ಸಾ** ಹೇಳಿಕೆ: 'ಉದ್ದೇಶ ಒಳ್ಳೆಯದೇ ಆಗಿತ್ತು.. ವಿವಾದ ಬೇಕಿರಲಿಲ್ಲ..'; ಕೊನೆಗೂ ಕ್ಷಮೆ ಕೋರಿದ ನಟ ಶಿವಾಜಿ!

ಹೈದರಾಬಾದ್: ಹೆಣ್ಣುಮಕ್ಕಳ ಉಡುಗೆಗಳ ಕುರಿತು ವಿವಾದಾತ್ಮಕ ಹೇಳಿಕೆ ನೀಡಿದ್ದ ತೆಲುಗು ನಟ ಶಿವಾಜಿ ಕೊನೆಗೂ ಕ್ಷಮೆ ಯಾಚಿಸಿದ್ದಾರೆ.

ಇತ್ತೀಚೆಗೆ ತಮ್ಮ ನಟನೆಯ ದಂಡೋರಾ ಚಿತ್ರದ ಕಾರ್ಯಕ್ರಮದಲ್ಲಿ ಹೀರೋಯಿನ್ ಗಳ ತುಂಡುಡುಗೆ ಕುರಿತು ವಿವಾದಾತ್ಮಕ ಹೇಳಿಕೆ ನೀಡಿದ್ದ ನಟ ಶಿವಾಜಿ ವ್ಯಾಪಕ ಆಕ್ರೋಶದ ಬಳಿಕ ಕೊನೆಗೂ ಕ್ಷಮೆ ಕೋರಿದ್ದಾರೆ.

ಮಹಿಳೆಯರ ಉಡುಪುಗಳ ಬಗ್ಗೆ ತಮ್ಮ ಹೇಳಿಕೆಗಳಿಗೆ ವಿಷಾದ ವ್ಯಕ್ತಪಡಿಸಿದ್ದು, 'ತಾವು ಮಾಡಿದ್ದ ಹೇಳಿಕೆಗಳು ಉದ್ದೇಶಪೂರ್ವಕವಾಗಿರಲಿಲ್ಲ.. ಉದ್ದೇಶ ಒಳ್ಳೆಯದೇ ಆಗಿತ್ತು.. ಅದಕ್ಕೆ ವಿವಾದ ಬೇಕಿರಲಿಲ್ಲ. ನಾನು ಹೇಳಿದ್ದ ಆ ಎರಡು ಪದಗಳನ್ನು ನಾನು ಹೇಳಬಾರದಿತ್ತು. ಕ್ಷಮಿಸಿ ಎಂದು ನಟ ಶಿವಾಜಿ ಟ್ವಿಟರ್‌ನಲ್ಲಿ ವೀಡಿಯೊ ಬಿಡುಗಡೆ ಮಾಡಿದ್ದಾರೆ.

ನಟ ಶಿವಾಜಿ ಹೇಳಿದ್ದೇನು?

ಎಲ್ಲರಿಗೂ ನಮಸ್ಕಾರ.. ದಂಡೋರ ಚಿತ್ರದ ಪೂರ್ವ ಬಿಡುಗಡೆ ಕಾರ್ಯಕ್ರಮದಲ್ಲಿ, ನಾಯಕಿಯರು ಇತ್ತೀಚೆಗೆ ತೊಂದರೆಯಲ್ಲಿದ್ದಾಗ ನಾನು ನಾಲ್ಕು ಒಳ್ಳೆಯ ಪದಗಳನ್ನು ಹೇಳುವಾಗ ಎರಡು ಅನ್‌ಪಾರ್ಲಿಮೆಂಟರಿ ಪದಗಳನ್ನು ಬಳಸಿದ್ದೇನೆ. ನಾನು ಎಲ್ಲ ಹೆಣ್ಣುಮಕ್ಕಳ ಬಗ್ಗೆ ಮಾತನಾಡಿಲ್ಲ.. ಹೀರೋಯಿನ್ ಗಳ ಬಗ್ಗೆ ಮಾತ್ರ ಹೇಳಿದ್ದೆ. ನಾಯಕಿಯರು ಹೊರಗೆ ಹೋಗುವಾಗ ಚೆನ್ನಾಗಿ ಉಡುಗೆ ತೊಟ್ಟಿದ್ದರೆ ಒಳ್ಳೆಯದು ಎಂದು ನಾನು ಹೇಳಿದ್ದೆ ಎಂದಿದ್ದಾರೆ.

ಅಂತೆಯೇ ಆ ಸಂದರ್ಭದಲ್ಲಿ, ನಾನು ಆ ಎರಡು ಪದಗಳನ್ನು ಬಳಸಬಾರದಿತ್ತು. ಮಹಿಳೆಯರ ಬಗ್ಗೆ ನನಗೆ ಅಪಾರ ಗೌರವವಿದೆ. ಮಹಿಳೆ ಒಬ್ಬ ಮಹಾನ್ ಶಕ್ತಿ. ನಾನು ಅವಳನ್ನು ತಾಯಿ ಎಂದು ಭಾವಿಸುತ್ತೇನೆ. ಈ ಯುಗದಲ್ಲಿ ಮಹಿಳೆಯರನ್ನು ಎಷ್ಟು ತುಚ್ಛವಾಗಿ ನೋಡಲಾಗುತ್ತದೆ ಎಂಬುದನ್ನು ನಾವು ನೋಡಿದ್ದೇವೆ. ಅದನ್ನು ಹೇಳುವ ಉದ್ದೇಶದಿಂದ ನಾನು ಸ್ಥಳೀಯ ಭಾಷೆಯನ್ನು ಮಾತನಾಡಿದೆ. ಅದು ತುಂಬಾ ತಪ್ಪು. ನನ್ನ ಉದ್ದೇಶ ಒಳ್ಳೆಯದಾಗಿತ್ತು ಆದರೆ.. ಆ ಎರಡು ಪದಗಳನ್ನು ಬಳಸದಿದ್ದರೆ, ಈ ಪರಿಸ್ಥಿತಿ ಬರುತ್ತಿರಲಿಲ್ಲ ಎಂದು ಹೇಳಿದ್ದಾರೆ.

ಅಲ್ಲದೆ "ನನಗೆ ಒಳ್ಳೆಯ ಉದ್ದೇಶವಿದೆ. ಯಾರನ್ನೂ ಅವಮಾನಿಸುವ ಅಥವಾ ಕೀಳಾಗಿ ಕಾಣುವ ಉದ್ದೇಶ ನನಗಿಲ್ಲ. ಉದ್ಯಮದಲ್ಲಿರುವ ಮಹಿಳೆಯರ ಭಾವನೆಗಳಿಗೆ ನೋವುಂಟು ಮಾಡಿದ್ದಕ್ಕಾಗಿ ಮತ್ತು ತಪ್ಪಾಗಿ ಭಾವಿಸಿದ್ದಕ್ಕಾಗಿ ನಿಮ್ಮೆಲ್ಲರ ಕ್ಷಮೆಯಾಚಿಸುತ್ತೇನೆ" ಎಂದು ಅವರು ವೀಡಿಯೊದಲ್ಲಿ ಹೇಳಿದ್ದಾರೆ.