ಟೆಸ್ಟ್ ಸರಣಿ ಸೋಲಿನ ಭೀತಿ ನಡುವೆಯೇ ಏಕದಿನ ಸರಣಿಗೆ ತಂಡ ಪ್ರಕಟಿಸಿದ​ ಆಸ್ಟ್ರೇಲಿಯಾ

ಮೆಲ್ಬೋರ್ನ್​: ಹಾಲಿ ಪ್ರವಾಸಿ ಭಾರತದ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಸೋಲಿನ ಭೀತಿ ಎದುರಿಸುತ್ತಿರುವ ಆಸ್ಚ್ರೇಲಿಯಾ ತಂಡ ಮುಂಬರುವ ಏಕದಿನ ಸರಣಿಗೆ ತಂಡ ಪ್ರಕಟಿಸಿದೆ.

ಹಾಲಿ ನಡೆಯುತ್ತಿರುವ ಟೆಸ್ಟ್ ಸರಣಿ ಮುಕ್ತಾಯಗೊಳ್ಳುತ್ತಿದ್ದಂತೆಯೇ ಆಸ್ಟ್ರೇಲಿಯಾ ತಂಡ ಕೊಹ್ಲಿ ಪಡೆ ಜತೆ ಏಕದಿನ ಸರಣಿಯಲ್ಲಿ ಭಾಗಿಯಾಗಲಿದ್ದು, ಅದಕ್ಕಾಗಿ 14 ಸದಸ್ಯರನ್ನೊಳಗೊಂಡ ಬಲಿಷ್ಠ ತಂಡವನ್ನ ಕ್ರಿಕೆಟ್​ ಆಸ್ಟ್ರೇಲಿಯಾ ಪ್ರಕಟಗೊಳಿಸಿದೆ. ನಾಯಕ ಆ್ಯರಾನ್ ಫಿಂಚ್ ನೇತೃತ್ವದ 14 ಆಟಗಾರರ ತಂಡವನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ಪ್ರಕಟಿಸಿದ್ದು, ಏಕದಿನ ತಂಡಕ್ಕೆ ಪೀಟರ್​ ಸಿಡ್ಲ್​, ನೇಥನ್​ ಲಿಯಾನ್​ ಹಾಗೂ ಉಸ್ಮಾನ್​ ಖವಾಜಾ ವಾಪಸ್​ ಆಗಿದ್ದಾರೆ. ಅಂತೆಯೇ ಕ್ರಿಸ್​ ಲಿನ್​, ಡಿ ಆರ್ಕಿ ಶಾರ್ಟ್​, ಬೆನ್​ ಮೆಕ್ ಡ್ರಿಮೊಟ್​, ಟ್ರಾವಿಸ್​ ಹೆಡ್​ ಹಾಗೂ ಆಸ್ಟನ್​ ಅಗರ್ ಅವರನ್ನು​​ ತಂಡದಿಂದ ಕೈ ಬಿಡಲಾಗಿದೆ.  ಇನ್ನು ಬೆನ್ನು ನೋವಿನ ಸಮಸ್ಯೆಗೆ ಒಳಗಾಗಿರುವ ಕೌಂಟರ್​ ನೈಲ್ ಗೆ ವಿಶ್ರಾಂತಿ ನೀಡಲಾಗಿದೆ.

ಇದೇ ಜನವರಿ 8ರಿಂದ ಏಕದಿನ ಸರಣಿ ಆರಂಭಗೊಳ್ಳಲಿದ್ದು, ಅದಕ್ಕಾಗಿ ಟೀಂ ಇಂಡಿಯಾ  ಈಗಾಗಲೇ ತನ್ನ ತಂಡವನ್ನ ಪ್ರಕಟಿಸಿದೆ. ಸದ್ಯ ನಡೆಯುತ್ತಿರುವ ಟೆಸ್ಟ್​ ಸರಣಿಯಲ್ಲಿ ಟೀಂ ಇಂಡಿಯಾ 2-1 ಅಂತರದ ಮುನ್ನಡೆ ಪಡೆದುಕೊಂಡಿದೆ.

ಆ್ಯರಾನ್​ ಫಿಂಚ್​(ಕ್ಯಾಪ್ಟನ್​) ಉಸ್ಮಾನ್​ ಖವಾಜಾ, ಶಾನ್​ ಮಾರ್ಶ್​, ಪೀಟರ್​ ಹ್ಯಾಂಡ್ಸ್ ಕಾಂಬ್​​, ಗ್ಲೆನ್​ ಮ್ಯಾಕ್ಸ್ ವೆಲ್​, ಮಾರ್ಕೊಸ್​ ಸ್ಟೋನಿಸ್​, ಮಿಚೆಲ್​ ಮಾರ್ಶ್​, ಅಲೆಕ್ಸ್​ ಕ್ಯಾರಿ, ಜೀಯೆ ರಿಚರ್ಡ್ಸನ್, ಬಿಲ್ಲಿ ಸ್ಟ್ಯಾನ್ಲೇಕ್, ಜೇಸನ್ ಬೆಹೆಂಡ್ರೊರ್ಫ್, ಪೀಟರ್ ಸಿಡಿಲ್, ನೇಥನ್​ ಲಿಯಾನ್, ಆಡಂ ಜಂಪಾ