ಜಗಜಟ್ಟಿಯಾದರೂ, ಪತ್ನಿಗೆ ಪ್ರೀತಿಯ ಗಂಡನೇ..; ಪೈಲ್ವಾನನ ಹೊಸ ಅವತಾರ ನೋಡಿ..!

ಬೆಂಗಳೂರು: ಅಭಿನಯ ಚಕ್ರವರ್ತಿ ಕಿಚ್ಚಾ ಸುದೀಪ್ ಗೆ ಅವರ ಪತ್ನಿ ಹಾಗೂ ಆಪ್ತ ಗೆಳತಿ ಪ್ರಿಯಾ ಅವರು ಸ್ನೇಹಿತರ ದಿನಕ್ಕೆ ವಿಶೇಷ ಉಡುಗೊರೆ ನೀಡಿದ್ದು, ಈ ಉಡುಗೊರೆ ಇದೀಗ ವೈರಲ್ ಆಗಿದೆ.

ಇಂದು ಸ್ನೇಹಿತರ ದಿನದ ಪ್ರಯುಕ್ತ ನಟ ಕಿಚ್ಚ ಸುದೀಪ್ ಅವರ ಪತ್ನಿ ಪ್ರಿಯಾ ಅವರು ತಮ್ಮ ಜೊತೆಗಾರನಿಗೆ ವಿಶೇಷ ಶುಭಾಶಯ ಕೋರಿದ್ದು, ಪ್ರಿಯಾ ಸುದೀಪ್ ತಮ್ಮ ಪತಿ ಸುದೀಪ್ ಅವರನ್ನು 'ಬೆಸ್ಟಿ' ಎಂದು ಟ್ವೀಟ್ ಮಾಡುವ ಮೂಲಕ ವಿಶ್ ಮಾಡಿದ್ದಾರೆ. ಅಂತೆಯೇ ಫೋಟೋದೊಂದಿಗೆ ಸುದೀಪ್ ಅವರನ್ನು ಕೀಟಲೆ ಕೂಡ ಮಾಡಿದ್ದು, 'ನನ್ನ ಸ್ನೇಹಿತನೊಂದಿಗೆ ಸಿಲ್ಲಿಯಾಗಿರುವುದು, ಈ ಅವತಾರದಲ್ಲಿ ನಿಮ್ಮ ಪೈಲ್ವಾನ್ ಅನ್ನು ಎಂದಾದರೂ ನೋಡಿದ್ದೀರಾ? ನನ್ನ ಬೆಸ್ಟಿಗೆ ದೊಡ್ಡ ಅಪ್ಪುಗೆ' ಎಂದು ಟ್ವೀಟ್ ಮಾಡಿದ್ದಾರೆ. ಜೊತೆಗೆ ಎರಡು ನಗುವ ಎಮೋಜಿಯನ್ನು ಹಾಕಿದ್ದಾರೆ.

ತಮ್ಮ ಪತ್ನಿಯ ಈ ಟ್ವೀಟ್ ಗೆ ಪ್ರತಿಕ್ರಿಯೆ ನೀಡಿರುವ ಸುದೀಪ್, ಸ್ನೇಹ ಯಾವುದು ಎಂಬುದರ ಬಗ್ಗೆ ಈಗ ಎಲ್ಲರಿಗೂ ಸ್ಪಷ್ಟವಾಗಿದೆ.. ನನ್ನ ಆಪ್ತ ಸ್ನೇಹಿತೆಯಾಗಿದ್ದಕ್ಕಾಗಿ ನಿನಗೆ ದೊಡ್ಡ ಥ್ಯಾಂಕ್ಸ್.. ಎಂದು ಸುದೀಪ್ ಅಷ್ಟೇ ಪ್ರೀತಿಯಿಂದ ಟ್ವೀಟ್ ಮಾಡಿದ್ದಾರೆ.

ಇನ್ನು ಪ್ರಿಯಾ ಅವರು ಮಾಡಿರುವ ಟ್ವೀಟ್ ನೋಡಿದರೆ, ಪೈಲ್ವಾನ್ ಪಾತ್ರದಲ್ಲಿ ಕಾಣಿಸಿಕೊಂಡ ಸುದೀಪ್ ಇವರೇನಾ ಎಂಬ ಪ್ರಶ್ನೆ ಮೂಡುತ್ತದೆ. ಆದರೆ ಈ ಫೋಟೋ ಮೂಲಕ ಸುದೀಪ್ ಮತ್ತು ಅವರ ಪತ್ನಿ ಪ್ರಿಯಾ ಅಭಿಮಾನಿಗಳ ಮನಸ್ಸಿಗೆ ಮತ್ತಷ್ಟು ಹತ್ತಿರವಾಗಿದ್ದಾರೆ. ಅಂತೆಯೇ ಈ ಜೋಡಿ ಹೀಗಾ ಸದಾಕಾಲ ಸಂತೋಷವಾಗಿರಲಿ ಎಂದು ಅಭಿಮಾನಿಗಳು ಹಾರೈಸಿದ್ದಾರೆ.