'ಫ್ಯಾಂಟಮ್ 'ಮೂಲಕ ಕಿರುತೆರೆಯಿಂದ ಬೆಳ್ಳಿತೆರೆಗೆ ಬಂದ ನೀತಾ ಅಶೋಕ್

ನೀತಾ ಅಶೋಕ್ ಎಂಬ ಮತ್ತೊಬ್ಬ ಕಿರುತೆರೆ ನಟಿ ಬೆಳ್ಳಿತೆರೆ ಮೇಲೆ ಅದೃಷ್ಟ ಪರೀಕ್ಷೆಗೆ ಹೊರಟಿದ್ದಾರೆ. ಯಶೋಧೆ, ನಾ ನಿನ್ನ ಬಿಡಲಾರೆ, ನೀಲಾಂಬರಿ ಮೊದಲಾದ ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದ ನೀತಾ ಅಶೋಕ್ ಇದೀಗ ಕಿಚ್ಚ ಸುದೀಪ್ ಅಭಿನಯದ ಫ್ಯಾಂಟಮ್ ಚಿತ್ರದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ.

ಚಿತ್ರದಲ್ಲಿ ನೀತಾ ಅಶೋಕ್ ದ್ದು ಅಪರ್ಣಾ ಬಲ್ಲಾಳ್ ಎಂಬ ಪಾತ್ರವಾಗಿದ್ದು ಪ್ರೀತಿಯಿಂದ ಪನ್ನ ಎಂದು ಕರೆಯುತ್ತಾರೆ. ಸಂಜೀವ್ ಗಂಭೀರ್ ಪಾತ್ರ ಮಾಡುತ್ತಿರುವ ನಿರೂಪ್ ಭಂಡಾರಿಗೆ ಜೊತೆಯ ಪಾತ್ರ. ಚಿತ್ರದಲ್ಲಿ ಸಾಹಸ, ಸಾಧನೆ ಮಾಡುವ ಹುಡುಗಿ ಪಾತ್ರ.

ಇಂದು ಅವರ ಪಾತ್ರದ ಫಸ್ಟ್ ಲುಕ್ ಬಿಡುಗಡೆಯಾಗುತ್ತಿದೆ. ಚಿತ್ರೀಕರಣ ಭರದಿಂದ ಹೈದರಾಬಾದ್ ನ ಅನ್ನಪೂರ್ಣ ಸ್ಟುಡಿಯೊದಲ್ಲಿ ಸಾಗುತ್ತಿದೆ. ಈಗಾಗಲೇ ಶೇಕಡಾ 40ರಷ್ಟು ಚಿತ್ರೀಕರಣ ಮುಗಿದಿದೆ.

ಅನೂಪ್ ಭಂಡಾರಿ ನಿರ್ದೇಶನದ ಶಾಲಿನಿ ಆರ್ಟ್ಸ್ ನಡಿ ಮಂಜುನಾಥ್ ಗೌಡ ನಿರ್ಮಾಣ ಮಾಡುತ್ತಿದ್ದು ಅಜನೀಶ್ ಲೋಕನಾಥ್ ಸಂಗೀತ, ವಿಲಿಯಮ್ ಡೇವಿಡ್ ಛಾಯಾಗ್ರಹಣ, ಶಿವಕುಮಾರ್ ಕಲಾ ನಿರ್ದೇಶನವಿದೆ.