ಜಗಪತಿ-ಸುಶ್ಮಿತಾ ಅಭಿನಯದ 'ಆನ್‌ಲೈನ್‌ ಮದುವೆ ಆಫ್‌ಲೈನ್ ಶೋಭ'ನ ಚಿತ್ರಕ್ಕೆ ಯು/ಎ ಪ್ರಮಾಣಪತ್ರ

'ಮಜಾ ಭಾರತ' ರಿಯಾಲಿಟಿ ಶೋ ಮೂಲಕ ಖ್ಯಾತಿ ಪಡೆದಿದ್ದ ಜಗ್ಗಪ್ಪ ಮತ್ತು ಸುಶ್ಮಿತಾ ಇತ್ತೀಚೆಗಷ್ಟೇ ವಿವಾಹವಾಗಿದ್ದರು. ರಿಯಲ್ ಲೈಫಿನ ದಂಪತಿ ಇದೀಗ ವೇಂಪಲ್ಲಿ ಬಾವಾಜಿ ನಿರ್ದೇಶನದ 'ಆನ್‌ಲೈನ್ ಮದುವೆ ಆನ್‌ಲೈನ್ ಶೋಭನ' ಎಂಬ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರವು ಯು/ಎ ಪ್ರಮಾಣಪತ್ರವನ್ನು ಪಡೆದುಕೊಂಡಿದ್ದು, ಇದೇ ತಿಂಗಳು ಬಿಡುಗಡೆಯಾಗಲಿದೆ.

ಅಪ್ಸರಾ ಮೂವೀಸ್ ನಿರ್ಮಿಸಿದ ಈ ಸಿನಿಮಾ ಆನ್‌ಲೈನ್ ಅಪ್ಲಿಕೇಶನ್‌ ಮೂಲಕ ಒಂದಾಗುವ ಯುವ ಜೋಡಿಯ ಸುತ್ತ ಸುತ್ತುವ ಹಾಸ್ಯಮಯ ಕಥಾಹಂದರವನ್ನು ಹೊಂದಿದೆ. 

ಚಿತ್ರಕಥೆಯನ್ನೂ ಬರೆದಿರುವ ನಿರ್ದೇಶಕ ವೇಂಪಲ್ಲಿ ಬಾವಾಜಿ ಮಾತನಾಡಿ, ಚಿತ್ರವು ಸಂಪೂರ್ಣ ಮನರಂಜನಾ ಕಥಾಹಂದರವನ್ನು ಹೊಂದಿದೆ. ಈ ಚಿತ್ರಕ್ಕೆ ಪರ್ಫೆಕ್ಟ್ ಜೋಡಿಗಾಗಿ ಹುಡುಕಾಟ ನಡೆಸುತ್ತಿದ್ದಾಗ, ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತು ತಮ್ಮ ರಿಯಾಲಿಟಿ ಶೋಗಳ ಮೂಲಕ ಸಾಕಷ್ಟು ಫೇಮಸ್ ಆಗಿದ್ದ ಜಗಪತಿ ಮತ್ತು ಸುಶ್ಮಿತಾ ಸಿಕ್ಕರು. ಇಂದಿನ ಯುವಕರು ಮತ್ತು ಸಾಮಾಜಿಕ ಮಾಧ್ಯಮಗಳ ನಡುವಿನ ಸಂಪರ್ಕವನ್ನು ಈ ಚಿತ್ರದಲ್ಲಿ ಸುದೀರ್ಘವಾಗಿ ಹೈಲೈಟ್ ಮಾಡಲಾಗಿದೆ ಎಂದರು.

ಜಗಪತಿ ಮತ್ತು ಸುಶ್ಮಿತಾ ಜೊತೆಗೆ, ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಸಿರುಂಡೆ ರಘುರಾಮ್, ಗಜೇಂದ್ರ, ರಾಘವಿ ಮತ್ತು ಆ್ಯಂಕರ್ ದಯಾನಂದ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಬಾಲು ಅವರ ಛಾಯಾಗ್ರಹಣವಿದ್ದು, ಅಲೆಕ್ಸ್ ಅವರ ಹಿನ್ನೆಲೆ ಸಂಗೀತವಿದೆ.