'ದ ವಿಲನ್' ಭಾಗವಾದ ಶ್ರುತಿ ಹರಿಹರನ್
ನಟ ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೆ ನಟಿಸುತ್ತಿರುವ 'ದ ವಿಲನ್' ಚಿತ್ರದ ನಾಯಕನಟಿಯಾಗಿ ಅಮಿ ಜಾಕ್ಸನ್ ನಟಿಸಲಿದ್ದಾರೆ ಎಂಬ ಸುದ್ದಿ ಇನ್ನು ಅಧಿಕೃತವಾಗಿ ಘೋಷಣೆಯಾಗಬೇಕಿದ್ದರು,
Published On :
ಬೆಂಗಳೂರು: ನಟ ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೆ ನಟಿಸುತ್ತಿರುವ 'ದ ವಿಲನ್' ಚಿತ್ರದ ನಾಯಕನಟಿಯಾಗಿ ಅಮಿ ಜಾಕ್ಸನ್ ನಟಿಸಲಿದ್ದಾರೆ ಎಂಬ ಸುದ್ದಿ ಇನ್ನು ಅಧಿಕೃತವಾಗಿ ಘೋಷಣೆಯಾಗಬೇಕಿದ್ದರು, ಕನ್ನಡ ನಟಿ ಶ್ರುತಿ ಹರಿಹರನ್ ತಂಡವನ್ನು ಸೇರಿದ್ದಾರೆ. ಶ್ರುತಿ ಶಿವಣ್ಣನೆದುರು ಮೊದಲ ಬಾರಿಗೆ ನಟಿಸುತ್ತಿದ್ದು, ಅತಿ ಉತ್ಸುಕರಾಗಿದ್ದಾರೆ. ಪ್ರೇಮ್ ಈ ಸಿನೆಮಾದ ನಿರ್ದೇಶಕ.
ಶ್ರುತಿ ಶನಿವಾರ ಶಿವಣ್ಣನವರೊಂದಿಗೆ ಫೋಟೋ ಶೂಟ್ ನಲ್ಲಿ ಭಾಗಿಯಾಗಿದ್ದು ತಮ್ಮ ಅನುಭವಗಳನ್ನು ಹಂಚಿಕೊಳ್ಳುತ್ತಾರೆ. "ನಾನು ಇದೆ ಮೊದಲ ಬಾರಿಗೆ ಅವರ ಜೊತೆಗೆ ತೆರೆ ಹಂಚಿಕೊಳ್ಳುತ್ತಿದ್ದರೂ, ಅವರಿಗೆ ನೃತ್ಯ ತರಬೇತಿ ನೀಡಲು ಮೊದಲ ಬಾರಿಗೆ ಅವರ ಮನೆಯಲ್ಲಿಯೇ ಭೇಟಿಯಾಗಿದ್ದೆ. ಅವರು ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಪ್ರದರ್ಶನ ನೀಡಬೇಕಿತ್ತು. ಆಗ ನೃತ್ಯ ನಿರ್ದೇಶಕ ಇಮ್ರಾನ್ ಸರ್ದಾರಿಯಾ ಅವರಿಗೆ ಸಹಾಯಕಿಯಾಗಿ ಹೋಗಿದ್ದೆ.
"ಆಗ ಶಿವಣ್ಣನವರಿಗೆ ತರಬೇತಿ ನೀಡಿದ ಆ ಕೆಲವು ಘಂಟೆಗಳು ಇನ್ನು ನೆನಪಿನಲ್ಲಿದೆ. ಅವರ ಜೊತೆಗೆ ನೃತ್ಯ ಮಾಡುವ ಅವಕಾಶ ಸಿಕ್ಕಿದ್ದು ಆಹ್ಲಾದಕಾರಿಯಾಗಿತ್ತು... ಅವರು ನನ್ನನ್ನು ವೇದಿಕೆಗೆ ಕರೆದು ಧನ್ಯವಾದ ಕೂಡ ಹೇಳಿದ್ದರು. ಅದು ಅವರ ವಿನಯವಂತಿಕೆ ತೋರಿಸುತ್ತದೆ" ಎನ್ನುವ ಶ್ರುತಿ "ನಾನು ಈ ಫೋಟೋ ಶೂಟ್ ಸಮಯದಲ್ಲಿ ಈ ವಿಷಯವನ್ನು ಅವರೊಂದಿಗೆ ಹಂಚಿಕೊಂಡೆ" ಎನ್ನುತ್ತಾರೆ.
ಈ ಸಿನೆಮಾವನ್ನು ಸಿ ಆರ್ ಮನೋಹರ್ ನಿರ್ಮಿಸುತ್ತಿದ್ದು, ಶಿವಣ್ಣನವರ ಟೀಸರ್ ಬಿಡುಗಡೆಯ ನಂತರ ಸುದೀಪ್ ಫೋಟೋ ಶೂಟ್ ಜರುಗಲಿದೆಯಂತೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.