ಹೇಮಂತ್ ಹೆಗಡೆ ನಿರ್ದೇಶನದ ‘ನಮ್‌ ನಾಣಿ ಮದ್ವೆ ಪ್ರಸಂಗ’ ಚಿತ್ರಕ್ಕೆ ಯು/ಎ ಪ್ರಮಾಣಪತ್ರ

ಹೌಸ್‌ಫುಲ್ ಮತ್ತು ನಿಂಬೆಹುಳಿ ಸಿನಿಮಾಗಳ ನಿರ್ದೇಶಕ ಹೇಮಂತ್ ಹೆಗಡೆ ಅವರ ಮುಂಬರುವ ಚಿತ್ರ ‘ನಮ್ ನಾಣಿ ಮದ್ವೆ ಪ್ರಸಂಗ’ ಚಿತ್ರದ ಸೆನ್ಸಾರ್ ಪ್ರಕ್ರಿಯೆ ಪೂರ್ಣಗೊಂಡಿದೆ. ಸೆನ್ಸಾರ್‌ ಮಂಡಳಿಯು ಚಿತ್ರಕ್ಕೆ ಯು/ಎ ಪ್ರಮಾಣಪತ್ರ ನೀಡಿದೆ.

ಸೆನ್ಸಾರ್ ಅಧಿಕಾರಿಯಿಂದ ಚಿತ್ರಕ್ಕೆ ಆತ್ಮೀಯ ಸ್ವಾಗತ ಸಿಕ್ಕಿದೆ. ಬಹಳ ಸಮಯದ ನಂತರ ಸಂಪೂರ್ಣ ಹಾಸ್ಯಮಯ ಸಿನಿಮಾವನ್ನು ಪ್ರೇಕ್ಷಕರು ವೀಕ್ಷಿಸಲಿದ್ದಾಗೆ ಎಂದು ಸಂತೋಷ ವ್ಯಕ್ತಪಡಿಸುತ್ತಾರೆ ನಿರ್ದೇಶಕರು.

ಈ ಸಂತೋಷ ಪ್ರೇಕ್ಷಕರಲ್ಲೂ ಪ್ರತಿಫಲಿಸುತ್ತದೆ ಎಂಬ ನಂಬಿಕೆ ನನಗಿದೆ. ನಾವು ಕೂಲಂಕಷವಾದ ಕಾಮಿಡಿಯನ್ನು ವೀಕ್ಷಿಸಿ ಬಹಳ ದಿನಗಳಾಗಿವೆ. ಕೃಷಿಯಲ್ಲಿ ತೊಡಗಿರುವ ಯುವಜನರ ಕುರಿತಾದ ಈ ಚಿತ್ರದಲ್ಲಿ ಮದುಮಗಳು ಸಿಗದಿರುವ ಕುರಿತಾದ ಕಥೆಯನ್ನು ಹೊಂದಿದ್ದು, ತಮಾಷೆಯಾಗಿ ನಿಮಗೆ ಕಚಗುಳಿ ಇಡುವುದು ಖಚಿತ ಎಂದು ಅವರು ಹೇಳುತ್ತಾರೆ.

ಹೇಮಂತ್ ಹೆಗಡೆ ಅವರೇ ನಾಯಕನಾಗಿಯೂ ನಟಿಸಿರುವ ನಮ್ ನಾಣಿ ಮದ್ವೆ ಪ್ರಸಂಗ ಚಿತ್ರದಲ್ಲಿ ಗೀತಾಂಜಲಿ ಮಂಗಲ್, ಶ್ರುತಿ ನದೀಶ್, ಶ್ರೇಯಾ ವಸಂತ್, ರಾಜೇಶ್ ನಟರಂಗ ಮತ್ತು ಪದ್ಮಜಾ ರಾವ್ ತಾರಾಗಣದಲ್ಲಿದ್ದಾರೆ.

ಈ ಚಿತ್ರವು ಉತ್ತರ ಕೆನರಾ ಮತ್ತು ಯಕ್ಷಗಾನದಂತಹ ಸ್ಥಳೀಯ ಕಲೆಗಳನ್ನು ಅನ್ವೇಷಿಸಲು ಸಿದ್ಧವಾಗಿದೆ. ವಿ ಮನೋಹರ್ ಮತ್ತು ರವಿ ಮುರೂರ್ ಅವರ ಸಂಗೀತವಿದ್ದು, ಕೃಷ್ಣ ಭಂಜನ್ ಅವರ ಛಾಯಾಗ್ರಹಣವಿದೆ.