ಐಪಿಎಲ್: ಅಮಿತ್ ಮಿಶ್ರಾ ಸ್ಥಾನಕ್ಕೆ ಕನ್ನಡಿಗ ಪ್ರವೀಣ್ ದುಬೆ

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ 2020ರ ಉಳಿದ ಅವಧಿಗೆ ಗಾಯಾಳು ಅಮಿತ್ ಮಿಶ್ರಾ ಅವರ ಸ್ಥಾನಕ್ಕೆ ಕರ್ನಾಟಕದ ಲೆಗ್ ಸ್ಪಿನ್ನರ್ ಪ್ರವೀಣ್ ದುಬೆ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೋಮವಾರ ಹೆಸರಿಸಿದೆ.

ಕೋಲ್ಕೊತಾ ವಿರುದ್ಧದ ಪಂದ್ಯದಲ್ಲಿ ಬೆರಳು ಗಾಯಕ್ಕೆ ತುತ್ತಾಗಿದ್ದ ಮಿಶ್ರಾ ಟೂರ್ನಿಯಿಂದ ಈಗಾಗಲೇ ಹೊರಬಿದ್ದಿದ್ದಾರೆ.

ಈಗಾಗಲೇ ಯುನೈಟೆಡ್ ಅರಬ್ ಎಮಿರೇಟ್ಸ್ ನಲ್ಲಿರುವ ದುಬೆ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನೆಟ್ ಬೌಲರ್ ಆಗಿ ಗುರುತಿಸಿಕೊಂಡಿದ್ದರು.

2016ರ ಐಪಿಎಲ್ ಆಟಗಾರರ ಹರಾಜಿನಲ್ಲಿ ಆರ್ ಸಿಬಿ 35 ಲಕ್ಷ ರೂಪಾಯಿಗೆ 27 ವರ್ಷದ ಸ್ಪಿನ್ನರ್ ದುಬೆ ಅವರನ್ನು ಖರೀದಿಸಿತ್ತು. ಆದರೆ ಫ್ರಾಂಚೈಸಿ ಪರ ದುಬೆ ಒಂದೇ ಒಂದು ಪಂದ್ಯ ಸಹ ಆಡಲಿಲ್ಲ. ನಂತರ ಫ್ರಾಂಚೈಸಿಯು ದುಬೆ ಅವರನ್ನು ಎರಡು ಆವೃತ್ತಿಗಳ ನಂತರ ಬಿಡುಗಡೆಗೊಳಿಸಿತ್ತು.