MS Dhoni Bike Collection: ಅತ್ಯಂತ ದುಬಾರಿ ಬೈಕ್ ಯಾವುದು ಗೊತ್ತಾ? ಇದರ ಬೆಲೆ ಕೇಳಿದ್ರೆ ನಿಜಕ್ಕೂ ಶಾಕ್ ಆಗ್ತೀರಾ! Video
ಕ್ಲಾಸಿಕ್ ವಿಂಟೇಜ್ ಬೈಕ್ ಗಳಿಂದ ಹಿಡಿದು ಉನ್ನತ-ಮಟ್ಟದ ಸೂಪರ್‌ಬೈಕ್‌ಗಳವರೆಗೆ ಎಲ್ಲವನ್ನೂ ಒಳಗೊಂಡ ಪ್ರಭಾವಶಾಲಿ ಗ್ಯಾರೇಜ್ ಹೊಂದಿದ್ದಾರೆ.
ಮಹೇಂದ್ರ ಸಿಂಗ್ ಧೋನಿ ಹಲವು ವರ್ಷಗಳ ಹಿಂದೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾಗಿದ್ದರೂ ಅನೇಕ ಕಾರಣಗಳಿಂದ ಇನ್ನೂ ಗಮನ ಸೆಳೆಯುತ್ತಲೇ ಇದ್ದಾರೆ. ಈಗ ಐಪಿಎಲ್‌ನಲ್ಲಿ ಮಾತ್ರ ಆಡುತ್ತಿದ್ದರೂ, ಅವರ ಕ್ರೇಜ್ ಅಭಿಮಾನಿಗಳಲ್ಲಿ ಹಾಗೆಯೇ ಇದೆ. ಸದ್ಯ ಕ್ರಿಕೆಟ್‌ನಿಂದ ದೂರವಿದ್ದು, ಅಪರೂಪದ ಬೈಕ್ ಗಳ ಸಂಗ್ರಹದಿಂದಲೂ ಧೋನಿ ಅಷ್ಟೇ ಪ್ರಸಿದ್ಧರಾಗಿದ್ದಾರೆ.
ಕ್ಲಾಸಿಕ್ ವಿಂಟೇಜ್ ಬೈಕ್ ಗಳಿಂದ ಹಿಡಿದು ಉನ್ನತ-ಮಟ್ಟದ ಸೂಪರ್‌ಬೈಕ್‌ಗಳವರೆಗೆ ಎಲ್ಲವನ್ನೂ ಒಳಗೊಂಡ ಪ್ರಭಾವಶಾಲಿ ಗ್ಯಾರೇಜ್ ಹೊಂದಿದ್ದಾರೆ. ಕವಾಸಕಿ ನಿಂಜಾ, ಹಾರ್ಲೆ-ಡೇವಿಡ್ಸನ್ ಫ್ಯಾಟ್ ಬಾಯ್, ಡುಕಾಟಿ 1098, ಮತ್ತು ಟಿವಿಎಸ್ ಅಪಾಚೆ ಆರ್‌ಆರ್ 310 ನಂತಹ ವಿವಿಧ ಮಾಡೆಲ್ ಬೈಕ್ ಗಳನ್ನು ಸಂಗ್ರಹಿಸಿದ್ದಾರೆ.
ಧೋನಿ ಖರೀದಿಸಿದ ಮೊದಲ ಬೈಕ್! ಯಮಹಾ ಆರ್‌ಡಿ 350 ( Yamaha RD350) ಧೋನಿ ಖರೀದಿಸಿದ ಮೊದಲ ಬೈಕ್. ಇದು ಅವರ ಪ್ರಮುಖ ಆಸ್ತಿಯ ಭಾಗವಾಗಿದೆ. ದೇಶದಲ್ಲಿ ಒಂದು ಕಾಲದಲ್ಲಿ ಹೆಚ್ಚು ಪ್ರಸಿದ್ಧಿಯಾಗಿದ್ದ ರಾಜ್‌ದೂತ್ ಬೈಕ್ ಸಹ ಹೊಂದಿದ್ದಾರೆ. ಇತ್ತೀಚೆಗೆ ರೇಸಿಂಗ್ ಸರ್ಕ್ಯೂಟ್‌ನಲ್ಲಿ ಧೋನಿಯ ಸ್ಪೋರ್ಟ್ಸ್ ಬೈಕ್ ಸವಾರಿ ಅಭಿಮಾನಿಗಳನ್ನು ಸಂತೋಷಪಡಿಸಿತು.
ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಧೋನಿ, ತಮ್ಮ ಗ್ಯಾರೇಜ್‌ನಲ್ಲಿ 100 ಕ್ಕೂ ಹೆಚ್ಚು ಮೋಟಾರ್‌ಸೈಕಲ್‌ಗಳಿವೆ ಎಂದು ಬಹಿರಂಗಪಡಿಸಿದರು. ಆದಾಗ್ಯೂ ಅವುಗಳಲ್ಲಿ 30 ರಿಂದ 35 ಮಾತ್ರ ಪ್ರಸ್ತುತ ಚಾಲನೆಯಲ್ಲಿರುವ ಸ್ಥಿತಿಯಲ್ಲಿವೆ. ಕೋವಿಡ್-19 ಲಾಕ್‌ಡೌನ್ ಸಮಯದಲ್ಲಿ ಹೆಚ್ಚಾಗಿ ಬೈಕ್ ಗಳ ಸವಾರಿಯಲ್ಲಿ ಸಮಯ ಕಳೆದಿದ್ದಾಗಿ ಅವರು ಹೇಳಿಕೊಂಡಿದ್ದರು.
ಎಂಎಸ್ ಧೋನಿ ಆಗಾಗ್ಗೆ ಬೈಕ್ ಸವಾರಿ ಮಾಡುತ್ತಲೇ ಇರುತ್ತಾರೆ. ಅವರ ಪ್ರವಾಸದ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ನಿಯಮಿತವಾಗಿ ವೈರಲ್ ಆಗುತ್ತಿವೆ. ಈ ಹಿಂದೆ ಅವರ ಪತ್ನಿ ಸಾಕ್ಷಿ ಧೋನಿ, ತಮ್ಮ ರಾಂಚಿಯ ಮನೆಯಲ್ಲಿರುವ ಬೈಕ್ ಗಳು ಮತ್ತು ಕಾರುಗಳ ಸಂಗ್ರಹದ ಫೋಟೋವೊಂದನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು.
ಧೋನಿಯ ಸಂಗ್ರಹದಲ್ಲಿರುವ ಎಲ್ಲಾ ಬೈಕ್ ಗಳಲ್ಲಿ ಕಾನ್ಫೆಡರೇಟ್ X132 ಹೆಲ್‌ಕ್ಯಾಟ್ ಅತ್ಯಂತ ದುಬಾರಿಯಾಗಿದೆ ಎಂದು ನಂಬಲಾಗಿದೆ. ಈ ಪ್ರೀಮಿಯಂ ಸೂಪರ್‌ಬೈಕ್ ನ ಬೆಲೆ ಭಾರತದಲ್ಲಿ ₹47 ಲಕ್ಷದಿಂದ ₹52 ಲಕ್ಷ ರೂ. ಎನ್ನಲಾಗಿದೆ.
ಮಹೇಂದ್ರ ಸಿಂಗ್ ಧೋನಿ ಅವರ ಗ್ಯಾರೇಜ್‌ನಲ್ಲಿರುವ ಇತರ ದುಬಾರಿ ಬೈಕ್ ಗಳಲ್ಲಿ ಕವಾಸಕಿ ನಿಂಜಾ ZX-14R ಸೇರಿದೆ. ಇದು ಭಾರತದಲ್ಲಿ ಸ್ಥಗಿತಗೊಳ್ಳುವ ಮೊದಲು ಸುಮಾರು ₹22 ಲಕ್ಷ ಬೆಲೆಯನ್ನು ಹೊಂದಿತ್ತು. ಅಲ್ಲದೇ ₹12 ಲಕ್ಷಕ್ಕೂ ಹೆಚ್ಚು ಮೌಲ್ಯದ ಡುಕಾಟಿ 1098 ಬೈಕ್ ಕೂಡಾ ಧೋನಿ ಬಳಿಯಿದೆ.
ಇವುಗಳಲ್ಲದೇ, ಹಾರ್ಲೆ-ಡೇವಿಡ್ಸನ್ ಫ್ಯಾಟ್ ಬಾಯ್, ಟಿವಿಎಸ್ ಅಪಾಚೆ ಆರ್‌ಆರ್ 310, ಯಮಹಾ ಆರ್‌ಡಿ 350 ಮತ್ತು ಕ್ಲಾಸಿಕ್ ರಾಜ್‌ಡೂತ್ ಸೇರಿದ್ದು, ಇದು ಆಧುನಿಕ ಕಾರ್ಯಕ್ಷಮತೆಯ ಬೈಕ್‌ಗಳು ಮತ್ತು ವಿಂಟೇಜ್ ಮೋಟಾರ್‌ಸೈಕಲ್‌ಗಳ ಮೇಲಿನ ಅವರ ಪ್ರೀತಿಯನ್ನು ಪ್ರತಿಬಿಂಬಿಸುತ್ತದೆ.
ಈ ಹಿಂದೆ ವೆಂಕಟೇಶ್ ಪ್ರಸಾದ್ ಕೂಡಾ ಧೋನಿ ಅವರ ಬೈಕ್ ಕಲೆಕ್ಷನ್ ವಿಡಿಯೋವೊಂದನ್ನು ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.