ಜುಲೈ 9 ರಂದು ನೇರವಾಗಿ ಕಲರ್ಸ್ ಕನ್ನಡ ಚಾನೆಲ್ ನಲ್ಲಿ 'ಆಮ್ಲೆಟ್' ವರ್ಲ್ಡ್ ಪ್ರೀಮಿಯರ್

ಅಮೃತ ಫಿಲಂ ಸೆಂಟರ್ ಸಂಸ್ಥೆ ಅಡಿ ನಿರ್ಮಾಣವಾಗಿರುವ, ಇ-ಸಮುದಾಯದ ಸಹಕಾರದೊಂದಿಗೆ ಶ್ರೀಮತಿ ಸರಿತಾ ಓಂಪ್ರಕಾಶ್ ಮತ್ತು ಪ್ರಸನ್ನ ಮಿಯಾಪುರಂ ನಿರ್ಮಾಣದ ಮತ್ತು ವೆಂಕಟ್ ಭಾರದ್ವಾಜ್ ನಿರ್ದೇಶನದ ಕನ್ನಡದ ಆಮ್ಲೆಟ್ ಚಿತ್ರವು ಜುಲೈ 9ರಂದು ಕಲರ್ಸ್ ಕನ್ನಡ ಚಾನೆಲ್ ನಲ್ಲಿ ಪ್ರದರ್ಶನಗೊಳ್ಳಲಿದೆ.

ಥಿಯೇಟರ್ ನಲ್ಲಿ ರಿಲೀಸ್ ಆಗದೇ ಈ ರೀತಿ ಪ್ರದರ್ಶನಗೊಳ್ಳುತ್ತಿರುವ ಕನ್ನಡದ ಮೊಟ್ಟ ಮೊದಲ ಚಿತ್ರ ಎಂದು ಚಿತ್ರ ನಿರ್ಮಾಪಕರಾದ ಸರಿತಾ ಓಂ ಪ್ರಕಾಶ್ ತಿಳಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಆಡಿಯೋ, ಟೀಸರ್ ಮತ್ತು ಚಿತ್ರಕ್ಕೆ ಸಂಬಂಧಪಟ್ಟ ಕುತೂಹಲ ವಿಷಯಗಳನ್ನು ಬಿಡುಗಡೆ ಮಾಡಲಿದ್ದೇವೆ ಎಂದು ಸರಿತಾ ಓಂಪ್ರಕಾಶ್ ಹೇಳಿದ್ದಾರೆ.

ಆಮ್ಲೆಟ್ ಚಿತ್ರ ಕ್ಲಾಸ್ ಕಾಮಿಡಿ ಚಿತ್ರವಾಗಿದ್ದು, ನೋಡುಗರಿಗೆ ಒಳ್ಳೆಯ ಮನೋರಂಜನೆ ನೀಡಲಿದೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ. ಇ-ಸಮುದಾಯ ಎಂಬ ಸಂಸ್ಥೆ ಈ ಚಿತ್ರಕ್ಕೆ ಸಹಕಾರ ನೀಡಿದೆ.  

ಸಂಯುಕ್ತ ಹೊರನಾಡು, ಶಿನವ(ನವೀನ್), ಬಲರಾಜ ವಾಡಿ, ಶರ್ಮಿತ ಗೌಡ, ನಿರಂಜನ್ ದೇಶಪಾಂಡೆ, ಪಿ.ಡಿ. ಸತೀಶ್ ಚಂದ್ರ, ಮಧುರ, ಬಿಗ್ ಬಾಸ್ ಖ್ಯಾತಿಯ ಸುಜಾತ ಅಕ್ಷಯ್, ಜ್ಯೂಸ್​ ಕುಡಿತೀಯಾ ಖ್ಯಾತಿಯ ವಿರಾಜ್ ಕನ್ನಡಿಗ, ವಂಶಿಧರ್ ಭೋಗರಾಜ್, ಲಾರೆನ್ಸ್ ಮತ್ತು ಹಲವಾರು ರಂಗಭೂಮಿ ಕಲಾವಿದರು ಆಮ್ಲೆಟ್ ಚಿತ್ರದಲ್ಲಿ ಕಾಣಿಸಿದ್ದಾರೆ.