1st test, Day 3: Virat Kolhi 9 ಸಾವಿರ ರನ್, ಐತಿಹಾಸಿಕ ದಾಖಲೆ ಬರೆದ 4ನೇ ಭಾರತೀಯ!

ಬೆಂಗಳೂರು: ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ 2ನೇ ಇನ್ನಿಂಗ್ಸ್ ನಲ್ಲಿ ಭಾರತದ ಭರ್ಜರಿ ಬ್ಯಾಟಿಂಗ್ ನಡೆಸಿದ ರನ್ ಮೆಷಿನ್ ವಿರಾಟ್ ಕೊಹ್ಲಿ ಮತ್ತೊಂದು ದಾಖಲೆ ನಿರ್ಮಿಸಿದ್ದು, ಸವ್ಯಸಾಚಿ ಸಚಿನ್ ತೆಂಡೂಲ್ಕರ್ ಅವರ ಮತ್ತೊಂದು ದಾಖಲೆಯತ್ತ ದಾಪುಗಾಲಿರಿಸಿದ್ದಾರೆ.

ಹೌದು.. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ 2ನೇ ಇನ್ನಿಂಗ್ಸ್ ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ವಿರಾಟ್ ಕೊಹ್ಲಿ ಅರ್ಧಶತಕ ಸಿಡಿಸಿದರು.

ಕೊಹ್ಲಿ 102 ಎಸೆತಗಳಲ್ಲಿ 1 ಸಿಕ್ಸರ್ ಮತ್ತು 8 ಬೌಂಡರಿಗಳ ನೆರವಿನಿಂದ 70 ರನ್ ಕಲೆಹಾಕಿ ದಿನದಾಟದ ಅಂತಿಮ ಎಸೆತದಲ್ಲಿ ವಿಕೆಟ್ ಒಪ್ಪಿಸಿ ಅಭಿಮಾನಿಗಳಿಗೆ ನಿರಾಶೆ ಮೂಡಿಸಿದರು.

9000 ರನ್ ಗಳಿಕೆ

ಆದರೂ ತಮ್ಮ ಈ ಅದ್ಭುತ ಬ್ಯಾಟಿಂಗ್ ಪ್ರದರ್ಶನದ ಮೂಲಕ ಕೊಹ್ಲಿ ಮತ್ತೊಂದು ದಾಖಲೆ ನಿರ್ಮಿಸಿದ್ದು, ಇಂದು ಕೊಹ್ಲಿ ಟೆಸ್ಟ್ ಕ್ರಿಕೆಟ್ ನಲ್ಲಿ ತಮ್ಮ ರನ್ ಗಳಿಕೆಯನ್ನು 9 ಸಾವಿರಕ್ಕೆ ಏರಿಕೆ ಮಾಡಿಕೊಂಡರು. ಅಂತೆಯೇ ಈ ಸಾಧನೆ ಮಾಡಿದ ಭಾರತದ ನಾಲ್ಕನೇ ಆಟಗಾರ ಎಂಬ ಕೀರ್ತಿಗೂ ಕೊಹ್ಲಿ ಭಾಜನರಾದರು. ಇದಕ್ಕೂ ಮೊದಲು ಭಾರತದ ಪರ ಸಚಿನ್ ತೆಂಡೂಲ್ಕರ್ (15921 ರನ್), ರಾಹುಲ್ ದ್ರಾವಿಡ್ (13265 ರನ್) ಮತ್ತು ಸುನಿಲ್ ಗವಾಸ್ಕರ್ (10122 ರನ್) ಈ ಸಾಧನೆ ಮಾಡಿದ್ದು, ಇದೀಗ ಕೊಹ್ಲಿ 4ನೇ ಆಟಗಾರರಾಗಿದ್ದಾರೆ.

ಅಂತೆಯೇ ಭಾರತದ ಪರ ಗರಿಷ್ಟ ರನ್ ಕಲೆ ಹಾಕಿರುವ ಸಚಿನ್ ದಾಖಲೆಯತ್ತ ಕೊಹ್ಲಿ ದಾಪುಗಾಲಿರಿಸಿದ್ದಾರೆ. ಆದರೆ ಕೊಹ್ಲಿ 9000 ರನ್ ಗಳಿಕೆಗೆ ಅತೀ ಹೆಚ್ಚು ಇನ್ನಿಂಗ್ಸ್ ತೆಗೆದುಕೊಂಡ ಭಾರತದ ಆಟಗಾರ ಎಂಬ ಕುಖ್ಯಾತಿಗೂ ಒಳಗಾಗಿದ್ದಾರೆ. ಕೊಹ್ಲಿ 197 ಇನ್ನಿಂಗ್ಸ್ ಗಳಲ್ಲಿ 9 ಸಾವಿರ ರನ್ ಮಾಡಿದ್ದು, ಸಚಿನ್, ದ್ರಾವಿಡ್, ಗವಾಸ್ಕರ್ ಕಡಿಮೆ ಇನ್ನಿಂಗ್ಸ್ ಗಳಲ್ಲಿ ಈ ಸಾಧನೆ ಮಾಡಿದ್ದರು.

Stat: 9000 Test runs for Virat Kohli - fourth Indian to reach the landmark after Sachin Tendulkar (15921), Rahul Dravid (13265) and Sunil Gavaskar (10122). Of the four, he is the slowest to reach the milestone in terms of innings taken (197).