ವಿಶ್ವ ಟಿ20 ಅರ್ಹತಾ ಪಂದ್ಯ: 26 ರನ್ ಗಳಿಗೆ ಚೀನಾ ಆಲೌಟ್! 9 ಬಾಲ್ ಗಳಲ್ಲೇ ಪಂದ್ಯ ಗೆದ್ದ ನೇಪಾಳ!
ಚೀನಾವು ವಿಶ್ವದ ಅತಿದೊಡ್ಡ ಜನಸಂಖ್ಯೆ ಮತ್ತು ಎರಡನೆಯ ಅತಿದೊಡ್ಡ ಆರ್ಥಿಕತೆಯನ್ನು ಹೊಂದಿರಬಹುದು, ಆದರೆ ಅವರಿನ್ನೂ ಕ್ರಿಕೆಟ್ ಕೂಸುಗಳೇ ಎನ್ನುವುದು ಮತ್ತೆ.....
Published On :
ಕೌಲಾಲ್ಂಪುರ: ಚೀನಾವು ವಿಶ್ವದ ಅತಿದೊಡ್ಡ ಜನಸಂಖ್ಯೆ ಮತ್ತು ಎರಡನೆಯ ಅತಿದೊಡ್ಡ ಆರ್ಥಿಕತೆಯನ್ನು ಹೊಂದಿರಬಹುದು, ಆದರೆ ಅವರಿನ್ನೂ ಕ್ರಿಕೆಟ್ ಕೂಸುಗಳೇ ಎನ್ನುವುದು ಮತ್ತೆ ಸಾಬೀತಾಗಿದೆ. ನೇಪಾಳದೆದುರು ಹೀನಾಯವಾಗಿ ಸೋಲುವ ಮೂಲಕ ಇದು ಇನ್ನೊಮ್ಮೆ ಸಾಬೀತಾಗಿದೆ.
ಮಲೇಷಿಯಾದಲ್ಲಿ ನಡೆದ ವಿಶ್ವಕಪ್ ಟ್ವೆಂಟಿ 20 ಅರ್ಹತಾ ಸುತ್ತಿನಲ್ಲಿ ಚೀನಾ ಕೇವಲ 26 ರನ್ ಗಳಿಸುವಷ್ಟರಲ್ಲಿ ಸರ್ವಪತನವನ್ನು ಕಂಡಿದೆ.ನೇಪಾಳವು ಒಟ್ಟು 11 ಬಾಲ್ ಗಳಲ್ಲಿ ಚೀನಾವನ್ನು ಸೋಲಿನ ದಡ ಮುಟ್ಟಿಸಿದೆ.
ಪಂದ್ಯಾವಳಿಯಲ್ಲಿ ಚೀನಾದ ಪರ ಇದುವೇ ಕಳಪೆ ಪ್ರದರ್ಶನವೇ ಎಂದರೆ ಅಲ್ಲ, ಇದಕ್ಕೆ ಮುನ್ನ ಚೀನಾ ಥಾಯ್ ಲ್ಯಾಂಡ್, ಭೂತಾನ್ ಹಾಗೂ ಮ್ಯಾನ್ಮಾರ್ ಗಳೆದುರಿಗೆ ಸಹ ಪರಾಜಿತವಾಗಿದೆ. ಅದೂ ಕೂಡ ಆಯಾ ತಂಡಗಳು ಕ್ರಮವಾಗಿ 35, 45 ಹಾಗೂ 48 ರನ್ ಗಳಿಸಿದ್ದಾಗಲೂ ಚೀನಾಗೆ ಅವುಗಳನ್ನು ಎದುರಿಸಲಾಗಲಿಲ್ಲ.
ಟಿ20 ಇತಿಹಾಸದಲ್ಲಿ 2016 ರಲ್ಲಿ ಶ್ರೀಲಂಕಾ ವಿರುದ್ಧ ಮೂರು ವಿಕೆಟ್ ನಷ್ಟಕ್ಕೆ ಆಸ್ಟ್ರೇಲಿಯಾ 263 ರನ್ ಗಳಿಸಿದ್ದು ಇದುವರೆಗಿನ ಸಾಧನೆಯಾಗಿದ್ದು ಚೀನಾ ಈ ಮಟ್ಟಕ್ಕೆ ಬರಲು ಇನ್ನಷ್ಟು ವರ್ಷಗಳ ಪ್ರಯತ್ನ ನಡೆಸಬೇಕು.
ನೇಪಾಳ ವಿರುದ್ಧದ ಪಂದ್ಯದಲ್ಲಿ ಚೀನಾ ಪರವಾಗಿ ಆರಂಭಿಕ ಬ್ಯಾಟ್ಸ್ಮನ್ ಯಾನ್ ಹಾಂಗ್ಜಿಯಾಂಗ್ ಗರಿಷ್ಠ 11 ರನ್ ಗಳಿಸಿಕೊಟ್ಟರು. ಇದಲ್ಲದೆ ಒಂಬತ್ತು ಹೆಚ್ಚುವರಿ ರನ್ ಗಳು ಚೀನಾಗೆ ದೊರೆತದ್ದು ಅವರಿಗೆ ಸಾಕಷ್ಟು ಲಾಭವಾಗಿ ಪರಿಣಮಿಸಿದೆ. ಲ್ಲದೆ ಐಪಿಎಲ್ ಬೌಲರ್ ಆಗಿರುವ ಸಂದೀಪ್ ಲಮಿಖಾನೆ ನಾಲ್ಕು ರನ್ ಗಳಿಗೆ ಮೂರು ವಿಕೆಟ್ ಕಬಳಿಸಿ ಮೆರೆದಿದ್ದಾರೆ.
ಎಂಟು ಚೀನಾ ಆಟಗಾರರ ಪೈಕಿ ಓರ್ವರಾದ ಕುನ್ ಟಿಯಾನ್ಸನ್ಡಕ್ ಔಟಾದರೆ ನೇಪಾಳದ ಬಿನೋದ್ ಭಂಡಾರಿ 24 ರನ್ ಸಿಡಿಸಿದರೆ ತಂಡವು ಒಂದೇ ಒಂದು ವಿಕೆಟ್ ನಷ್ಟವಿಲ್ಲದೆ 29 ರನ್ ಗಳಿಸಿ ವಿಜಯವಾಗಿದೆ.
ಚೀನಾ ಕ್ರಿಕೆಟ್ ಮಂಡಳಿಯು ಅತ್ಯಂತ ಚಿಕ್ಕದಾದ ಇತಿಹಾಸವನ್ನು ಹೊಂದಿದೆ. ಚೀನಾವು ಏಷ್ಯನ್ ಗೇಮ್ಸ್ 2010ರಲ್ಲಿ ಪ್ರಥಮ ಬಾರಿಗೆ ಅಂತರಾಷ್ಟ್ರೀಯ ಮಟ್ಟದ ಪಂದ್ಯಗಳಲ್ಲಿ ಪಾಲ್ಗೊಂಡಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.