ಡಿ.7ಕ್ಕೆ ತೆರೆಗೆ ಗಣೇಶ್ ಅಭಿನಯದ 'ಆರೆಂಜ್', ಶಿವಣ್ಣನ 'ಕವಚ'ಕ್ಕೆ ಸ್ಪರ್ಧೆ?
ಗಣೇಶ್ ಅಭಿನಯದ "ಆರೆಂಜ್" ಚಿತ್ರ ಇದೇ ಡಿಸೆಂಬರ್ 7ಕ್ಕೆ ತೆರೆ ಕಾಣುತ್ತಿದ್ದು ಸ್ಯಾಂಡಲ್ ವುಡ್ ನಲ್ಲಿ ಇನ್ನೊಂದು ಬಾಕ್ಸ್ ಆಫೀಸ್ ಸಂಘರ್ಷ ನಡೆಯುವ ಸೂಚನೆ ನೀಡಿದೆ.
Published On :
ಬೆಂಗಳೂರು: ಗಣೇಶ್ ಅಭಿನಯದ "ಆರೆಂಜ್" ಚಿತ್ರ ಇದೇ ಡಿಸೆಂಬರ್ 7ಕ್ಕೆ ತೆರೆ ಕಾಣುತ್ತಿದ್ದು ಸ್ಯಾಂಡಲ್ ವುಡ್ ನಲ್ಲಿ ಇನ್ನೊಂದು ಬಾಕ್ಸ್ ಆಫೀಸ್ ಸಂಘರ್ಷ ನಡೆಯುವ ಸೂಚನೆ ನೀಡಿದೆ. ಏಕೆಂದರೆ ಅದೇ ಸಮಯದಲ್ಲಿ ಹ್ಯಾಟ್ರಿಕ್ ಹೀರೋ ಶಿವಣ್ಣ ಅಭಿನಯದ "ಕವಚ" ಸಹ ಬಿಡುಗಡೆಯಾಗಲಿದೆ.
ಸೆನ್ಸಾರ್ ಮಂಡಳಿಯಿಂದ ಯು/ಎ ಸರ್ಟಿಫಿಕೇಟ್ ಪಡೆದಿರುವ ಪ್ರಶಾಂತ್ ರಾಜ್ ನಿರ್ದೇಶನದ "ಆರೆಂಜ್" ಡಿಸೆಂಬರ್ ನಲ್ಲಿ ತೆರೆಗೆ ಬರುವುದು ಖಚಿತ.ಇದಾಗಲೇ ದಿನಾಂಕ ನಿಗದಿಗೊಳಿಸಿರುವ ಚಿತ್ರತಂಡ ವಿತರಕರ ಹಾಗೂ ಚಿತ್ರಮಂದಿರಗಳನ್ನು ಅಂತಿಮಗೊಳಿಸುವತ್ತ ಗಮನ ನೀಡಿದೆ.
ಇನ್ನು ಗಣೇಶ್-ಪ್ರಶಾಂತ್ ಜೋಡಿಯ ಕಾಂಬಿನೇಷನ್ ನಲ್ಲಿ ಮೂಡಿಬರುತ್ತಿರುವ ಎರಡನೇ ಚಿತ್ರ ಇದಾಗಿದ್ದು ಇದಕ್ಕೆ ಮುನ್ನ "ಝೂಮ್" ಚಿತ್ರದ ಮೂಲಕ ಪ್ರೇಕ್ಷಕರ ಮನ ಗೆದ್ದಿತ್ತು. ಚಿತ್ರದಲ್ಲಿ ಬಿ ಟೌನ್ ಬೆಡಗಿ ಪ್ರಿಯಾ ಆನಂದ್ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದು ನಿಮ್ಮ ಸಿನಿಮಾ ಬ್ಯಾನರ್ ಅಡಿಯಲ್ಲಿ ನವೀನ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ.
ಚಿತ್ರದಲ್ಲಿ ದೇವ್ ಗಿಲ್ ಅಭಿನಯವಿದ್ದು ಜತೆಗೆ ಸಾಧು ಕೋಕಿಲಾ, ರಂಗಾಯಣ ರಘು, ಅವಿನಾಶ್, ಹರೀಶ್ ರಾಜ್, ಪದ್ಮಜಾ ರಾವ್, ಸತ್ಯಭಾಮಾ ಸಹ ನಟಿಸಿದ್ದಾರೆ.
ಚಿತ್ರಕ್ಕೆ ಎಸ್. ತಮನ್ ಸಂಗೀತವಿದ್ದರೆ ಸಂತೋಷ್ ರಾಜ್ ಪತ್ತಾಜೆ ಛಾಯಾಗ್ರಹಣವಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.