ನಾನು ಭಾರತದ T20 ನಾಯಕನಾಗಲು ಗೌತಮ್ ಗಂಭೀರ್ ಕಾರಣವಲ್ಲ; ಸೀಕ್ರೇಟ್ ರಿವೀಲ್ ಮಾಡಿದ ಸೂರ್ಯಕುಮಾರ್ ಯಾದವ್

ಸುಮಾರು ಒಂದೂವರೆ ವರ್ಷದ ಹಿಂದೆ ಸೂರ್ಯಕುಮಾರ್ ಯಾದವ್ ಭಾರತದ T20I ನಾಯಕನಾಗಿ ಜವಾಬ್ದಾರಿ ವಹಿಸಿಕೊಂಡರು. 2024ರ ವಿಶ್ವಕಪ್ ನಂತರ ಭಾರತದ T20I ನಾಯಕತ್ವವನ್ನು ತಮಗೆ ವಹಿಸುವಂತೆ ಗೌತಮ್ ಗಂಭೀರ್ ನಿರ್ಧಾರ ತೆಗೆದುಕೊಳ್ಳಲಿಲ್ಲ. ಬದಲಾಗಿ, ಆಗಿನ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ, ಮುಖ್ಯ ಆಯ್ಕೆದಾರ ಅಜಿತ್ ಅಗರ್ಕರ್, ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಮತ್ತು ನಿರ್ಗಮಿತ ನಾಯಕ ರೋಹಿತ್ ಶರ್ಮಾ ಅವರು ಸಾಮೂಹಿಕವಾಗಿ ಈ ನಿರ್ಧಾರ ತೆಗೆದುಕೊಂಡಿದ್ದರು ಎಂದು ಸೂರ್ಯಕುಮಾರ್ ಬಹಿರಂಗಪಡಿಸಿದ್ದಾರೆ.

ಬಾರ್ಬಡೋಸ್‌ನಲ್ಲಿ ನಡೆದ ಟಿ20 ವಿಶ್ವಕಪ್ 2024ರ ಗೆಲುವಿನೊಂದಿಗೆ ಭಾರತ ತನ್ನ ಐಸಿಸಿ ಟ್ರೋಫಿ ಬರವನ್ನು ಕೊನೆಗೊಳಿಸಿದ ತಕ್ಷಣ, ರೋಹಿತ್ ಟಿ20ಐ ಸ್ವರೂಪದಿಂದ ನಿವೃತ್ತಿ ಘೋಷಿಸಿದರು. ಬಳಿಕ, ವಿರಾಟ್ ಕೊಹ್ಲಿ ಮತ್ತು ರವೀಂದ್ರ ಜಡೇಜಾ ಅವರಂತಹ ದಿಗ್ಗಟ ಆಟಗಾರರು ಆ ಸ್ವರೂಪಕ್ಕೆ ವಿದಾಯ ಹೇಳಿದರು. ಆಗ ಭಾರತದ ನಾಯಕನಾಗಿ ಹಾರ್ದಿಕ್ ಪಾಂಡ್ಯ ನೇರ ಆಯ್ಕೆಯಾಗುತ್ತಾರೆ ಎಂಬ ಊಹೆಗಳಿದ್ದವು. ಆದಾಗ್ಯೂ, ಅದು ಆಗಲಿಲ್ಲ.

'ಅದು ದೀರ್ಘ ಪ್ರಕ್ರಿಯೆಯಾಗಿರಲಿಲ್ಲ. ಆ ಸಮಯದಲ್ಲಿ ಬಿಸಿಸಿಐ ಕಾರ್ಯದರ್ಶಿಯಾಗಿದ್ದ ಜಯ್ ಭಾಯ್ ಶ್ರೀಲಂಕಾ ಸರಣಿಗೆ ಮೂರು ಅಥವಾ ನಾಲ್ಕು ದಿನಗಳ ಮೊದಲು ನನಗೆ ಕರೆ ಮಾಡಿದರು. ಅವರು ನನಗೆ ಕರೆ ಮಾಡಿ ಮುಂದೆ ನನ್ನನ್ನು ಟಿ20 ತಂಡದ ನಾಯಕನನ್ನಾಗಿ ಮಾಡಲಾಗುತ್ತಿದೆ ಎಂದು ಹೇಳಿದರು' ಎಂದು ಸುದ್ದಿಸಂಸ್ಥೆ ಪಿಟಿಐ ಜೊತೆ ಮಾತನಾಡುತ್ತಾ ಹೇಳಿದರು.

