'ಬ್ಯಾಂಗ್' ಸಿನಿಮಾ ಗ್ಯಾಂಗ್‌ಸ್ಟರ್‌ಗಳ ಕಾಲ್ಪನಿಕ ಚಿತ್ರಣವನ್ನು ಪ್ರತಿಬಿಂಬಿಸುತ್ತದೆ: ಶ್ರೀ ಗಣೇಶ್ ಪರಶುರಾಮ್

ಸಂಕಷ್ಟಹರ ಗಣಪತಿ ಸಿನಿಮಾಗೆ ಸಹಾಯ ಮಾಡಿದ ಶ್ರೀ ಗಣೇಶ ಪರಶುರಾಮ್ ಕನ್ನಡ ಇಂಡಸ್ಟ್ರಿಯಲ್ಲಿ ತಮ್ಮದೇ ಆದ ಛಾಪನ್ನು ಮೂಡಿಸಲು ಶ್ರಮಿಸುತ್ತಿರುವ ಇತ್ತೀಚಿನ ಪ್ರತಿಭೆ. ಇದೀಗ ಪರಶುರಾಮ್ ತಮ್ಮ ಚೊಚ್ಚಲ ನಿರ್ದೇಶನದ 'ಬ್ಯಾಂಗ್' ಸಿನಿಮಾ ಬಿಡುಗಡೆಯನ್ನು ಎದುರು ನೋಡುತ್ತಿದ್ದಾರೆ.

'ನಾನು ಯಾವಾಗಲೂ ಉತ್ತಮ ಚಲನಚಿತ್ರಗಳನ್ನು ಮಾಡಲು ಎದುರು ನೋಡುತ್ತೇನೆ ಮತ್ತು ಆ ನಿಟ್ಟಿನಲ್ಲಿ ಬ್ಯಾಂಗ್ ಸಿನಿಮಾ ನನ್ನ ಮೊದಲ ಪ್ರಯತ್ನವಾಗಿದೆ. ಸಿನಿಮಾವು ಅದರ ಪಾತ್ರಗಳ ಎನರ್ಜಿಯನ್ನು ಮತ್ತು ನೈಸರ್ಗಿಕ ಪ್ರತಿಕ್ರಿಯೆಗಳನ್ನು ಪ್ರದರ್ಶಿಸುತ್ತದೆ' ಎಂದು ಗಣೇಶ್ ಹೇಳಿದರು.

'ನಮ್ಮ ಸಿನಿಮಾದಲ್ಲಿ ಶಾನ್ವಿ ಶ್ರೀವಾಸ್ತವ ನಟಿಸಿದ್ದಾರೆ. ರಘು ದೀಕ್ಷಿತ್ ಹಾಗೂ ರಿತ್ವಿಕ್ ಮುರಳೀಧರ್ ಅವರಂತಹ ಸಂಗೀತ ನಿರ್ದೇಶಕರು ಈ ಚಿತ್ರದಲ್ಲಿ ತಮ್ಮ ನಟರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದಲ್ಲಿ ಸಾತ್ವಿಕಾ ಕೂಡ ಪ್ರಮುಖ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ' ಎಂದು ತಿಳಿಸಿದರು.

ಬ್ಯಾಂಗ್ ಸಿನಿಮಾ ಡಾರ್ಕ್ ಕ್ರೈಮ್ ಕಾಮಿಡಿಯಾಗಿದ್ದು, ಹಲವಾರು ಲೇಯರ್ಗಳನ್ನು ಅಳವಡಿಸಲಾಗಿದೆ. ಇದು ಸಾಂಪ್ರದಾಯಿಕ ಸಾಹಸ ದೃಶ್ಯಗಳನ್ನು ಹೊಂದಿಲ್ಲ. ಇದು ಡಾರ್ಕ್ ಕಾಮಿಡಿಯಾಗಿದ್ದರೂ, ಹಾಸ್ಯವನ್ನು ಕೂಡ ಒಳಗೊಂಡಿದೆ ಎಂದು ಗಣೇಶ್ ಹೇಳಿದರು.

