India-Pakistan ಪಂದ್ಯದ ವೇಳೆ ಹೈಡ್ರಾಮಾ: ಮೊದಲು ನಾಟೌಟ್ ನಂತರ Out ಘೋಷಣೆ; 4ನೇ ಅಂಪೈರ್ ಜೊತೆ Pak ನಾಯಕಿ ವಾಗ್ವಾದ, Video

2025ರ ಮಹಿಳಾ ವಿಶ್ವಕಪ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ಇಂದು ನಿರ್ಣಾಯಕ ಪಂದ್ಯವನ್ನು ಆಡುತ್ತಿವೆ. ಟಾಸ್ ಮಾಡುವ ಸಮಯದಲ್ಲಿಯೇ ವಿವಾದ ಭುಗಿಲೆದ್ದಿತು. ಮ್ಯಾಚ್ ರೆಫರಿಯ ತಪ್ಪಿನಿಂದಾಗಿ ಭಾರತ ತಂಡ ಟಾಸ್ ಸೋತಿತು. ಭಾರತ ಮತ್ತು ಪಾಕಿಸ್ತಾನ ನಡುವಿನ ಈ ಪಂದ್ಯದಲ್ಲಿ, ಭಾರತ ತಂಡ ಮೊದಲು ಬ್ಯಾಟಿಂಗ್ ಮಾಡಿ 247 ರನ್ ಗಳಿಸಿತು. ಭಾರತ ಪರ ಹರ್ಲೀನ್ ಡಿಯೋಲ್ ಗರಿಷ್ಠ ಸ್ಕೋರರ್ ಗಳಿಸಿದರು.

ಹರ್ಲೀನ್ 46 ರನ್ ಗಳಿಸಿ ನಿರ್ಣಾಯಕ ಇನ್ನಿಂಗ್ಸ್ ಆಡಿದರು, ಜೆಮಿಮಾ ರೋಡ್ರಿಗಸ್ 32 ಮತ್ತು ದೀಪ್ತಿ ಶರ್ಮಾ 25 ರನ್ ಗಳಿಸಿದರು. ರಿಚಾ ಘೋಷ್ ಅಜೇಯ 35 ರನ್ ಗಳಿಸಿ ಭಾರತ 247 ರನ್ ಗಳಿಸಲು ಸಹಾಯ ಮಾಡಿದರು. ಪಾಕಿಸ್ತಾನಕ್ಕೆ 248 ರನ್ ಗುರಿ ನೀಡಲಾಗಿದೆ. ಡಯಾನಾ ಬೇಗ್ ಪಾಕಿಸ್ತಾನ ಪರ ಅತಿ ಹೆಚ್ಚು ವಿಕೆಟ್ ಪಡೆದರು. ಡಯಾನಾ ಬೇಗ್ ನಾಲ್ಕು ವಿಕೆಟ್ ಪಡೆದರು. ಸಾದಿಯಾ ಇಕ್ಬಾಲ್ ಎರಡು ಮತ್ತು ಫಾತಿಮಾ ಸನಾ ಎರಡು ವಿಕೆಟ್ ಪಡೆದರು. ರಮೀನ್ ಶಮಿಮ್ ಮತ್ತು ನಶ್ರಾ ಸಂಧು ತಲಾ ಒಂದು ವಿಕೆಟ್ ಪಡೆದರು.