'ಆದರೆ, ಆ ಸಮಯದಲ್ಲಿ ಇದೆಲ್ಲವನ್ನೂ ರೋಹಿತ್ ಭಾಯ್ ಮತ್ತು ಅಜಿತ್ ಭಾಯ್ ಯೋಜಿಸುತ್ತಿದ್ದರು ಎಂಬುದು ನನಗೆ ಖಚಿತವಾಗಿತ್ತು. ಗೌತಮ್ ಭಾಯ್ ನಂತರ ಬಂದರು. ಅವರು ರಾಹುಲ್ ಸರ್ ಮತ್ತು ಜಯ್ ಭಾಯ್ ಅವರೊಂದಿಗೆ ಚರ್ಚಿಸಿದ್ದರು. ನಂತರ ಅವರು ನಾನು ಭಾರತವನ್ನು ಮುಂದೆ ಮುನ್ನಡೆಸಬೇಕೆಂದು ನಿರ್ಧರಿಸಿದರು' ಎಂದರು.

ಆ ಸಮಯದಲ್ಲಿ, ಹಾರ್ದಿಕ್ ಪಾಂಡ್ಯ ಭಾರತವನ್ನು ನಿಯಮಿತವಾಗಿ T20I ಗಳಲ್ಲಿ ಮುನ್ನಡೆಸುತ್ತಿದ್ದರು ಮತ್ತು ವಿಶ್ವಕಪ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಆಗ ಸೂರ್ಯಕುಮಾರ್ ಯಾದವ್ ಉಪನಾಯಕನೂ ಆಗಿರಲಿಲ್ಲ ಮತ್ತು ಆದರೂ, ಅವರಿಗೆ ಭಾರತದ T20I ನಾಯಕತ್ವಕ್ಕೆ ಬಡ್ತಿ ನೀಡಲಾಯಿತು.

ಈ ತಂಡಕ್ಕೆ ಈಗ ಸಾಕಷ್ಟು ಮಹತ್ವ ಬಂದಿದೆ. ಸೂರ್ಯಕುಮಾರ್ ನಾಯಕತ್ವದಲ್ಲಿ ಭಾರತ ಅಜೇಯ ತಂಡವಾಗಿದೆ. ಬಹುಶಃ ಇದುವರೆಗೆ ಕಂಡ ಶ್ರೇಷ್ಠ ಟಿ20 ತಂಡ ಇದಾಗಿರಬಹುದು. ಅವರು ತಮ್ಮ ನಾಯಕತ್ವದ ಮೊದಲ 52 ಪಂದ್ಯಗಳಲ್ಲಿ 42 ಪಂದ್ಯಗಳನ್ನು ಗೆದ್ದಿದ್ದಾರೆ. 80ಕ್ಕಿಂತ ಹೆಚ್ಚಿನ ಗೆಲುವಿನ ಶೇಕಡಾವಾರು ಹೊಂದಿದ್ದಾರೆ ಮತ್ತು ದ್ವಿಪಕ್ಷೀಯ ಸರಣಿಗಳಲ್ಲಿ ಅಜೇಯರಾಗಿ ಉಳಿದಿದ್ದಾರೆ. 2026ರಲ್ಲಿ ಭಾರತವು ತಮ್ಮ ತವರಿನಲ್ಲಿ ಟಿ20 ವಿಶ್ವಕಪ್ ಪ್ರಶಸ್ತಿಯನ್ನು ಡಿಫೆಂಡ್ ಮಾಡಿಕೊಂಡಾಗ, ಹಾಗೆ ಮಾಡಿದ ಮೊದಲ ತಂಡ ಭಾರತವಾಯಿತು. ಸೂರ್ಯಕುಮಾರ್ ಅಡಿಯಲ್ಲಿ ಶ್ರೀಲಂಕಾ, ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ ಮತ್ತು ಏಷ್ಯಾಕಪ್‌ನಲ್ಲಿ ಸರಣಿ ಗೆಲುವುಗಳು ಸೇರಿವೆ.