ಕಂಗನಾ-ಹೃತಿಕ್ ಕಾನೂನು ಸಮರ: ಶೀಘ್ರದಲ್ಲೇ ಸತ್ಯ ಬಹಿರಂಗಗೊಳ್ಳಲಿದೆ- ಮೌನ ಮುರಿದ ರಾಕೇಶ್ ರೋಷನ್
ಬಾಲಿವುಡ್ ನಟಿ ಕಂಗನಾ ರನೌತ್ ಹಾಗೂ ಹೃತಿಕ್ ರೋಷನ್ ನಡುವಿನ ಕಾನೂನು ಸಮರ ಕುರಿತಂತೆ ಇಷ್ಟು ದಿನ ಮೌನ ತಾಳಿದ್ದ ಹೃತಿಕ್ ತಂದೆ ರಾಕೇಶ್ ರೋಷನ್ ಅವರು, ಕೊನೆಗೂ ತಮ್ಮ ಮೌನವನ್ನು ಮುರಿದಿದ್ದು, ಶೀಘ್ರದಲ್ಲಿಯೇ ಸತ್ಯ ಬಹಿರಂಗಗೊಳ್ಳಲಿದೆ...
Published On :
ಮುಂಬೈ: ಬಾಲಿವುಡ್ ನಟಿ ಕಂಗನಾ ರನೌತ್ ಹಾಗೂ ಹೃತಿಕ್ ರೋಷನ್ ನಡುವಿನ ಕಾನೂನು ಸಮರ ಕುರಿತಂತೆ ಇಷ್ಟು ದಿನ ಮೌನ ತಾಳಿದ್ದ ಹೃತಿಕ್ ತಂದೆ ರಾಕೇಶ್ ರೋಷನ್ ಅವರು, ಕೊನೆಗೂ ತಮ್ಮ ಮೌನವನ್ನು ಮುರಿದಿದ್ದು, ಶೀಘ್ರದಲ್ಲಿಯೇ ಸತ್ಯ ಬಹಿರಂಗಗೊಳ್ಳಲಿದೆ ಎಂದು ಬುಧವಾರ ಹೇಳಿದ್ದಾರೆ.
ಸುಖಾಸುಮ್ಮನೆ ಮಾತನಾಡಿರುವ ವ್ಯಕ್ತಿಗಳು ನಾವಲ್ಲ. ಸಾಬೀತು ಪಡಿಸದೆಯೇ ಆರೋಪಗಳನ್ನು ಮಾಡುವುದರ ಮೇಲೆ ನಮಗೆ ನಂಬಿಕೆಯಿಲ್ಲ. ನಮ್ಮ ಬಳಿಯಿರುವ ಎಲ್ಲಾ ಸಾಕ್ಷ್ಯಾಧಾರಗಳನ್ನು ಸಲ್ಲಿಸಿದ್ದೇನೆ. ನಾವು ನೀಡಿರುವ ದೂರಿನ ಪ್ರತಿ ಬೇಕಿದ್ದರೆ, ನಮ್ಮ ಪರ ವಾದ ಮಂಡಿಸುತ್ತಿರುವ ವಕೀಲ ಮಹೇಶ್ ಜೇಠ್ಮಲಾನಿಯವರ ಕಚೇರಿಯನ್ನು ಸಂಪರ್ಕಿಸಿ ಎಂದು ಹೇಳಿದ್ದಾರೆ.
ಹೃತಿಕ್ ನೀಡಿರುವ ದೂರಿನ ಪ್ರತಿಯನ್ನು ಓದಿದರೆ ಅದರಲ್ಲಿರುವ ಸತ್ಯಾಗಳನ್ನು ನೋಡಿದರೆ ನಿಜಕ್ಕೂ ಆಘಾತವಾಗುತ್ತದೆ. ನಮ್ಮ ಬಳಿಯಿರುವ ಎಲ್ಲಾ ಸಾಕ್ಷ್ಯಾಧಾರಗಳನ್ನು 2017 ಏ.8 ರಂದು ಸೈಬರ್ ಕ್ರೈಂ ಅಧಿಕಾರಿಗಳಿಗೆ ನೀಡಿದ್ದೇವೆ. ಸಾಕ್ಷ್ಯಾಧಾರಗಳನ್ನು ಪರಿಶೀಲಿಸಿದ ಅಧಿಕಾರಿಗಳೇ ಸತ್ಯ ಏನೆಂಬುದನ್ನು ಬಹಿರಂಗಪಡಿಸಬೇಕಿದೆ.
ಸತ್ಯಕ್ಕಿರುವ ಶಕ್ತಿಯ ಮೇಲೆ ನಾವು ಹೆಚ್ಚು ನಂಬಿಕೆಯನ್ನು ಇಟ್ಟಿದ್ದೇವೆ. ನನ್ನ ತಂದೆ ನನಗೆ ಪ್ರಾಮಾಣಿಕತೆ, ಸತ್ಯತೆಯನ್ನು ಹೇಳಿಕೊಂಡಿದ್ದರು. ಇದನ್ನೇ ನಾನೂ ನನ್ನ ಮಗ ಹೃತಿಕ್'ಗೆ ಹೇಳಿಕೊಟ್ಟಿದ್ದೇನೆ. ಶೀಘ್ರದಲ್ಲಿಯೇ ಸತ್ಯಾಂಶ ಬಹಿರಂಗಗೊಳ್ಳಲಿದೆ ಎಂದು ತಿಳಿಸಿದ್ದಾರೆ.
ತಮ್ಮ ವಿರುದ್ಧ ನಟಿ ಕಂಗನಾ ಅವರು ಸಾಕಷ್ಟು ಆರೋಪಗಳನ್ನು ಮಾಡುತ್ತಿದ್ದರೂ ಇಷ್ಟೂ ದಿನ ಮೌನ ವಹಿಸಿದ್ದ ನಟ ಹೃತಿಕ್ ರೋಷನ್ ಅವರು ಒಮ್ಮೆಲೆ ಸ್ಫೋಟಗೊಂಡಿದ್ದರು. ನಟಿ ಕಂಗನಾ ತಮ್ಮ ಬೆನ್ನು ಬಿಡದಂತೆ ಹಿಂಸಿಸುತ್ತಿದ್ದಾರೆಂದು ಆರೋಪಿಸಿ 29 ಪುಟಗಳ ದೂರು ನೀಡಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.