ಪಾಕಿಸ್ತಾನ ಬ್ಯಾಟಿಂಗ್ ಮಾಡಲು ಬಂದ ತಕ್ಷಣ, ಪಂದ್ಯದ ಸಮಯದಲ್ಲಿ ಮತ್ತೊಂದು ವಿವಾದ ಭುಗಿಲೆದ್ದಿತು. ಪಾಕಿಸ್ತಾನಿ ಬ್ಯಾಟ್ಸ್‌ಮನ್ ಮುನೀಬಾ ಅಲಿ ಅವರ ರನೌಟ್ ಹೆಚ್ಚು ವಿವಾದಾತ್ಮಕವಾಗಿತ್ತು. ಮುನೀಬಾ ಅಲಿ ಬ್ಯಾಟಿಂಗ್ ಮಾಡುತ್ತಿದ್ದಾಗ, ಭಾರತೀಯ ಬೌಲರ್ ಕ್ರಾಂತಿ ಗೌಡ್ ಬೌಲಿಂಗ್ ಮಾಡುತ್ತಿದ್ದರು. ಕ್ರಾಂತಿ ಅದ್ಭುತವಾಗಿ ಬೌಲಿಂಗ್ ಮಾಡಿ ಮುನೀಬಾ ಅಲಿಯನ್ನು ಸಂಕಷ್ಟಕೀಡು ಮಾಡಿದರು. ಅವರ ಓವರ್‌ನ ಕೊನೆಯ ಚೆಂಡು ಮುನೀಬಾ ಅಲಿ ಅವರ ಪ್ಯಾಡ್‌ಗೆ ಬಡಿಯಿತು. ಭಾರತ ಎಲ್‌ಬಿಡಬ್ಲ್ಯೂಗೆ ಮನವಿ ಮಾಡಿತು. ಆದರೆ ರಿಚಾ ಘೋಷ್ ಡಿಆರ್ಎಸ್ ತೆಗೆದುಕೊಳ್ಳಲಿಲ್ಲ.

ಭಾರತ ತಂಡವು ರಿವ್ಯೂ ಸ್ವೀಕರಿಸಲಿಲ್ಲ. ಆದರೆ ದೀಪ್ತಿ ಶರ್ಮಾ ಯಾವುದೇ ತಪ್ಪು ಮಾಡದೆ ನೇರವಾಗಿ ಸ್ಟಂಪ್‌ಗೆ ಚೆಂಡನ್ನು ಎಸೆದರು. ಮುನೀಬಾ ಕ್ರೀಸ್‌ನಿಂದ ಹೊರಗಿರುವುದು ಅವರಿಗೆ ತಿಳಿದಿರಲಿಲ್ಲ ಮತ್ತು ಭಾರತವು ರನ್ ಔಟ್‌ಗೆ ಮನವಿ ಮಾಡಿತು. ಮುನೀಬಾ ಒಮ್ಮೆ ರನ್ ಔಟ್ ಆಗುವ ಮೊದಲು ಕ್ರೀಸ್‌ನೊಳಗೆ ತನ್ನ ಬ್ಯಾಟ್ ಅನ್ನು ಇಟ್ಟಿದ್ದರು. ಆದರೆ ನಂತರ ಕ್ರೀಸ್‌ನಿಂದ ಹೊರ ಬಂದ ನಂತರ ಚೆಂಡು ಸ್ಟಂಪ್ ಗೆ ಬಡಿಯಿತು. ಅವರ ಬ್ಯಾಟ್ ಗಾಳಿಯಲ್ಲಿತ್ತು. ಮೂರನೇ ಅಂಪೈರ್ ಮೊದಲಿಗೆ ಮುನೀಬಾ ನಾಟೌಟ್ ಎಂದು ಘೋಷಿಸಿದರು. ಬಳಿಕ ಮತ್ತೊಮ್ಮೆ ಪರಿಶೀಲನೆ ನಡೆಸಿದಾಗ ಬ್ಯಾಟ್ ಗಾಳಿಯಲ್ಲಿ ಇರುವುದು ಪತ್ತೆಯಾಗಿದ್ದರಿಂದ ಮೂರನೇ ಅಂಪೈರ್ ಔಟ್ ಎಂದು ಘೋಷಿಸಿದರು.

ಹೀಗಾಗಿ ಪಾಕಿಸ್ತಾನದ ರೂಂನಲ್ಲಿ ಆತಂಕ ಶುರುವಾಯಿತು. ಕೂಡಲೇ ಪಾಕಿಸ್ತಾನ ನಾಯಕಿ ಫಾತಿಮಾ ಮೈದಾನಕ್ಕೆ ಬಂದು ನಾಲ್ಕನೇ ಅಂಪೈರ್ ಜೊತೆ ಚರ್ಚಿಸಿದರು. ಆದರೆ ಮುನೀಬಾ ಬೌಂಡರಿ ಲೈನ್ ಬಳಿ ನಿಂತಿದ್ದರು. ಈ ನಾಟಕವು ಮೈದಾನದಲ್ಲಿ ಬಹಳ ಹೊತ್ತು ಮುಂದುವರೆಯಿತು. ಕೊನೆಗೆ, ಮುನೀಬಾ ಅವರನ್ನು ಔಟ್ ಎಂದು ಘೋಷಿಸಲಾಯಿತು.