ಸ್ಯಾಂಡಲ್ ವುಡ್ ಕಲಾವಿದರ ಕ್ರಿಕೆಟ್ ಪಂದ್ಯಾವಳಿ 'ಬಾಕ್ಸ್ ಕ್ರಿಕೆಟ್ ಲೀಗ್'ಗೆ ಚಾಲನೆ

ಬೆಂಗಳೂರು: ಕಮರ್ ಫಿಲಂ ಫ್ಯಾಕ್ಟರಿ ವತಿಯಿಂದ 'ಬಾಕ್ಸ್ ಕ್ರಿಕೆಟ್ ಲೀಗ್' ಸ್ಯಾಂಡಲ್ ವುಡ್ ನ ಎರಡನೇ ಆವೃತ್ತಿಗೆ ಚಾಲನೆ ದೊರೆತಿದೆ. ಸ್ಯಾಂಡಲ್ ವುಡ್ ನಲ್ಲಿ ಕಳೆದ 45 ವರ್ಷಗಳಿಂದ ನಿರ್ಮಾಪಕ, ವಿತರಕರಾಗಿ ಹೆಸರು ಮಾಡಿರುವ ಕೆ.ಬಿ. ಬಾಬು ಅವರ ಪುತ್ರ ಕಮರ್ ಈ ಪಂದ್ಯಾವಳಿಯ ಆಯೋಜಕರಾಗಿದ್ದಾರೆ.  

ಇದನ್ನೂ ಓದಿ: ಶೀಘ್ರದಲ್ಲೇ 'ಕಬ್ಜ' ಐದನೇ ಹಂತದ ಚಿತ್ರೀಕರಣ" ಆರಂಭ

ಕಮರ್ ಅವರು ಸ್ಯಾಂಡಲ್ ವುಡ್ ಕಲಾವಿದರನ್ನು ಒಳಗೊಂಡ ಬಾಕ್ಸ್ ಕ್ರಿಕೆಟ್ ಲೀಗ್ ಪಂದ್ಯಾವಳಿಯ ಮೊದಲ ಆವೃತ್ತಿಯನ್ನು 2017ರಲ್ಲಿ ಆಯೋಜಿಸಿದ್ದರು. ಸುಮಾರು 150 ಮಂದಿ ಅದರಲ್ಲಿ ಪಾಲ್ಗೊಂಡಿದ್ದರು.

ಪಂದ್ಯಾವಳಿ ಚಾಲನಾ ಕಾರ್ಯಕ್ರಮದಲ್ಲಿ ಕಮರ್, ಜಯನಗರ ಶಾಸಕಿ ಸೌಮ್ಯಾ ರೆಡ್ಡಿ, ತಂಡಗಳ ಮಾಲೀಕರು ಸೇರಿದಂತೆ ಹರ್ಷಿಕಾ ಪೂಣಚ್ಛ, ಹರ್ಷವರ್ಧನ, ತರುಣ್ ಮತ್ತಿತರರು ವೇದಿಕೆ ಮೇಲೆ ಉಪಸ್ಥಿತರಿದ್ದರು.

ಇದನ್ನೂ ಓದಿ: 'ಮರ್ಫಿ' ಪ್ರಮೋಷನ್ ಗಾಗಿ ಕೊಡವ-ಸ್ಪಾನಿಶ್ ಭಾಷೆಯ ಪ್ರೋಮೋ ಸಾಂಗ್

ಈ ಬಾರಿಯ ವೈಶಿಷ್ಟ್ಯವೆಂದರೆ ಸ್ಯಾಂಡಲ್ ವುಡ್ ಕಲಾವಿದರ ತಂಡಗಳ ಜೊತೆಗೆ ಪತ್ರಕರ್ತರ ತಂಡವೂ ಸೇರ್ಪಡೆಯಾಗಿರುವುದು. ಕೊರೊನಾದಿಂದ ಮನೆಯಲ್ಲೇ ಉಳಿಯುವಂತಾಗಿ ಜಡ್ಡುಗಟ್ಟಿರುವ ಮನಸ್ಸುಗಳಿಗೆ ಈ ಪಂದ್ಯಾವಳಿಯಿಂದ ಮನರಂಜನೆ ಜೊತೆಗೆ ಚೈತನ್ಯ ದೊರೆಯುವ ವಿಶ್ವಾಸವನ್ನು ಕಮರ್ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: 'ಶುಗರ್ ಫ್ಯಾಕ್ಟರಿ' ಟೈಟಲ್ ಸಾಂಗ್ ಗೆ ಚಂದನ್ ಶೆಟ್ಟಿ ಗಾಯನ: ಮೂವರು ನಾಯಕಿಯರೊಂದಿಗೆ ಡಾರ್ಲಿಂಗ್ ಕೃಷ್ಣ 'ಗಾನ ಬಜಾನ'