ಕೊನೆಗೂ 'ಹಯಗ್ರೀವ'ನಾಗಿ ಧ್ರುವ್ ಸರ್ಜಾ

ನಟ ಧ್ರುವ್ ಸರ್ಜಾ, ನಿರ್ದೇಶಕ ನಂದ ಕಿಶೋರ್ ಮತ್ತು ನಿರ್ಮಾಪಕ ಬಿ ಕೆ ಗಂಗಾಧರ್ ಅವರನ್ನು ಮೂರೂ ವರೆ ವರ್ಷಗಳ ಹಿಂದೆ ಒಟ್ಟಿಗೆ ತಂದ ಯೋಜನೆ ಕೊನೆಗೂ ಮುಂದುವರೆಯುತ್ತಿದೆ.

ನಟ ಧ್ರುವ್ ಸರ್ಜಾ

Guruprasad Narayana

Published On :5 Apr 2017, 8:45 pm

Add as a preferred source on Google

ಬೆಂಗಳೂರು: ನಟ ಧ್ರುವ್ ಸರ್ಜಾ, ನಿರ್ದೇಶಕ ನಂದ ಕಿಶೋರ್ ಮತ್ತು ನಿರ್ಮಾಪಕ ಬಿ ಕೆ ಗಂಗಾಧರ್ ಅವರನ್ನು ಮೂರೂ ವರೆ ವರ್ಷಗಳ ಹಿಂದೆ ಒಟ್ಟಿಗೆ ತಂದ ಯೋಜನೆ ಕೊನೆಗೂ ಮುಂದುವರೆಯುತ್ತಿದೆ. ರಾಮನವಮಿಯ ದಿನ ಸ್ಕ್ರಿಪ್ಟ್ ಪೂಜೆ ನಡೆದಿದ್ದು, ಏಪ್ರಿಲ್ ನಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆ. ಅದಕ್ಕೂ ಮುಂಚಿತವಾಗು ಅದ್ದೂರಿ ಮುಹೂರ್ತ ನೆರವೇರಲಿದೆಯಂತೆ.

ಈಗ ಸದ್ಯಕ್ಕೆ ರಾಕ್ಲೈನ್ ವೆಂಕಟೇಶ್ ನಿರ್ಮಿಸುತ್ತಿರುವ 'ವಿಐಪಿ' ರಿಮೇಕ್ ನ ಚಿತ್ರೀಕರಣದ ನಂತರದ ಕೆಲಸಗಳಲ್ಲಿ ನಿರತರಾಗಿರುವ ನಂದ ಜೊತೆಜೊತೆಗೆ ಧ್ರುವ್ ಯೋಜನೆಯನ್ನು ಪ್ರಾರಂಭಿಸಲಿದ್ದಾರಂತೆ. ಈ ಮಧ್ಯೆ ಬಹುದಿನಗಳಿಂದ ಚಿತ್ರೀಕರಣಗೊಳ್ಳುತ್ತಿರುವ 'ಭರ್ಜರಿ' ಸಿನೆಮಾದ ಚಿತ್ರೀಕರಣ ಬಹುತೇಕ ಮುಗಿಸಿದ್ದು, ಕೇವಲ ಒಂದು ಹಾಡಿನ ಚಿತ್ರೀಕರಣವಷ್ಟೇ ಬಾಕಿಯಿದೆ.

"ನಾನು ಉತ್ಸುಕನಾಗಿದ್ದೀನಿ" ಎನ್ನುವ ನಿರ್ಮಾಪಕ ಗಂಗಾಧರ್ "ನನ್ನ ಕೊನೆಯ ಚಿತ್ರ 'ಅಧ್ಯಕ್ಷ' ೨೦೧೪ ರಲ್ಲಿ ಬಿಡುಗಡೆಯಾಗಿತ್ತು. ನಾನು ನಟ ಮತ್ತು ನಿರ್ದೇಶಕರ ತಂಡಕ್ಕಾಗಿ ಕಾಯುತ್ತಿದ್ದೆ. ಇಬ್ಬರೂ ಅವರ ಪೂರ್ವನಿಯೋಜಿತ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದರು. ಈಗ ಅವರು ನನ್ನ ಯೋಜನೆಯ ಮೇಲೆ ಗಮನ ಹರಿಸಲಿದ್ದಾರೆ" ಎನ್ನುತ್ತಾರೆ 'ಗೆಳೆಯ', ಶೌರ್ಯ', 'ಜರಾಸಂಧ' ಮತ್ತು 'ಚಂದ್ರಲೇಖಾ' ಸಿನೆಮಾಗಳ ನಿರ್ಮಾಪಕ.

ಮೊದಲಿಗೆ ತೆಲುಗು ಸಿನೆಮಾ 'ಕಂದಿರೀಗ' ರಿಮೇಕ್ ಮಾಡುವ ಯೋಜನೆ ಹೊಂದಿದ್ದರು ನಂತರ ನಿರ್ದೇಶಕ ಧ್ರುವ್ ಗಾಗಿಯೇ ಮತ್ತೊಂದು ಕಥೆ ರಚಿಸಿದ ಮೇಲೆ ಈಗ ಯೋಜನೆಯನ್ನು ಬದಲಿಸಲಾಗಿದೆ. "ಈ ಯೋಜನೆ ಅತಿ ವಿಳಂಬವಾದರೂ. ನಂದ ಈಗ ಅದ್ಭುತ ಸ್ಕ್ರಿಪ್ಟ್ ಹಿಡಿದು ಹಿಂದಿರುಗಿದ್ದಾರೆ. ಇದು ಆರು ತಿಂಗಳ ಹಿಂದೆಯೇ ಸಿದ್ಧವಿತ್ತು ಮತ್ತು ಚಿತ್ರೀಕರಣದ ಸಮಯಕ್ಕೆ ರೂಪುಗೊಳ್ಳಲಿದೆ" ಎನ್ನುತ್ತಾರೆ ಗಂಗಾಧರ್.

"ಧ್ರುವ್ ಅವರ ಮುಂದಿನ ಸಿನೆಮಾ 'ಹಯಗ್ರೀವ'" ಎಂದು ಘೋಷಿಸಿದ್ದಾರೆ ಗಂಗಾಧರ್.

Follow KannadaPrabha channel on WhatsApp

Subscribe to KannadaPrabha YouTube Channel and watch Videos

Download the KannadaPrabha News app to follow the latest news updates

Subscribe and Receive exclusive content and updates on your favorite topics

Nanda Kishore ನಂದ ಕಿಶೋರ್VIP ವಿಐಪಿ Dhruva sarja ಭರ್ಜರಿ Bhrajari ಧ್ರುವ್ ಸರ್ಜ

Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.