Tri Nation A Series: ಶ್ರೀಲಂಕಾ ಎ ವಿರುದ್ಧ ಮತ್ತೊಮ್ಮೆ ಎಡವಿದ ವೈಭವ್ ಸೂರ್ಯವಂಶಿ; 14 ಎಸೆತಗಳಲ್ಲಿ 21 ರನ್ ಗಳಿಸಿ ಔಟ್!

ಭಾರತದ ಹಿರಿಯರ T20 ಅಂತರರಾಷ್ಟ್ರೀಯ ತಂಡಕ್ಕೆ ವೈಭವ್ ಸೂರ್ಯವಂಶಿ ಆಯ್ಕೆಯಾದಾಗಿನಿಂದ, ಈ ಯುವ ಆಟಗಾರ ದೊಡ್ಡ ಸ್ಕೋರ್‌ ಗಳಿಸಲು ಕಷ್ಟಪಡುತ್ತಿದ್ದಾರೆ. 2026ರ ಐಪಿಎಲ್‌ನ ಭರ್ಜರಿ ಪ್ರದರ್ಶನದ ನಂತರ ಭಾರತ 'ಎ' ತಂಡವನ್ನು ಪ್ರತಿನಿಧಿಸುತ್ತಿರುವ ಅವರು ಆಕ್ರಮಣಕಾರಿ ಆಟವಾಡುತ್ತಿದ್ದಾರೆ. ಆದರೆ, ದೊಡ್ಡ ಸ್ಕೋರ್ ಆಗಿ ಪರಿವರ್ತಿಸುವಲ್ಲಿ ವಿಫಲರಾಗಿದ್ದಾರೆ.

ಭಾರತ 'ಎ' ತಂಡವು ಇಂದು ನಡೆಯುತ್ತಿರುವ 50 ಓವರ್‌ಗಳ ತ್ರಿಕೋನ ಸರಣಿಯ ಎರಡನೇ ಪಂದ್ಯದಲ್ಲಿ ಶ್ರೀಲಂಕಾ 'ಎ' ತಂಡದ ವಿರುದ್ಧ ವೈಭವ್ ಸೂರ್ಯವಂಶಿ ದೊಡ್ಡ ಪ್ರದರ್ಶನ ನೀಡಲು ವೇದಿಕೆ ಸಿದ್ಧವಾಗಿತ್ತು. ಅವರು ಉತ್ತಮವಾಗಿ ಪ್ರಾರಂಭಿಸಿದರು. ಆದರೆ, ಮತ್ತೊಮ್ಮೆ ದೊಡ್ಡ ಸ್ಕೋರ್ ಕಲೆಹಾಕುವಲ್ಲಿ ಎಡವಿದರು ಮತ್ತು ತಮ್ಮ ವಿಕೆಟ್ ಒಪ್ಪಿಸಿದರು. ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಭಾರತ 'ಎ' ತಂಡವನ್ನು ಶ್ರೀಲಂಕಾದ ಬೌಲರ್‌ಗಳು ಕಾಡುತ್ತಿದ್ದಾರೆ.

ಭಾರತ ಎ ತಂಡ ಮೊದಲ ಮೂರು ಓವರ್‌ಗಳಲ್ಲಿ 23 ರನ್ ಗಳಿಸಿದ ನಂತರ ಆಫ್ ಸ್ಪಿನ್ನರ್ ಸಹನ್ ಅರಾಚಿ ಅವರನ್ನು ಸೂರ್ಯವಂಶಿ ಬೌಂಡರಿ ಮೂಲಕ ಸ್ವಾಗತಿಸಿದರು. ಆದಾಗ್ಯೂ, ನಾಲ್ಕನೇ ಎಸೆತದಲ್ಲಿ ಸೂರ್ಯವಂಶಿ ವಿಕೆಟ್ ಒಪ್ಪಿಸಿದರು. ವನುಜಾ ಸಹನ್ ಪಾಯಿಂಟ್‌ನಲ್ಲಿ ಸುರಕ್ಷಿತ ಕ್ಯಾಚ್ ಪಡೆದರು ಮತ್ತು ಸೂರ್ಯವಂಶಿ 14 ಎಸೆತಗಳಲ್ಲಿ 21 ರನ್ ಗಳಿಸಿ ಹೊರನಡೆದರು.

ತ್ರಿಕೋನ ಸರಣಿಯ ಮೂರು ಪಂದ್ಯಗಳಲ್ಲಿ, 15 ವರ್ಷದ ಆಟಗಾರ 14, 44 ಮತ್ತು 21 ರನ್ ಗಳಿಸಿದ್ದಾರೆ. ಒಟ್ಟಾರೆಯಾಗಿ, ಅವರು 26.33 ಸರಾಸರಿಯಲ್ಲಿ 79 ರನ್ ಗಳಿಸಿದ್ದಾರೆ. ಆದಾಗ್ಯೂ, ಅವರ 166ರ ಸ್ಟ್ರೈಕ್ ರೇಟ್ ಮತ್ತೊಮ್ಮೆ ಅದ್ಭುತವಾಗಿದೆ.

ಅದ್ಭುತ ಐಪಿಎಲ್ 2026 ಅಭಿಯಾನದ ನಂತರ, ಭಾರತೀಯ ಆಯ್ಕೆದಾರರು ಅವರಿಗೆ ಭಾರತೀಯ ಟಿ 20 ಐ ತಂಡದಲ್ಲಿ ಸ್ಥಾನ ನೀಡಿದರು. ಇಂಗ್ಲೆಂಡ್ ಮತ್ತು ಐರ್ಲೆಂಡ್ ಪ್ರವಾಸಕ್ಕಾಗಿ T20I ತಂಡಕ್ಕೆ ಅವರು ಆಯ್ಕೆಯಾಗಿದ್ದಾರೆ.

ಸೂರ್ಯವಂಶಿ ಅವರ ಪ್ರದರ್ಶನಗಳಿಂದಾಗಿ ಇದೀಗ ತಂಡದಲ್ಲಿ ಸ್ಥಾನ ಪಡೆದಿದ್ದರೂ, ಭಾರತೀಯ ತಂಡದಲ್ಲಿ ಸ್ಥಾನ ಪಡೆಯಲು ಅವರು ಹೆಚ್ಚು ಸಮಯ ಕಾಯಬೇಕು ಎಂದು ಬಯಸುವ ಕೆಲವು ವಿಮರ್ಶಕರು ಇದ್ದಾರೆ.

ಮಾರ್ಚ್ 27, 2011 ರಂದು ಜನಿಸಿದ ಸೂರ್ಯವಂಶಿ, ಅಕ್ಟೋಬರ್ 18, 2027ರೊಳಗೆ ಭಾರತಕ್ಕೆ ಪದಾರ್ಪಣೆ ಮಾಡಿದರೆ, ಸಚಿನ್ ತೆಂಡೂಲ್ಕರ್ ಅವರ ಭಾರತ ತಂಡ ಸೇರಿದ ಅತ್ಯಂತ ಕಿರಿಯ ಆಟಗಾರ ಎಂಬ ದಾಖಲೆಯನ್ನು ಮುರಿಯುತ್ತಾರೆ.