ಐಪಿಎಲ್-2021: ಪಂಜಾಬ್ ಗೆ ಬೃಹತ್ ಗುರಿ ನೀಡಿದ ರಾಜಸ್ಥಾನ ರಾಯಲ್ಸ್

ದುಬೈ: ಹಾಲಿ ಐಪಿಎಲ್ ಟೂರ್ನಿಯ ಇಂದಿನ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ರಾಜಸ್ಥಾನ ರಾಯಲ್ಸ್ ತಂಡ ಬೃಹತ್ ಮೊತ್ತ ಪೇರಿಸಿದೆ.

ಮಹಿಪಾಲ್​ ಲೋಮ್ರೋರ್​ ಮತ್ತು ಯಶಸ್ವಿ ಜೈಸ್ವಾಲ್​ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ರಾಜಸ್ತಾನ್​ ರಾಯಲ್ಸ್​ ತಂಡ ಪಂಜಾಬ್​ ಕಿಂಗ್ಸ್​ಗೆ 186 ರನ್​ಗಳ ಕಠಿಣ ಗುರಿ ನೀಡಿದೆ. ಟಾಸ್​ ಸೋತು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್​ ರಾಯಲ್ಸ್ ​​20 ಓವರ್​ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡ 185 ರನ್​ಗಳಿಗೆ ಆಲೌಟ್ ಆಯಿತು.

ಇಂದೇ ರಾಯಲ್ಸ್​ ಪರ ಪದಾರ್ಪಣೆ ಮಾಡಿದ ಎವಿನ್ ಲೂಯಿಸ್​ ಯುವ ಆಟಗಾರ ಜೈಸ್ವಾಲ್​ ಜೊತೆಗೂಡಿ ಮೊದಲ ವಿಕೆಟ್​ಗೆ 54 ರನ್​ ಸೇರಿಸಿ ಭರ್ಜರಿ ಆರಂಭ ಕೊಟ್ಟರು. ಕೇವಲ 21 ಎಸೆತಗಳಲ್ಲಿ 7 ಬೌಂಡರಿ ಮತ್ತು ಒಂದು ಸಿಕ್ಸರ್​ ಸಹಿತ 36 ರನ್​ಗಳಿಸಿ ಅರ್ಶದೀಪ್ ಸಿಂಗ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ನಾಯಕ ಸ್ಯಾಮ್ಸನ್​ ಕೇವಲ 4 ರನ್​ಗಳಿಸಿ ಪದಾರ್ಪಣೆ ಬೌಲರ್​ ಇಶಾನ್ ಪೊರೆಲ್​ಗೆ ವಿಕೆಟ್ ಒಪ್ಪಿಸಿ ನಿರಾಶೆ ಮೂಡಿಸಿದರು.

3ನೇ ವಿಕೆಟ್​ಗೆ ಜೈಸ್ವಾಲ್ ಜೊತೆಗೂಡಿದ ಲಿವಿಂಗ್​ಸ್ಟೋನ್​(25)48 ರನ್​ ಸೇರಿಸಿ ಅರ್ಶದೀಪ್​ಗೆ 2ನೇ ಬಲಿಯಾದರು. ಇವರ ಬೆನ್ನಲ್ಲೇ 36 ಎಸೆತಗಳಲ್ಲಿ 2 ಸಿಕ್ಸರ್​ ಹಾಗೂ 6 ಬೌಂಡರಿ ಸಹಿತ 49 ರನ್​ಗಳಿಸಿದ್ದ ಜೈಸ್ವಾಲ್ ಹರ್ಪ್ರೀತ್​ ಬ್ರಾರ್​ಗೆ ವಿಕೆಟ್​ ಒಪ್ಪಿಸುವ ಮೂಲಕ ನಿರಾಶೆಯನುಭವಿಸಿದರು.

ಪಂಜಾಬ್ ಕಿಂಗ್ಸ್ ಪರ ಯುವ ಬೌಲರ್ ಅರ್ಶ್​ದೀಪ್​ ಸಿಂಗ್ 32 ರನ್​ ನೀಡಿ 5 ವಿಕೆಟ್ ಪಡೆದರೆ, ಅನುಭವಿ ಶಮಿ 21 ರನ್​ ನೀಡಿ 3 ವಿಕೆಟ್​ ಪಡೆದರು. ಬ್ರಾರ್​ ಮತ್ತು ಪೊರೆಲ್ ತಲಾ ಒಂದು ವಿಕೆಟ್ ಪಡೆದರು. 

ಸಂಕ್ಷಿಪ್ತ ಸ್ಕೋರ್ ವಿವರ