ಹೊಸ ಐಪಿಎಲ್ ತಂಡಕ್ಕೆ ರಣವೀರ್, ದೀಪಿಕಾ ಜೋಡಿ ಬಿಡ್!

ಮುಂಬೈ: 2022ರ ಐಪಿಎಲ್ ತಂಡ ಖರೀದಿ ಮಾಡಲು ಮತ್ತೊಂದು ಬಾಲಿವುಡ್ ಜೋಡಿ ತುದಿಗಾಲಲ್ಲಿ ನಿಂತಿದ್ದು, ಬಿಟೌನ್ ನ ರಣವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೋಣೆ ಜೋಡಿ ಮುಂಬರುವ 2022ರ ಐಪಿಎಲ್ ಗ್ರೌಂಡ್ ನಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಐಪಿಎಲ್ 2022: ಅಹಮದಾಬಾದ್, ಲಖನೌ ತಂಡಗಳು ಸೇರ್ಪಡೆ ಸಾಧ್ಯತೆ, ಫ್ರಾಂಚೈಸಿ ಖರೀದಿಗೆ ಜಿದ್ದಾಜಿದ್ದಿ!

ಐಪಿಎಲ್ ಫ್ರಾಂಚೈಸಿ ಕುರಿತು ಈವರೆಗೆ ದೀಪಿಕಾ ಹಾಗೂ ರಣವೀರ್ ಯಾವುದೇ ಪ್ರತಿಕ್ರಿಯೆ ಕೊಟ್ಟಿಲ್ಲ. ಆದರೆ, ಮೂಲಗಳ ಪ್ರಕಾರ ಮುಂಬರುವ ಐಪಿಎಲ್ ನಲ್ಲಿ ಟೀಮ್ ವೊಂದನ್ನು ಖರೀದಿಗಾಗಿ ಬಿಡ್ ಮಾಡಲು ಈ ಜೋಡಿ ಉತ್ಸುಕರಾಗಿದ್ದಾರೆ ಎಂದು ತಿಳಿದುಬಂದಿದೆ.

ಐಪಿಎಲ್ ನಲ್ಲಿ ಬಿಟೌನ್ ಮಂದಿ ಫ್ರಾಂಚೈಸಿ ಆಗೋದು ಹೊಸದೇನಲ್ಲ. ಈಗಾಗಲೇ ಶಾರುಖ್ ಖಾನ್, ಪ್ರೀತಿ ಜಿಂಟಾ, ಜೂಹಿ ಚಾವ್ಲಾ, ಶಿಲ್ಪಾ ಶೆಟ್ಟಿ ಕ್ರಿಕೆಟ್ ತಂಡಗಳನ್ನು ಖರೀದಿ ಮಾಡಿದ್ದಾರೆ. ಈಗಾಗಲೇ ನೂತನ 2 ತಂಡಗಳ ಫ್ರಾಂಚೈಸಿಗಾಗಿ ಬಿಡ್ ಮಾಡಲು ಮುಹೂರ್ತ ನಿಗದಿಯಾಗಿದೆ.

ಅಕ್ಟೋಬರ್ 25 ರಿಂದ ಬಿಡ್ಡಿಂಗ್?
2022ರ ಐಪಿಎಲ್ ಟೂರ್ನಿಗಾಗಿ 2 ತಂಡಗಳು ಹೊಸದಾಗಿ ಸೇರ್ಪಡೆಯಾಗಲಿವೆ ಅಂತಾ ಈಗಾಗಲೇ ಬಿಸಿಸಿಐ ತಿಳಿಸಿದೆ. ಆದ್ದರಿಂದ ಮುಂಬರುವ ಐಪಿಎಲ್ ಟೂರ್ನಿಗಾಗಿ ಎರಡು ಫ್ರಾಂಚೈಸಿಗಳ ಆಯ್ಕೆಗಾಗಿ ಬಿಡ್ಡಿಂಗ್ ನಡೆಯಲಿದೆ. ಅಕ್ಟೋಬರ್ 25ರಿಂದ ಬಿಡ್ಡಿಂಗ್ ನಡೆಯುವ ಸಾಧ್ಯತೆ ಇದೆ. ಅತೀ ಹೆಚ್ಚು ಬಿಡ್ಡರ್ಸ್ ಗೆ ತಂಡದ ಫ್ರಾಂಚೈಸಿ ಹಕ್ಕು ನೀಡಲಾಗುತ್ತದೆ. ಈ ಮೂಲಕ ಐಪಿಎಲ್ ತಂಡಗಳ ಸಂಖ್ಯೆ 2022ಕ್ಕೆ 8 ರಿಂದ 10ಕ್ಕೆ ಏರಿಕೆಯಾಗಲಿದೆ.