ಐಸಿಸಿಯ ವರ್ಷದ ತಂಡ-2022 ರಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯ ಪಂತ್

ನವದೆಹಲಿ: ಐಸಿಸಿ ಟೆಸ್ಟ್ ವಿಭಾಗದ ವರ್ಷದ ತಂಡ-2022 ನ್ನು ಘೋಷಿಸಿದ್ದು, ಡಿಸೆಂಬರ್ ನಲ್ಲಿ ಕಾರು ಅಪಘಾತದಲ್ಲಿ ಗಾಯಗೊಂಡ ವಿಕೆಟ್ ಕೀಪರ್- ರಿಷಭ್ ಪಂತ್ ಐಸಿಸಿ ಪುರುಷರ ಟೆಸ್ಟ್-2022 ರ ತಂಡದಲ್ಲಿ ಹೆಸರು ಹೊಂದಿರುವ ಏಕೈಕ ಭಾರತೀಯರಾಗಿದ್ದಾರೆ.

ಕಳೆದ ವರ್ಷ ರಿಷಭ್ ಪಂತ್ ಅತ್ಯುತ್ತಮವಾದ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದರು 12 ಇನ್ನಿಂಗ್ಸ್ ನಲ್ಲಿ 680 ರನ್ ಗಳಿಸಿದ್ದ ಪಂತ್, ಶೇ.61.81 ರಷ್ಟು ಸರಾಸರಿ ಹೊಂದಿದ್ದು, 90.90 ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. 2 ಶತಕ ದಾಖಲಿಸಿದ್ದರು. 2022 ರಲ್ಲಿ ಟೆಸ್ಟ್ ಪಂದ್ಯಗಳಲ್ಲಿ ರಿಷಭ್ ಪಂತ್ 21 ಸಿಕ್ಸ್ ಗಳಿಸಿದ್ದರು. 23 ಕ್ಯಾಚ್ ಗಳನ್ನು ಹೊಂದಿದ್ದರು.

ಇದನ್ನೂ ಓದಿ: ಐಸಿಸಿ ವರ್ಷದ ಅತ್ಯುತ್ತಮ ಟಿ20 ತಂಡದಲ್ಲಿ ಭಾರತದ ಮೂವರು ಕ್ರಿಕೆಟಿಗರಿಗೆ ಸ್ಥಾನ!
 
ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಅವರನ್ನು ಈ ತಂಡಕ್ಕೆ ನಾಯಕರನ್ನಾಗಿ ಐಸಿಸಿ ಹೆಸರಿಸಿದೆ. ಐಸಿಸಿ ಟೆಸ್ಟ್ XI ನಲ್ಲಿ ನಾಲ್ವರು ಆಸ್ಟ್ರೇಲಿಯಾ ತಂಡದ ಕ್ರೀಡಾಪಟುಗಳಿದ್ದರೆ, ದಕ್ಷಿಣ ಆಫ್ರಿಕಾದ ದೈತ್ಯ ಕಾಗಿಸೋ ರಬಡ ಆಂಡ್ರ್ಯುಸನ್ ಸಹ ಇದ್ದಾರೆ.