ಇದನ್ನೂ ಓದಿ: ‘ಬ್ಯಾಂಗ್ ಚಿತ್ರತಂಡ ನನ್ನೊಳಗಿನ ಸುಪ್ತ ನಟನನ್ನು ಹೊರತೆಗೆಯಿತು’: ಸಂಗೀತ ನಿರ್ದೇಶಕ ರಘು ದೀಕ್ಷಿತ್

ಆದರೆ, ಬಂದೂಕುಗಳನ್ನು ಒಳಗೊಂಡ ಗಂಭೀರ ಥೀಮ್ ಹಾಸ್ಯದೊಂದಿಗೆ ಹೇಗೆ ಹೊಂದಿಕೊಳ್ಳುತ್ತದೆ? 'ನಾನು ರಚಿಸಿರುವ ಪ್ರಪಂಚವು ಗ್ಯಾಂಗ್‌ಸ್ಟರ್‌ಗಳ ಕಾಲ್ಪನಿಕ ಚಿತ್ರಣವಾಗಿದೆ. ಅದು ನಿಜ ಜೀವನವನ್ನು ಪ್ರತಿಬಿಂಬಿಸುವುದಿಲ್ಲ' ಎಂದರು.

ಹಾಗಾಗಿ, ಕಥೆಯ ಅಗತ್ಯಗಳಿಗೆ ಸರಿಹೊಂದುವ ವಿಶಿಷ್ಟವಾದ ಬ್ರಹ್ಮಾಂಡವನ್ನು ನಾನು ರಚಿಸಿದ್ದೇನೆ. ಇದು ಟಾಮ್ ಮತ್ತು ಜೆರ್ರಿ ನಡುವಿನ ತಮಾಷೆಯ ಡೈನಾಮಿಕ್‌ನಂತಿದೆ. ಅಲ್ಲಿ ನಾವು ಅವರ ಬದುಕುಳಿಯುವ ಕಥೆಯಲ್ಲಿ ಹಾಸ್ಯವನ್ನು ಕಂಡುಕೊಳ್ಳುತ್ತೇವೆ. ಆ ಸಾರವನ್ನು ಬ್ಯಾಂಗ್‌ನಲ್ಲಿ ಸೆರೆಹಿಡಿಯಲಾಗಿದೆ. ಕಥೆಯೇ ಇದೆಲ್ಲದರ ಹೃದಯವಾಗಿ ಉಳಿದಿದೆ. ಆದರೆ, ಆ್ಯಕ್ಷನ್ ಮತ್ತು ಸಂಭಾಷಣೆಗಳು ಅನುಭವವನ್ನು ಹೆಚ್ಚಿಸುತ್ತವೆ ಎಂದು ತಮ್ಮ ಅಭಿಪ್ರಾಯ ಹಂಚಿಕೊಂಡರು.

ಇದನ್ನೂ ಓದಿ: ಮಹತ್ವದ ತಿರುವಿಗಾಗಿ ಕಾಯುತ್ತಿದ್ದೇನೆ; ಸಂಗೀತ ಸಂಯೋಜನೆಯಿಂದ ನಟನೆಯತ್ತ ಹೊರಳಿದ ಋತ್ವಿಕ್ ಮುರಳೀಧರ್ 

ಈ ಸಿನಿಮಾವನ್ನು ಪೂಜಾ ವಸಂತ್ ಕುಮಾರ್ ನಿರ್ಮಿಸಿದ್ದು, ರಿತ್ವಿಕ್ ಮುರಳೀಧರ್ ನಟನೆಯೊಂದಿಗೆ ಸಂಗೀತ ನಿರ್ದೇಶಕನ ಜವಾಬ್ದಾರಿಯನ್ನು ನಿಭಾಯಿಸಿದ್ದಾರೆ. ಉದಯ್ ಲೀಲಾ ಚಿತ್ರದ ಛಾಯಾಗ್ರಹಣ ಮಾಡಿದ್ದಾರೆ.