರಿಯಲ್ ಸ್ಟಾರ್ ಆದ ಬಾಬರ್ ಅಜಮ್
ಈ ಗೆಲುವು ಪೇಶಾವರ್ ಝಲ್ಮಿಗೆ ಮಾತ್ರವಲ್ಲದೆ, ಒಂದು ರೀತಿಯಲ್ಲಿ ಪಾಕಿಸ್ತಾನಕ್ಕೂ ಸಹ ದೊಡ್ಡದಾಗಿದೆ. ಇದು ಬಾಬರ್ ಅಜಮ್ ಅದ್ಭುತ ಫಾರ್ಮ್‌ನಲ್ಲಿರುವುದನ್ನು ತೋರಿಸುತ್ತದೆ. ಫೈನಲ್‌ನಲ್ಲಿ ವಿಫಲವಾದರೂ, ನಾಯಕ ಟೂರ್ನಮೆಂಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ ಹೊರಹೊಮ್ಮಿದರು ಮತ್ತು ಎರಡು ಶತಕಗಳು ಸೇರಿದಂತೆ 73ರ ಸರಾಸರಿ ಮತ್ತು 145 ಸ್ಟ್ರೈಕ್ ರೇಟ್‌ನಲ್ಲಿ 588 ರನ್ ಗಳಿಸಿದರು.
31 ವರ್ಷದ ಆಟಗಾರ ಟಿ20 ವಿಶ್ವಕಪ್‌ನಲ್ಲಿ ಕಳಪೆ ಪ್ರದರ್ಶನ ಸೇರಿದಂತೆ ಕಳಪೆ ಫಾರ್ಮ್ ಅನ್ನು ಎದುರಿಸುತ್ತಿದ್ದರು. ಇದೀಗ ಟಿ20ಐ ತಂಡಕ್ಕೆ ಮರಳಲು ಹೆಚ್ಚಿನ ಆತ್ಮವಿಶ್ವಾಸ ಸಿಕ್ಕಂತಾಗಿದೆ. ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ ಹೊರಹೊಮ್ಮುವ ಮೂಲಕ ತಂಡಕ್ಕೆ ಟ್ರೋಫಿ ಗೆಲುವಿಗೆ ಕಾರಣರಾದರು. 2020ರಲ್ಲಿ ಕರಾಚಿ ಕಿಂಗ್ಸ್‌ನಲ್ಲಿಯೂ ಅವರು 473 ರನ್ ಗಳಿಸಿದ್ದರು.
ಸುಫಿಯಾನ್ ಮುಕೀಮ್ ಕೊಡುಗೆ
26 ವರ್ಷದ ಸ್ಪಿನ್ನರ್ ಸುಫಿಯಾನ್ ಮುಕೀಮ್ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡರು. ಅವರು 14 ಪಂದ್ಯಗಳಲ್ಲಿ 14 ಸರಾಸರಿಯಲ್ಲಿ 22 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಅವರು ಬಹುಶಃ ಎಲ್ಲ ಪಂದ್ಯಗಳಲ್ಲಿ ವ್ಯತ್ಯಾಸವನ್ನು ಮಾಡಿದರು ಮತ್ತು ಪೇಶಾವರ್‌ಗೆ ಅನುಕೂಲ ಮಾಡಿಕೊಟ್ಟರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.