26ನೇ ಶತಕ ಸಿಡಿಸಿದ ವಿರಾಟ್ ಕೊಹ್ಲಿ, 10 ತಿಂಗಳ ನಂತರ ಮೊದಲ ಟೆಸ್ಟ್ ಶತಕ!

ಪುಣೆ: ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಭರ್ಜರಿ ಶತಕ ಸಿಡಿಸಿದ್ದಾರೆ. ಇದು 10 ತಿಂಗಳ ನಂತರ ಕೊಹ್ಲಿ ಬ್ಯಾಟ್ ನಿಂದ ಸಿಡಿಸಿದ ಮೊದಲ ಟೆಸ್ಟ್ ಶತಕವಾಗಿದೆ. 

ಎರಡನೇ ದಿನದಾಟ ಆರಂಭಿಸಿದ ಕೊಹ್ಲಿ ಆಫ್ರಿಕಾ ಬೌಲರ್ ಗಳನ್ನು ದಂಡಿಸಿಶತಕ ಸಿಡಿಸಿದರು. 183 ಎಸತೆಗಳಲ್ಲಿ ಕೊಹ್ಲಿ 16 ಬೌಂಡರಿ ನೆರವಿನಿಂದ 104 ರನ್ ಬಾರಿಸಿದ್ದಾರೆ. ಇನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಒಟ್ಟಾರೆ 69ನೇ ಶತಕ ಇದಾಗಿದೆ. ಜೊತೆಗೆ ಭಾರತದ ನೆಲದಲ್ಲಿ ಟೆಸ್ಟ್ ಕ್ರಿಕೆಟ್ ನಲ್ಲಿ ಕೊಹ್ಲಿ ಬಾರಿಸಿದ 12ನೇ ಶತಕ ಸಹ ಇದಾಗಿದೆ. 

ಎರಡನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ ನಲ್ಲಿ ಭಾರತ 3 ವಿಕೆಟ್ ನಷ್ಟಕ್ಕೆ 356 ರನ್ ಬಾರಿಸಿ ಬೃಹತ್ ಮೊತ್ತ ಕಲೆಹಾಕುವ ಸೂಚನೆ ನೀಡಿದೆ.