1971ರಲ್ಲೇ ಟೀಂ ಇಂಡಿಯಾ ವಿಶ್ವದ ನಂ.1 ಟೆಸ್ಟ್‌ ತಂಡವಾಗಿತ್ತು: ದೀಪ್ ದಾಸ್‌ಗುಪ್ತ
ಟೀಂ ಇಂಡಿಯಾ ಕಂಡ ಸಾರ್ವಕಾಲಿಕ ಶ್ರೇಷ್ಠ ಕ್ಯಾಪ್ಟನ್‌ಗಳ ಬಗ್ಗೆ ಮಾತನಾಡಿರುವ ಮಾಜಿ ವಿಕೆಟ್‌ಕೀಪರ್‌ ಬ್ಯಾಟ್ಸ್‌ಮನ್ ದೀಪ್ ದಾಸ್‌ಗುಪ್ತ, 1971ರಲ್ಲಿ ಭಾರತ ತಂಡ ವಿಶ್ವದ ಅನಧಿಕೃತ ನಂ.1 ಟೆಸ್ಟ್‌ ತಂಡವಾಗಿತ್ತು ಎಂದಿದ್ದಾರೆ.
ನವದೆಹಲಿ: ಟೀಂ ಇಂಡಿಯಾ ಕಂಡ ಸಾರ್ವಕಾಲಿಕ ಶ್ರೇಷ್ಠ ಕ್ಯಾಪ್ಟನ್‌ಗಳ ಬಗ್ಗೆ ಮಾತನಾಡಿರುವ ಮಾಜಿ ವಿಕೆಟ್‌ಕೀಪರ್‌ ಬ್ಯಾಟ್ಸ್‌ಮನ್ ದೀಪ್ ದಾಸ್‌ಗುಪ್ತ, 1971ರಲ್ಲಿ ಭಾರತ ತಂಡ ವಿಶ್ವದ ಅನಧಿಕೃತ ನಂ.1 ಟೆಸ್ಟ್‌ ತಂಡವಾಗಿತ್ತು ಎಂದಿದ್ದಾರೆ.
ಅಂದು ಅಜಿತ್ ವಾಡೇಕರ್‌ ಸಾರಥ್ಯದಲ್ಲಿ ಟೀಮ್ ಇಂಡಿಯಾ ವಿಶ್ವದ ಬಲಿಷ್ಠ ತಂಡಗಳಾದ ಇಂಗ್ಲೆಂಡ್‌ ಮತ್ತು ವೆಸ್ಟ್‌ ಇಂಡೀಸ್‌ ವಿರುದ್ಧ ಅವರದ್ದೇ ಅಂಗಣದಲ್ಲಿ ಟೆಸ್ಟ್‌ ಕ್ರಿಕೆಟ್ ವಿಕ್ರಮ ಸಾಧಿಸಿತ್ತು ಎಂದು ಹೇಳಿದ್ದಾರೆ.
1971ರ ಮಾರ್ಚ್‌ನಲ್ಲಿ 5 ಪಂದ್ಯಗಳ ಟೆಸ್ಟ್‌ ಸರಣಿ ಸಲುವಾಗಿ ಟೀಂ ಇಂಡಿಯಾ ವೆಸ್ಟ್‌ ಇಂಡೀಸ್‌ ಪ್ರವಾಸ ಕೈಗೊಂಡಿತ್ತು. ಆ ಸರಣಿಯಲ್ಲಿ ಭಾರತ ಜಯ ದಾಖಲಿಸಿತ್ತಲ್ಲದೆ, ಭಾರತ ತಂಡಕ್ಕೆ ಪದಾರ್ಪಣೆ ಮಾಡಿದ್ದ ಲಿಟ್ಲ್‌ ಮಾಸ್ಟರ್‌ ಸುನಿಲ್‌ ಗವಾಸ್ಕರ್ ಆಡಿದ 4 ಪಂದ್ಯಗಳಿಂದ 774 ರನ್‌ಗಳನ್ನು ಬಾರಿಸಿದ್ದರು. ಅದೇ ವರ್ಷ ಅಜಿತ್ ವಾಡೇಕರ್‌ ನೇತೃತ್ವದ ಭಾರತ ತಂಡ ಇಂಗ್ಲೆಂಡ್‌ ಪ್ರವಾಸದಲ್ಲಿ ಆಡಿದ 3 ಪಂದ್ಯಗಳ ಸರಣಿಯಲ್ಲಿ ಆತಿಥೇಯರಿಗೆ 1-0 ಅಂತರದಲ್ಲಿ ಸೋಲುಣಿಸಿತ್ತು.
