'RCB ಧ್ವಜವನ್ನು ಎತ್ತರಕ್ಕೆ ಹಾರಿಸುತ್ತಿದ್ದೇವೆ': 2ನೇ WPL ಪ್ರಶಸ್ತಿ ಗೆದ್ದ ಸಹ ಆಟಗಾರ್ತಿಯರಿಗೆ ವಿರಾಟ್, ಡಿವಿಲಿಯರ್ಸ್ ಶ್ಲಾಘನೆ

ವಡೋದರ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ದಂತಕಥೆಗಳಾದ ವಿರಾಟ್ ಕೊಹ್ಲಿ ಮತ್ತು ಎಬಿ ಡಿವಿಲಿಯರ್ಸ್ ತಮ್ಮ ಮಹಿಳಾ ತಂಡದ ಸಹ ಆಟಗಾರ್ತಿಯರಿಗೆ ತಮ್ಮ ಎರಡನೇ ಮಹಿಳಾ ಪ್ರೀಮಿಯರ್ ಲೀಗ್ (WPL) ಟ್ರೋಫಿ ಗೆದ್ದುಕೊಂಡಿದ್ದಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ.

ಕೇವಲ ಮೂರು ವರ್ಷಗಳಲ್ಲಿ, RCB ಶೂನ್ಯದಿಂದ ವರ್ಷಕ್ಕೆ ಕನಿಷ್ಠ ಒಂದು ಪ್ರಶಸ್ತಿಯನ್ನು ಪಡೆದುಕೊಂಡಿದೆ.

2024 ರಲ್ಲಿ ಸ್ಮೃತಿ ಮಂಧಾನ ಅವರ ನಾಯಕತ್ವದಲ್ಲಿ ಮಹಿಳಾ ತಂಡವು ಟ್ರೋಫಿ ಗೆಲ್ಲುವಿಕೆಯ ಬರಗಾಲವನ್ನು ನೀಗಿಸಿತು. ಮುಂದಿನ ವರ್ಷ ರಜತ್ ಪಾಟಿದಾರ್ ಪುರುಷರ ತಂಡವನ್ನು ಮುನ್ನಡೆಸಿದರು. ಇದು 18 ವರ್ಷಗಳ ಐಪಿಎಲ್ ಬರವನ್ನು ಕೊನೆಗೊಳಿಸಿತು. ಫ್ರಾಂಚೈಸಿಯ ಅತ್ಯಂತ ನಿಷ್ಠಾವಂತ ಮತ್ತು ಶ್ರೇಷ್ಠ ತಾರೆಗಳಲ್ಲಿ ಒಬ್ಬರಾದ ವಿರಾಟ್‌ ಕೊಹ್ಲಿ ನೇತೃತ್ವದಲ್ಲಿ ಟ್ರೋಫಿ ಗೆದ್ದುಕೊಂಡಿತು. ಈಗ, ಸ್ಮೃತಿ ಮಂಧಾನ ಎರಡನೇ ಬಾರಿಗೆ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ. ಇದು ಫ್ರಾಂಚೈಸ್‌ಗೆ ವಿಶಿಷ್ಟತೆಯನ್ನು ಕೊಟ್ಟಿದೆ: ಒಂದೇ ಸಮಯದಲ್ಲಿ IPL ಮತ್ತು WPL ಪ್ರಶಸ್ತಿಗಳನ್ನು ಹಿಡಿದಿಟ್ಟುಕೊಳ್ಳುವುದು.

ಆರ್ ಸಿಬಿ ಮಹಿಳಾ ತಂಡದ ಗೆಲುವನ್ನು ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿ ಸಂಭ್ರಮಿಸಿದ್ದಾರೆ. ಮತ್ತೆ ಚಾಂಪಿಯನ್‌ಗಳು. ಆರ್‌ಸಿಬಿ ಧ್ವಜವನ್ನು ಎತ್ತರಕ್ಕೆ ಹಾರಿಸುತ್ತಿರುವುದು ನಿಮ್ಮಲ್ಲಿ ಪ್ರತಿಯೊಬ್ಬರೂ ಹೆಮ್ಮೆಪಡಬಹುದಾದ ವಿಷಯ. ಸ್ಮೃತಿ ಮಂಧಾನಾ ಮತ್ತು ಇಡೀ ತಂಡ ಮತ್ತು ನಿರ್ವಹಣಾ ತಂಡಕ್ಕೆ, ಈ ಅದ್ಭುತ ಗೆಲುವಿಗೆ ದೊಡ್ಡ ಅಭಿನಂದನೆಗಳು. ನೀವು ಇದಕ್ಕೆ ನಿಸ್ಸಂದೇಹವಾಗಿ ಅರ್ಹರು. ಈ ಕ್ಷಣವನ್ನು ಆನಂದಿಸಿ, ನಮ್ಮ ಅದ್ಭುತ ಅಭಿಮಾನಿಗಳ ಪ್ರೀತಿಯನ್ನು ಸ್ವೀಕರಿಸಿ ಎಂದು ಬರೆದುಕೊಂಡಿದ್ದಾರೆ.

2011-2021 ರ ಅವಧಿಯಲ್ಲಿ ಫ್ರಾಂಚೈಸಿಯನ್ನು ಪ್ರತಿನಿಧಿಸಿದ್ದ ಡಿವಿಲಿಯರ್ಸ್ ಸಹ ಗೆಲುವನ್ನು ಆಚರಿಸುವ ಇನ್‌ಸ್ಟಾಗ್ರಾಮ್ ಸ್ಟೋರಿಯನ್ನು ಪೋಸ್ಟ್ ಮಾಡಿದ್ದಾರೆ.