ಈ ಬಗ್ಗೆ ಸ್ಪೋರ್ಟ್‌ ಟೈಗರ್‌ನ 'ಆಫ್‌ ದಿ ಫೀಲ್ಡ್‌' ಕಾರ್ಯಕ್ರಮದಲ್ಲಿ ಮಾತನಾಡಿದ ದೀಪ್ ದಾಸ್‌ಗುಪ್ತ, "ಟೀಂ ಇಂಡಿಯಾದ ಸಾರ್ವಕಾಲಿಕ ಶ್ರೇಷ್ಠ ನಾಯಕರ ಬಗ್ಗೆ ನಾವು ಮಾತನಾಡುವ ಸಂದರ್ಭದಲ್ಲಿ ಅಜಿತ್ ವಾಡೇಕರ್‌ ಅಂತಹ ಅನೇಕರನ್ನು ಮರೆತೇ ಬಿಡುತ್ತೇವೆ. 1971ರಲ್ಲಿ ಭಾರತ ತಂಡ ವಿದೇಶಿ ನೆಲಗಳಲ್ಲಿ ಅಮೋಘ ಸರಣಿಗಳನ್ನು ಗೆದ್ದಿತ್ತು ಎಂಬುದನ್ನು ನಾವು ಸ್ಮರಿಸುವುದೇ ಇಲ್ಲ. ಇಂಗ್ಲೆಂಡ್‌ ತಂಡವನ್ನು ಇಂಗ್ಲೆಂಡ್‌ನಲ್ಲಿ ಮತ್ತು ವೆಸ್ಟ್‌ ಇಂಡೀಸ್‌ ತಂಡವನ್ನು ವೆಸ್ಟ್‌ ಇಂಡೀಸ್‌ನಲ್ಲಿ ಮಣಿಸಿ,. ಅನಧಿಕೃತವಾಗಿ ಭಾರತ ತಂಡ ಅಂದು ವಿಶ್ವದ ನಂ.1 ಟೆಸ್ಟ್‌ ತಂಡವಾಗಿತ್ತು ಎಂದಿದ್ದಾರೆ.
ಕಾರ್ಯಕ್ರಮದಲ್ಲಿ ಭಾರತಕ್ಕೆ ಚೊಚ್ಚಲ ವಿಶ್ವಕಪ್‌ (1983) ಗೆದ್ದುಕೊಟ್ಟ ಕಪಿಲ್‌ ದೇವ್‌, ಸುನಿಲ್‌ ಗವಾಸ್ಕರ್ ಮತ್ತು ಮನ್ಸೂರ್‌ ಅಲಿ ಖಾನ್‌ ಪಟೌಡಿ ಅವರ ಕುರಿತಾಗಿಯೂ ದೀಪ್ ಮಾತನಾಡಿದ್ದಾರೆ. "ಟೀಮ್ ಇಂಡಿಯಾ ಇಂತಹ ದಿಗ್ಗಜ ನಾಯಕರನ್ನು ಹೊಂದಲು ಅದೃಷ್ಟ ಮಾಡಿತ್ತು. ಆಕಾಲದ ಧೀಮಂತ ಆಟಗಾರರ ಸಾಧನೆಯನ್ನು ನಾವೀಗ ಪ್ರಶಂಶಿಸುವುದೇ ಇಲ್ಲ ಎಂದು ಹೇಳಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.